انابيلي الخروف ..

[عماد 18]

كان يا ماكان ..
في حديث الزمان ..
و حالي العصر و الاوان ..
كان في خروف ..
خروف اسمه انابيلي ..
كان مثل شبابنا هالايام ..
فسقان ..
و مسوي مغني و فنان ..

طبعا تشوفون المخفات اللي هناك ..
هذولا معجبين الاخ انابيلي ..
و مرت الايام ..
و سافرنا مع خدام ..
احم اقصد و سافروا اصدقاء انابيلي ..
و صار لحاله ..
محد يصفق له اذا جلس يغني و الا يفحط ..
و ما عاد يحس ان هالاشياء تسليه ..

جلس انابيلي يفكر ..
و استغرب شلون كان مخفة ..
و كان يسمع كلام اصدقاؤه و هم يشجعونه على الاشياء الغبية اللي كان يسويها ..
و ظل يفكر و يفكر ..
حتى خيم الظلام <== يزعط حاكر ابو اللغة ..

و انابيلي ما زال يفكر ..
ياترى وش يبي يسوي ؟؟
و هل يستمر في خرابيطه حتى بدون اصدقاؤه ؟؟
و فجأة !!
و على حين غرة !!
مر طبق فضائي !!
لكن للاسف غريندايزر كان مسوي اضراب بسبب ارتفاع اسعار البنزين الى 90 هللة مقابل اللتر ..
و دوق فليد المسكين على قد حاله ..
موب فاضي يفلل الاخ غيرندايزر كل اسبوع ب50 ريال !!
هذا غير فواتير الجوال و الانترنت اللي تطق الالفين ..
ما علينا ..
المهم الطبق الفضائي قال للاخ انابيلي ..
الطبق الفضائي : مي نو وانط اسمع يو قني اجين !!
انابيلي : هاه ؟! وش تقول انت ؟؟
الطبق الفضائي : مي سبيك واضه ؟؟ انت ايس فيه ؟! دبسة و الا تتديبس ؟!
انابيلي : و الله و يعرف يغلط الفضائي !! الزم حدودك عاد .. موب عشانك فوق تقوم تنافخ !!
الطبق الفضائي : سوف سديق !! <== اخس حتى الفضائيين عندهم هنود !!
انا راح يضرب انت اشعة .. يخلي قوي سيم سيم باك مان .. اوكي ؟؟
انابيلي : وش اشعته !؟ ناوي تموتني بالسرطان !! انقلع لا بارك الله لا فيك و لا الباكمان حقك .. بعدين اسمه سوبر مان !!
الطبق الفضائي : مابي موسكل .. زا موست امبورطنط از يور صوت ما يجينا في المريخ مرة تاني و يقطع علينا خرطوم موية !!
و نفذ الطبق الفضائي تحذيره !!

المسكين انابيلي ..
ما تحمل الصعقة..
فاغمي عليه ..
بعدين صحى ..
و لقى نفسه ..

و حس بقوته ..
و انه لا يقهر ..
خصوصا يوم صار وردي ..
هذا دليل على انه معصب ..
المهم انابيلي حس ان هالشي ما كان مصادفة ..
و انه الفضائيين منحوه فرصة العمر حتى يعوض الضياع الي كان فيه ايام شبابه ..
لذا قرر ..
انه يخدم الشباب و ما يخليهم يسلكون مسلكه من الحياة ..
بانه ..
يسخر طاقته في لعب كرة القدم <== طموح شبابنا للاسف ..
و يعوض خسارة المانيا الفضيحة ..
من بكرة ..
سافر للرياض ..
و راح لمقر الاتحاد السعودي لكرة القدم ..
و استعرض مهاراته قدام فاندرليم ..

و سدد الكورة و هو مغمض !!
مما اثار اعجاب فاندرليم بقدرات هذا الخروف الفذ ..
و طالب بضمه للمنتخب في التو و اللحظة !!
على امل ان يمحو هزيمة المانية الثمانية ..
و ما اكتفى بكذا بس ..
بل عين له خبير مساج عالمي ..

بس لا تفوتكم خشة انابيلي اذا خق من المساج ..

طبعا فاندرليم حط رجله وقتها لان خشة انابيلي تدل على خقة لا تحمد عقباها ..
ايه وجه فقر ..
ما تعود على الدلع ..
من التسدح على ارصفة مدارس البنات ..
الى اخصائي مساج خاص ..
و اصبح انابيلي لاعبا يشار له بالبنان ..
و يحضر المؤتمرات ..
و يفرض نفسه قدوة للجيل الجديد ..
و تضرب فيه الامثال بسمو الاخلاق و حسن التفكير ..
وما في جريدة وحدة ما تلقى فيها اسم انابيلي ..
و صعد في سماء النجومية باسرع من الضوء ..
و اصبحت الكور ترمى عليه من كل حدب و صوب ..



