السلام عليكم و رحمة الله و بركاته ..
قريت القصيدة هذي بأحد المنتديات و صج أعجبتني ..
و أتمنى من بعض الاعضاء انهم ما يقلبون الموضوع سياسي .. لأنه انساني
أكثر مما يكون سياسي ..
إعتذار لك أيها النخل . . فلم أشأ أن أعرض هذا العمل وقد وعدتك .. بذلك ..
لكن هو حنين دجله للفرات . .... تعلمه جيدا . ..
: : : : ((( مساء الموت. .. يا ريٍس ))) : : : :
مساء الدم يا رَيِِّس
مساء القتل يا رَيس
مساء الموت.....
أشعلت الشمع بأرواحنا لعيدك
طفَت أرواح طفولتنا ..مدارسنا... كراريس وكراسي المدرسة وأقلام
تنويحه أهالينا...
قبل لا ندخل الطابور..ونكهة خبزنا التنور
وأناشيد الطفولة ,,تصير زوايا المدرسة وأجراس
طفت بغدادنا الجنة .... طفت بغدادنا الجنة
طفت يا سيدي واهو ظل بشر ما طفتها ريحك؟
عراقيين ..
عراقيين وصرنا بلا قصد .. أغراب
على برد الرصيف إنام
غطا آآه .. غطا آلام
مواجعنا .. مواجعنا تحت أقدام
تلملمنا مكانيس الفقر والجوع وتهدينا لاقرب ريح
عراقيين ..
عراقيين..عرى ولا شي بقى غير الأسى والظيم يسترنا
وصرنا أوراق وصرنا فراق.. صرنا بلا حضن وأشواق
وتنويحة أهالينا
قبل لا ندخل الطابور
وهذا فراق
وهذا العراق
شلون ما ندري
اهوه بالضبط مثل طعم البكا فينا
بين? انتي يا غرفه وبين أحضان أهالينا
لكن كانت أحضان الأهالي تمد عيون ليدينا
على اقرب صدر نرمي بكانا
وبعدها ننسى .. ننسى أجراس المدارس والحصص والجوع
و قطعني من الملل من ?نت أشوف أمي ..
وهي تخبر رجوع لذاكرة عيني
وبعدها ناظري يرجع علي والبس عيوني
وأشوف الوالد يصلي .. وأنا العب على شعرة ....على صدره
بسجوده كان يتأخر من ركوعه
أي مو ?نت أنا أوقف دايم إقباله واهوه يصلي
ألِم سجادته وامشي
تردها أمي
يا يمه لييش بعثرتي اللعب وياه ؟؟
يا يمه لييش بعثرتي اللعب وياه ؟؟
يا يمه لييش بعثرتي اللعب وياه ؟؟
على سجادته الباقية يحز بخاطري قربة
يحز بخاطري للان
وأنا ... وأنا أتقلب يا يمه بجدره الغرفة
مو إحنا فراق
مو يعني عراق
من أول ?ان قلتيلي
فراق عراق .. عراق فراق
مساء الموت ياريس . ..
مو انت بكل سنة تهدي بيوت الشعب في عيدك
ابد .. ابد ما اهديتنا مرة هدية عيد ميلادك
تساوينا بهدية عيد ميلادك
هَدِيَتنا .. تجي بتابوت
شفت شلون ..
شفت شلون أشعلت الشمع بأرواحنا والموت
تصدق .. تصدق حتى لهجتنا نستنا من تشردنا
مواحنا ما نسيناها . . .
مو صرنا بلا ملامح لا وطن بلسانه يح?ينا
ونخلنا ..
ونخلنا هو نسى لو بعد للحين يذكرنا ويب?ينا ؟؟
في يوم .. بيوم ال?ان ?نه ?ان يطعمنا
في يوم ال?ان ?نه ?ان يهززنا
ابد.. ابد من قال يهززنا
مو ?نه إحنا نهزة في سوالفنا
ويرمينا برطب من ?ان شموخه من شهامتنا
شفت شلون....
شفت شلون يا نخل الحزن شلون تذكرنا وتب?ينا
بعكس ما سوى ريسنا
في عيده بكل سنة ....
يشعل شمع فينا ...
ويطفينا
شفت شلون.... يا نخل الحزن تذكرنا وتبجينا
================================
كلمات القصيدة / سالم سيار
و اضغطوا على هذي الوصلة تشوفون تصميم مصمم للقصيدة !
الله يعينكم يا أهل العراق ..
منقول من أخوي عبداللطيف الفضلي ..
