قضيه الاسبوع-9- عوده بعد انقطاع .."الغياب"

[( الآزوري 10 )]

اولا مشكور على الموضوع الجميل ..والنافع بأذن الله..

ثانيا ..انا اعتقد ان اي شخص يرتاح بالجلوس مع اصدقائه ويتحدث عن اللي بداخله اكثر من عائلته...لكن مو لدرجة انه مايقعد مع اسرته ويناقش اموره ...

مثلا انا..اذا حدثت مشكلة خاصة بي ..اكثر الاوقات اروح لاصدقائي واقول لهم المشكلة ..لاني متعود معاهم و لانهم بنفس عمري ويمكن مروا بمشكلتي ..لكن اذا كانت المشكلة كبيرة ..اكيد اقولها لابوي او امي...

اما اذا فيه اشخاص مايصارحو ابوتهم بأي شي ومنعزلين عنهم تماما ..فأعتقد ان هذا السبب راجع ان والدي هالشخص مااهتمو بمشاكل الولد من اليوم هو صغير..فاليوم كبر صار مايعتمد على والديه..!!


مادري..عندي كلام بس مانا عارف كيف اكتبه ...عموما مشكور مرة ثانية على القضية المهمة:-)

[alex]

اذا صار عندك اخوان يفتحون النفس زي الي عندي ... قل ابقعد في البيت

[memy]

امممممممم ..

يمكن عشان اهله يفتحون له مواضيع ما تعجبه و تزعجه ...

و يروح يفضي عند صديقه يمكن عشان اهله رسميين ...

المفروض تكون في علاقه صداقه بين الابناء و الاهل ... مثلي تماما ":"

والله مدري وش قاعده اخربط :":


على العموم الله يعطيك العافيه :-)

[Lena]

موضوع روعه...ويضرب بالوتر الحساس



بصراحه وهو متفرع وله عده اسباب وانواع

يعني رد مني ما راح يوفي بس بحاول اجيب الي ببالي


هو يعتمد على شخصيه الابن وشخصيه الاهل


احيانا الاهل موفرين كل شي

بس شخصية الولد انعزاليه... ممكن ما يلقى الي يبيه معاه

ممكن يحس تفكيرهم غير....

ممكن بس يتهاوشون وعشان كذا زهق وطق


بس هنا غلط هذولا اهله مهما كان مفروض يقتنع فيهم ويحبهم بنقائضهم

ويضغط على نفسه شوي ويقعد معهم...ويحاول ما يناظر للي بيد غيره

شف اهل هذولا واهل ذولا


والاهل ممكن لو يحالون يتقربون للولد ويجذبونه بطريقه خاصه من هالعزله


بس المشكله اذا كانت كل الاسره كذا متفككه كل واحد بحاله


هذا يقع على الام والاب



صراحه السالفه طويله عريضه

وحبيت القي ضوء على نقط معينه

وسلام ...

[العمدا]

فعلاً مشكله كبيره ..

وكثير من الاباء والامهات يعانون منها ..

من كم يوم قريت لقاء في مجله وكان عن نفس هالموضوع ( تقريباً )

والي جاوب عليه كتور نفسي الظاهر ..

المهم جوابه كان وبكل وضوح ..

" السبب يعود الى تربيه الوالدين للابناء "

يعني تشوف بعض الابناء اذا قعدوا مع والدينهم .. الى يلقونه هو طلبات واوامر وتحقيق ومثل كذا ( البعض وهذا نوع )

البعض الاخر من الوالدين من بدايه حياتهم يكوّن علاقه طيبه مع عيالهم .. يعني ما يشعرونهم ببعض الرسميه ومثل كذا .. وان بغيت الحق فيه ناس كثيرين يعشقون الجلسه مع والدينهم ..

وفي نفس الوقت فيه كثير يكرهون هالشي ..

هذا غير بعض الابناء الي يكون عندهم مشاكل نفسيه ..

ومهوب اجتماعي ويحب العُزله ..

هذا الى عندي ..

ومشكور خوباج ..

[AL_7RBY]

تقدر تقول ان السبب هي العادات والتقاليد القديمة هو ان في بعضها نساها الناس وبعضها يطبقونها

بس المشكلة انهم تركوا العادات الجيدة و اخذوا العادات السيئة

[عماد 18]

بالنسبة لي ..
نجتمع دايما ..
على الغدا او الفطور او العشا ..
و احيانا نجلس نتقهوى العصر ..
بالعكس الوالد يحب يجمعنا دايما لما نكون كلنا في البيت ..
لذا ما احس اني اعاني من هالشي ..
و الجلسة مع اهلك تخليك ترتاح لانك تعرف دايما انهم راح يكونون موجودين مهما صار لك ..
مو مثل اصدقائك ..
و بالنسبة لي ارتاح مع اهلي اكثر من اصدقائي ..