فالى متى نترك امثال انابيلي يضحكون علينا ؟؟

[memy]

هههههههههههه يازينها خرفان الريل

عماد موضوعك فله :6

اول مره تسوي مثل كوذا

ههههههههههه بس روعه :6

فالى متى نترك امثال انابيلي يضحكون علينا ؟؟

اما على سوعالك .... الين ما تحج البقره على قرونها :6

وطانكيو عمادوه على القوصه انابيلي :6

[snow river]

ضحكت ضحك هههههههههههههههههههههههههههههههههههه


الحين مو هذا الخروف اللي فreal player

فالى متى نترك امثال انابيلي يضحكون علينا ؟؟

ايييييييييييييه الواسطات


واخيرا مشكوووووووووور اوي وايد <=== مصري وكويتي

[FARES360]

ياعيني .. والله انك كوول مررررررررررره بالسعودي :6

:6 الخرووف اساسا اسمه مضحك هههههه انابيلي (( انا Belly؟ ))

ياخي القصه فانتاستيك very very فاااني :0)

ثانكيو فيري متش ^^ عماد 18

[Atsmknv]

الله يرجك كنت أضن اسم الموضوع :-

أنا أبي لي خروف



مشكور على الموضوع الـــ ( ;-) )

[DE NILSON]

ههههههههههه


حلو ياعماد

[Chad]

الرسالة الأصلية كتبت بواسطة عماد 18

لكن للاسف غريندايزر كان مسوي اضراب بسبب ارتفاع اسعار البنزين الى 90 هللة مقابل اللتر ..
و دوق فليد المسكين على قد حاله ..
موب فاضي يفلل الاخ غيرندايزر كل اسبوع ب50 ريال !!
هذا غير فواتير الجوال و الانترنت اللي تطق الالفين ..

الباين إنو في عوامل مشتركه بينك وبين أنابيلي:6

موضوعك فله يا عماد

وبصراحه فكرته ليس لها سابق

وياريت تزيدنا من مثل هالمواضيع

[Mesharey]

أما موضوع بصراحة ..ما أدري وش يبي !!

أول مرة قريت العنوان على هذي الطريقة ..
أنا أبيلي خروف !

موضوع حلو وترفيهي !

و يعوض خسارة المانيا الفضيحة ..

لا تعليق":" ...<< 6/0 خسرنا !

فالى متى نترك امثال انابيلي يضحكون علينا ؟؟

To The End Of Our Journey ..

snow river

واخيرا مشكوووووووووور اوي وايد <=== مصري وكويتي

ترى مو شرط وايد :6 ..


مشكور على الموضوع الـ...لاتعليق !

[BATIGOL]

عماد اويلاه

لهاالحين معذبتك الثمانيه

تعيش وتاكل غيرها

الله يستر الى الان الوضع ما يطمن

على العموم

نعست ابي اعد لاعبينا......قصدي خرفان وانام.

[ورد]

بس منو هذا انابيلي

[عماد 18]

ميمي
مسكت معي غلط بصراحة ..
كنت مشغل الريل و حاط هالخروف ..
و اشوفه شغال بهالحركات ..
فجلست اصور له كم لقطة و الفت قصة ما ادري وش تبي بصراحة ..
و الا ترى الدعوة كلها ارتجالية ..
و مشكورة على ردك ..

سنوريفر
الا هو ..
و ترى له اسم :غضب: !!
انابيلي ..

فارس
تسلم اخوي ..
و هو اسمه بالانجليزي Annabelly على ما اظن ..
و انت الفانتستك :6 ..

اتسمنكف
عليك اسم :": ..
العفو ..

دينلسون
تسلم ..

اي جي
هووص !!
فضحتني :": ..
لازم يكون في عوامل مشتركة بين الكاتب و قصته ":" ..
اما ازيدكم فصعبة شوي ..
اول مرة ادخل هالوقت ..
عشان الحق على الموضوع و احذفه بس لقيت ردودكم كثيرة فتحسفت ..
و تسلم على ردك ..

خوباج
مو بس انت اللي مزاجك عليه طلعات :6 ..

مشاري
تسلم على ردك ..
وتراكم خسرتم 7 ":" ..
بس على الاقل مباراة ودية مو مثلنا قدام العالم ..

باتيقول
لا ما دريت عنها ..
اشوى اني شجعت المانيا ذيك المباراة ..
بس الموضوع اصلا جاي خبط لزق لذا لا تدقق ..

بوي ثينج
ايه هو نفسه ..
اذا تبي تعرف القصة راجع ردي على ميمي :6 ..
و تسلم ..

ورد
شغلي الريل بلاير و شوفي بنفسك ..

[ورد]

الرسالة الأصلية كتبت بواسطة عماد 18
ورد
شغلي الريل بلاير و شوفي بنفسك ..

اول شي..

هالكمبيوتر ما فيه ريل بلاير

وثاني شي..

الريل بلاير في جهازي ما يرضى يطلع لي شي,,,

اللهم يطلع لي مربع مكتوب فيه اني لازم افتح النت ...


ماعلينا ..مولازم اعرفه ..

موضوع حلو تسلم عليه

[Atsmknv]

الرسالة الأصلية كتبت بواسطة عماد 18
ميمي


اتسمنكف
عليك اسم :": ..
العفو ..

هذا السر في أسمي حتى أنا ما أعرف انطقة ، والدليل أنك نطقته خطأ

[yosr]

ربما الامر لا يستحق الضحك الذي ضحكته و الذي جعلت الخادمة تظنني ابكي .. لكن اعجبتني الفكرة و طريقة الكتابة

حلوة الصة و ياريت تعمل واحدة تانيةزيها

[( الآزوري 10 )]

حلو موضوعك ياخروف اقصد ياعماد