هلاع
وش أخباركم عساكم بخير...الحمد لله
المهم
كل صبحيه للمدرسه
بعد غياب دام عدة اسابيع بسبب الحرب:6
تعرفون ماابي اعرظ نفسي للخطر:6
المهم أصبح على التلفزيون أحط على الجزيره نشوف أخر أخبار الحرب
وأقابل الصحاف مقابلي يرفع معنويات شوي قبل يوم دراسي من الكرف
وبصراحه يوسع الصدر خاصه لين قال
هؤلاء الأوغاد الدوليون عصابة المرتزقه العلوج التافهين
يرفع معنويات شوي
المهم وصلت للمدرسه وتحديدا
حصة الفيزياء وماأدراك ماحصه الفيزياء أقابل استاذ أردني
ويتكلم عن السياسه أو بالأصح دخلناه بالسياسه
قلنا الحين بيتكلم بشي قوي ولا بيقعد يسب في الامريكان
والمفاجأة قعد يسب في الصحاف :!
"شو هاظى الصحاف كلامه بذئ ووسيخ مابيعرفش يتكلم"
:! قمط الفصل
قلنا الحين الي هامك كلامه والا ماهمك ذا الي يقتلون
ملاحظه /// كل هالي نقوله بحظور صاحب سمو ملكيفي الفصل
يعني ولد آل سعود معنا.
وولد السعود ذا أخلاق والله بس لين خش في السياسه ودك تسطره
المهم طلع ولد السعود يتمشى بالمدرسه شوي
أي ولد ال سعود من بيقوله شي
قعد طويل العمر استاذ الفيزياء يحش بالامريكان
اااااه يامنافق مايمديك تتكلم قدامه
طحت من عيني
المهم رجعت للبيت واقرأ الجريده القى محلل سياسي يتكلم عن الصحاف
ويقول ان كلامه غير لائق >>>>أقول لاتتكلم في شي مالك فيه حظ ولانصيب
يبي يقولهم حياكم الله يالأمريكان
فعلا ربعنا عندهم ...أهم شي الأخلاق
افتح اخر صفحه
الاقي معنى كلمة علوج
امحق صحافه توها تعرف كلمه علوج وهي صحيفه
موضوع مدري وش يبي
بس برد قلبي شوي
اف للاطاله