[{gaia_girl}]

المسألة.. صراحة طويلة عريضة.. و يدخل فيها علم نفس و علم اجتماع..


بس زي ما قالوا الأعضاء اللي ردوا قبلي.. اغلب الأحيان يكون السبب من طريقة معاملة الوالدين لأبنائهم.. و كيف تكونت نظرة معينة للآباء من قبل ابنائهم..

يا انهم يعتبروا اهلهم زي الأصدقاء.. و تكون فيه علاقة صحية بين الأهل و الأبناء.. يا تصبح عدائية و يصير الأبن يحاول يبتعد قدر المكان عن أهله.. يمكن بسبب ان الأهل كانوا يعطوه على رأسه على كل صغيرة و ما يحسسوه انهم يحبوه.. و طبعا لا ينفي هدا انه فيه بعض الأبناء بين البينين.. يعني يعاملوا اهلهم بطريقة رسمية بس ما يكون فيه كره أو عداء..

و الظروف ترا برضو تحكم ده الشيء.. يعني لو مثلا كانوا الأهل مطلقين.. الخ.. ممكن الطفل يحس براحة كبيرة تجاه اللي عايش معاه و ممكن اللي عايش معاه يحرضه على الطرف الآخر.. اعتقد هدا نوعا ما يدخل فيها برضو..

و زي ما قالت لينا يمكن تكون كدة شخصية الفرد نفسه..

و الصراحة انا شفت.. شرائح مختلفة من المجتمع في الجامعة.. كل وحدة تنظر لأهلها بطريقة مختلفة.. و فيه منهم.. اللي ما يعتبرولهم وجود اصلا.. يعني تروح و تيجي.. لا هي سائلة عنهم و لا هم سائلين عنها.. للأسف..

اما بالنسبة لي.. الحمد لله و اشكره من كل قلبي ان أهلي.. ربوني قريبة منهم.. و اصبحوا بالنسبة لي.. من أعز الأصدقاء.. بحدود الاحترام طبعا.. لكن عمري ما راح استريح لأحد.. قد ما استريح مع والدتي ووالدي

في النهاية هم أهلنا.. و على عيننا و راسنا

موضوع ممتاز خوباج ، مشكور

[MoaeD]

موضوع صراحه مهم جدا عشان الواحد يتجنب غلطات الأبوان وأبوان الثانين



مثلا انا ما احب القعده مع اهلي ..



لأن الجلسه يا تصير تطنز او انتقادات




صراحه يعني الواحد يحاول على الأقل يسولف ولا يفتح سالفه




واحد يقلب في كلامك والثاني يتطنز ومن هالأشياء ...



واحيانا لما اصير اكلم ابوي احس انه مطنشني ..



ما قد قعد يسألني عن الجامعه او الكليه او المواد مع اني الحين بأكمل سنه ...



كل كلامه اوامر .. كله انتقادات .. ما قد سمع مني رأي



عشان كذا صار ملجأي هو الكمبيوتر او اني اطلع كذا ما عندي وجهه



حتى احيانا اني انام حتى لو ما فيني نوم عشان ما اقابل اهلي ...



الواحد يتجنب اغلاط اهله ومجتمعه عشان ينشئ عائله متفاهمه ومترابطه ..

[Undine]

