-
أخيرا Pokemon Sapphire بين يدي,أما Wind Waker..
البارحة رحت لأشهر محل عندنا في قطر ومعاي 600 ريال(58 دينار تقيربا....ونفس الدرهم الاماراتي والريال السعودي),وفي بالي اشتري بوكيمون سافاير ب200 ريال وزيلدا ذا ويند ويكر ب280 ريال والباقي مجلات وعشا من subway,المهم,أنا اتصلت في المحل من 5 أيام وقال أنه جايب أكثر من 100 نسخة من ويند ويكر فما في خوف تخلص أو تنفذ,رحت المحل مطمئن,قتله بوكيمون سافاير,قال تو واحد خذا ءاخر نسخة,وطبعا أنا كنت بنفجر,بس قال لي لحظة في وحدة أخيرة معروضة في الواجهه.......ارتحت
وبعدين قلتله زيلدا,تلعثم ونادا زميله,وتساسر معاه وجاني وقال لي:حبيبي كل الحبات خلصوا ومافينا نجيب شحنة جديدة حتى الأسبوع اجاي..........لااااااااااا:" ,تركت المحل وماقدرت اقول للرجال شيء لأنه سوري مش هندي(<<<<شوف العنصرية:6 ),ورجعت البيت مع السواق الي مابغا يسكت:بوش نفر مافي زين,ميسكينا اراكي نفر.
طلعت فوق سيده على غرفتي,مسكت الأدفانس الشفاف حقى وشغلت اللعبة والسماعات في اذني,وهذا رايي في اللعبة بعد 3 ساعات ونصف من اللعب
بصراحة توقعت أفضل من شذي,انصقعت بأن اللعبة مافيها أشياء جديدة ومثيرة الا البوكيدكس والبوكيناف وبوكيمونات جديدة كرهتها من أول نظرة(الله يذكر ال151 القدامى...فعلا شخصيات لاتنسى),بس تحملت وبعدين تفاجأت بشيء ثاني,القصة هي نفسها,في البداية تتعرف على بنت البروفيسور وبعدين تختار واحد من ثلاثة(اخترت المائي),وبعدين تجول المدن لتجميع الأوسمة.......يعني لهالدرجة مخ المبرمجين فاضي ومافيه أفكار لقصة جديدة 100% غير تجميع الأوسة:غضب:
أيضا تفاجأت بنظام المعارك الذي يشبه القديم 99% ماعدا أن الألوان أصبحت أفضل قليلا,أين خلفيات القتال مثل جولدن سن:!
تقديري لها 80%.....وعلى الأقل ستصبرني لموعد صدور جولدن سن2
سلاموف:-)
Nintendo is back
-
مبروووووك على شرائك بوكيمون
انا احن للبوكيمونات الاوليه تهي تهي :"
مادري الجديده احس شكلها غلط بس ماشي حالهم
والله يعينك على ما تلاقي نسخة زيلدا
سايونارا
-
-
مبروك وعقبال ما تشتري زيلدا وروبي ^^
اما عن راييك .. البوكيمونات الجديدة بعضها قبيح جداً .. اما بعضها رائع وممتاز
المهم اللعبة فيها قصة مختلفة قليلاً عن الاجزاء القديمة ... كمل في اللعبة وراح تعرف
اما عن التكرار في اللعبة .. مافيه انا بالبداية قلت مثلك
لكن لما كملت اكشتفت اشياء كثييرة ....
مثل المسابقات .. وتقدر تغوص تحت الماء غير إن فيه 10 بوكيمونات اسطورية
اللعبة فيها تجديد بالرسوم وطريقة اللعبة شوي ^^
كمل فيها وراح تعجبك ;-)
-
الله يبارك فيك!
10 بوكيمونات أسطورية:واو:
وطبعا بكمل;-)
Nintendo is back
-
مبروووووووووك وعقبال زيلدا.
أنا جربت اللعبة اليابانية (على الـ PC) وقاعد أنتظر نزولها في السعودية (إذا نزلت 
) وأنا بعد توقعت أنها تكون أحسن من كذا.
-
اول شي مبروك على بوكيمون..
وثاني شي ان شاء الله تشتري زلدا عن قريب
وبالنسبة حق بوكيمون ..اهي اللعبة مو الحلو فيها قصتها...الحلو هو طريقتها
بس انا الشي اللي ضايقني انك ما تقدر تصيد كل البوكيمونات القدم وان ما تقدر ترجع المدن السابقة (johto-kanto) مثل السيلفر والجولد والكريستال
اما عن زلدا...فتوني توني توني توني شاريها
(حتى ما مداني العبها)
-
مبروك زينو...
بس ماراح تقدر تلعب اللعبة مع زيلدا
بتبتلش...اليوم الصبح شريتها ما تقدر تتركها من حلاوتها
-
شدعوا البوكيمون ما عجبك ><
-
Re: أخيرا Pokemon Sapphire بين يدي,أما Wind Waker..
الرسالة الأصلية كتبت بواسطة xenosaga
أيضا تفاجأت بنظام المعارك الذي يشبه القديم 99% ماعدا أن الألوان أصبحت أفضل قليلا,أين خلفيات القتال مثل جولدن سن:!
تقديري لها 80%.....وعلى الأقل ستصبرني لموعد صدور جولدن سن2
سلاموف:-)
هلا ... نسيت شيء .. تشبيهك للقديم غلطان تعرف ليش ؟!
نسيت يوم تعاركت مع بوكيمونين .. في نفس الوقت .. انت بوكيمونين و الثانيين بوكيمونين .. انا الصراحة شريتها اول امس من البحرين بسعر أغلى ... 280 ريال .. 28 دينار بحريني ... طبعا مب انا اللي شريتها الوالد .. راح البحرين يومين و رجع لعبتها بس مدة 3 ساعات مع وسامين .. فقط ONLY
موضوع حلو انصحك تروح و تشوف موضوع جولدن سن الجديد عنها فيه الكثير من الاسرار عنها .. . GO WHAT R U WAITING FOR
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
