أوووف :@ (بصراحة تبهدلت)

[Nintendo, Cube.]

بسم الله الرحمن الرحيم

قبل شهر كامل , كنت دوم ألعب الجيم كيوب بلعبة متريود بريم وناوي إني أختمها , تقريبا ً وصلت 37% , وبعدها تركت اللعبة بحالها وبمكانه لمدة يومين , أخوي الكبير سألني إن كنت ألعب بالكيوب ولا لأ , جاوبت عليه إني أحاول أنهي لعبة لكن تواجهني بعض الصعوبات , قال أخوي إنه بيجرب حظه مع اللعبة , دخل الغرفة خلسه وشغل اللعبة ولكن أخطىء بتركيب محول الطاقة , وأحترق الأدابتر أو (الكليب) , بعد ما عرفت باللي صار انجنيت سرت لأكثر من محل ألعاب أشترت أكثر من محول طاقة وللأسف مافي أمل كل محول طاقة يخترب ويدخن بعد ما تشتغل اللعبة ربع ساعة بالضبط , ومن يومين وأنا أدور على محل يصلح محول الطاقة للجيم كيوب الأصلي لكن ماشي فايدة , بشو تنصحوني :"

[bah]

مسكين...الله يعينك

انا اكلمك بالماسنجر...واحاول اساعدك

[L*][*N*K]

أنا لما أشتريت الكيوب ...عطوني معاها محولين جيم كيوب (Adapter) ... أنت ما عطوك :!
_______

المهم ..
عندي فكرة .. أنا محول الPS2 عندي مكتوب عليه (PS2.NGC.XBOX) يعني يشتغل على الثلاث أجهزة .. جرب تشغل محول الPS2 على الكيوب

[cubelover]

شف حاول بأحد المحلات الي تعرفها يعطيك محول من كرتون كيوب وهو يدبر نفسه الله يعينك

[bah]

الرسالة الأصلية كتبت بواسطة L*][*N*K
أنا لما أشتريت الكيوب ...عطوني معاها محولين جيم كيوب (Adapter) ... أنت ما عطوك :!
_______

المهم ..
عندي فكرة .. أنا محول الPS2 عندي مكتوب عليه (PS2.NGC.XBOX) يعني يشتغل على الثلاث أجهزة .. جرب تشغل محول الPS2 على الكيوب

لا لاتسوي جذي...
هذا اذا كان المحول الثاني خربان يمشي...بس اذا كان المحول اللي اول ما تشتري الكيوب يكون داخل الجهاز....هذا ما يمشي معاك

[Hardcore~Gamer]

نينكيوك_2002 الحل بسيط جدا , اتفق مع احد المحلات الكبار انه يجيب لك المحول ’’’ وادفع له عربون وخله يجيبه لك اليوم الي بعده

[Golden_Sun]

إممم ... اعتقد صارت برفيجي هالمشكلة

اخذ الجهاز للمحل وقوله يشوف المحول اللي داخل الجهاز .. يكمن إحترق

[فيلسوفة زمانها]

أممممممممممممممممممممممم مسكين الله يعينك حاول توديه صيانة ...


نينكيوب _2002 أنت مغير أسمك ؟؟؟؟

[L*][*N*K]

الرسالة الأصلية كتبت بواسطة فيلسوفة زمانها
نينكيوب _2002 أنت مغير أسمك ؟؟؟؟

-------->يعني فيني ضحكة

فيلسوفة

صباح الخير .. غيره من زمان

[RPGgirl]

ممممم تاكد من الكليب اساسا الظاهر إنه تردد الكهربة ما يصلح لو كنت تحطه بالكليب على طول حاول تحطي محول قبل

[Nintendo, Cube.]

خلاص أنتهت علاقتي مع الجيم كيوب

فريتها الزبالة مع الكليب , ما لقيت لها حل ولا محل يبيع الكليب صالح للجيم كيوب , ما في أمل إنها تشتغل إلا لو كان عندي أصلي وأنا ما عندي وما عندنا بالمحلات لا مستعمل ولا جديد وإلي بالكرتون مع الجهاز الأصلي رفضوا إنهم يبيعوني إياه لذلك الحل الوحيد هو مذكور أعلى هالرد :"

باي

[bah]

لااااااااااااااااااااااااااااااا.....

والله مشكلة.....بس انا اعرف واحد صارله نفسك بالكويت ولما شرى محول يديد (مو اصلي) شغله 100%?:

[L*][*N*K]

توني كلمت Nintendo, Cube. بالمسنجر ..وخلاص ماراح يرمي الكيوب بالزبالة ..راح يرميها من السطح ..لا لا أمزح ..

خلاص تصالح مع الكيوب ( :6 ) وماراح يرميها ...راح يحاول يدور لها حل ((أفضل من الزبالة ))

[DR-Nintendo]

حظك رايح فيها اخوي Nintendo, Cube.
ترى المحول مستحيييييييييييييييييييييييل يتصلح ( اسأل مجرب )
ونصيحة اشتري الاصلي احسن لك

[العراقي17]

Nintendo, Cube

اذا خلصت الحلول امامك احسن شي توقف علاقتك معاه شوي(خاصة انه قليلة الالعاب المميزة خلال الفترة القادمة)

وتنتظر ينزل باندل جديد (يعني جيم كيوب مع العاب مميزة مجانية) وتشتريه


افضل من انك تشتري جهاز جديد بدون اي شي .