انا هاليومين كنت افكر بنفس الموضوع هذا

يعني جا بوقته:6


اولا ليش منعزلين عن اسرهم لها اسباب كثيره منها ياان الشخص نفسه

انطوائي او انه ينفر من الاجتماع مع الاسره بسبب المشاكل وغيره

او ما فيه تفاهم بينهم او مثل ما قلت اصبحت المشاعر بارده وكل اصبح

مهتم بنفسه للاسف اكثر الاسر هالايام كذا

الحواجز النفسيه اللي يضعها الابن او الابنه يمكن خوفا من ان الاهل ماراح

يفهمونه او ما يبيهم يتدخلون في خصوصياته شي زي كذا

يفضي مشاكله ومشاعره لشخص غريب لانه يظن انه راح يفهمه اكثر من

اهله ... انا اعتقد السبب الرئيسي للمشكله كلها الجهل اتوقع و اختلاف

المفاهيم

يعني لو مثلا نتكلم عن الوالدين وهم الاساس لو كانوا متعلمين وفاهمين

ويعرفون كيف يعودون ابنائهم من الصغر على الصراحه و الثقه بالنفس ..الخ

ولا يفرضون رايهم عليهم بالقوه بشكل يمنع وجود حوار بينهم وبين الابناء

فهالشي بيخليهم يلجأون لشخص غريب و التنفيس عن مشاكلهم وكل

شي .. يعني حطوا روسكم وناموا مافيه حل:6

ههههههه بالنسبه لاهلنا نلتقي فقط بالمناسبات يعني البلع

الغدا والعشا نادرا

الحمدالله انا وامي صديقات مره احوبها ياحليلها اذا قامت تشتكي من

الشغالات:6

اما ابوي ما يستانس الا اذا قمت اسولف معه عن الاخبار :6

عاد انا يعنني متابعه وسياسيه

الواحد يتجنب اغلاط اهله ومجتمعه عشان ينشئ عائله متفاهمه ومترابطه ..

صوح ..ما يستفاد من الموضوع كله



مشكور خرباج على الموضوع الرائع

[yosr]

الحقيقة .. بالنسبة لي مو قصة انعزال او مراهقة بس قصة خجل ..

لكن لنذهب الى الشباب بصفة امة :غضب:

صارت حياتهم مع رفاقهم و حياة جو المعهد ..
وبعدين الابن الي ما يدخل حصصه عشان يفضل هو و صاحبته يحكون قدام المدرسه حيقول لعائلته ؟


هذه حاله
و الحالات تتوالى لكن هذه تجعلكم ترون الموضوع من وجهة اخرى في ردود من سبقوني لم ارها .. و ربما وجدت لكني لم الحضها

[ورد]

موضوع حساس ,,!
واختيار موفق خوباج ..

لان البعض فيه طبع النسيان,,,
يبني جدار بينه وبين ابنائه,,,بدون سبب,,,
نسى ان هذا الجدار بيأثر في نفسية الابناء,,,
يظل الجدار يكبر بمرور الزمن,,,
فما يستطيعون الابناء تحطيمه,,,

ومدام الاباء كذا فالابناء يتطبعون بهذا الطبع,,,
ويصير كل واحد منهم ماله شغل بالثاني,,,

بعدين,,,صديقك يفهمك اكثر عن اخوك,,,,
نادرا ما الاخوان يتفهمون بعض,,,
لان الكبير كلامه اهو اللي يمشي,,,
والصغير لازم يسمع وما يناقش,,

[sul911]

من وجهة نظري أهم عنصر هم الإخوان هم الي يحددون الشخص

[Chad]

أعتقد إننا نسينا بعض الأشياء بالإضافه إلى النقاط اللي ذكرتوها

وهي سفر الأب لمعظم الوقت من أجل العمل لبعض العائلات

وعمل الأم اللي يخليها ترجع للبيت تعبانه وتوكل تربيه أولادها للشغالات والمربيات وهذا طبعا بيخلق حاجز

هذا غير الزواج المتعدد وكثره الأبناء لبعض الناس

حيث إنك تلقاه عنده 10 أولاد أو أكثر

وبدل ما يتفرغ شويه لتربيتهم ومتابعتهم

تلقاه يا دوب ملحق على الشغل

من ناحيه شخصيه فأنا أرتاح جدا مع أهلي

رغم إنه الوالد دايم مسافر

لكن لو كان بالبيت فأنا بحاول إني ما أضيع لحظه بدون ما أسولف معاه

ونفس الكلام لباقي العائله

[ورد]

الرسالة الأصلية كتبت بواسطة king_kubaj

عن العائله ..وتبدأ بالبحث عن الشخص ..الذي سيغير من حياتها

حسب ما ترى الى الافضل ..؟

ما أعتقد انه تمرد,,,,
اذا كانوا اهما السبب,,,,
وليس كل فتاة اهملت بحثت عن شخص افضـل,,,,
ولكنها قد تنزوي الى عالم خاص بهـا,,,
لدرجة انهـا تتوهم بوجود اشخاص,,,
هم غير موجودين اساسا,,,

هذي من جهة,,,

ومن جهة ثانية,,,

مثل ما قلت,,,تبدء البحث عن شخص يغير حياتها الى الافضـل,,,

سانكس خوباج,,,!