اسرار زيلدا ذا ويند ويكر( عندي اسرار ماتلقاها في اي موقع)

[wario2002]

السلام عليكم...

الي يقول انه خلص زيلدا ذا ويند ويكر يسمح لي اقول انه غلطان( وينك ياr4r) في اسرار من موقع ign ابقولها لكم بعدين ابقولكم الأسرار الي انا اكتشفتهم في اللعبه...

اللعب بملابس النوم حقت لينك( الزرقاء) وكاميرا ملونه:
اذا خلصت اللعبه وخزنت على ملف غير ملفك بيطلعلك تخزين لونه احمر ، اذا لعبت فيه بيكون لينك يغامر بملابسه الزرقاء وبكاميرا ملونه.

لبس قناع يكشف طاقة الوحوش:
اذا لعبت مع الأولاد الـ 4 في جزيرة windtfall ولقيتهم كلهم بيقولك ان عيد ميلاد المدرسه حقتهم قرب وقته ويقولون انها تحب الـ joy pendeta السلسال الي على شكل فراشه ، عطها 40 سلسال وتعطيك القناع.

تعلم حركه جديده من الشايب الي يدربك:
لازم يكون معك 10 من Knight's Crests الي تاخذها من الوحوش الي لابسين دروع حديد ويعلمك حركه قويه.

الحصول على الدواء الأزرق او الأحمر او الأخضر بطريقه سريعه:
رح للمحل الي في جزيرة windtfall الي يبيع دواء احمر ، عطه 15 حبه من الجيلي الأزرق وبيعطيك دواء ازرق ، عطا 15 من الحمرا ويعطيك دواء احمر ، وعطه 15 من الأخضر ويعطيك الدواء الأخضر.

الحصول على الأدوات بطريقه سهله:
اذا هاجمك وحش لا تموته على طول ، حط الحبل الي تتعلق فيه ، واستعمله على الوحوش وبتاخذ منهم روبي او قلوب او اي تحتاجه.

تبغى جدة لينك تصير فرحانه وتعطيك من الشوربه الي في القدر :
رح لأي مكان فيه فيري وحطه بالقاروره ، وطلعها عند جدتك ، بعدين جدتك بتفرح وبتعطيك من الشوربه حقتها ، الشوربه تقدر تستعملها مرتين( لينك يشرب نصها) وتخلي ضرباتك ضعف.

وشكرا...

الأسرار الي من عندي بعد يوم او يومين;-)..( ابغى اتأكد منها).

[Nintendo, Cube.]

جزاك الله ألف خير أخوي واريو ...

أحم , أسمحلي لأني ما قرأت ولا شيء بالموضوع , لأني حتى الآن لم أختم اللعبة , وبصراحة مستانس مع زيلدا , وأتوقع إني شوي مطول حتى أختمها , لكن أعدك بعد ما أختم اللعبة بقرأ موضوعك وهذاني أضفته بالمفضلة ;-)

[wario2002]

انشاء الله تخلصه بأسرع وقت ، واذا قريت موضوعي بتلقى الأسرار الي من عندي;-).

[usef]

مشكور جدا اخوي....

و ياريت لو تحط الاسرار الللي عنك باسرع وقت

[L*][*N*K]

Arigato wario

أخيراً عرفت فائدة بعض الأغراض ..

[BoJasem]

الرسالة الأصلية كتبت بواسطة wario2002




الحصول على الدواء الأزرق او الأحمر او الأخضر بطريقه سريعه:
رح للمحل الي في جزيرة windtfall الي يبيع دواء احمر ، عطه 15 حبه من الجيلي الأزرق وبيعطيك دواء ازرق ، عطا 15 من الحمرا ويعطيك دواء احمر ، وعطه 15 من الأخضر ويعطيك الدواء الأخضر.

السلام عليكم

اسمح لي اخوي عندي طريقة للحصول على الدواء الأزرق بسرعة

اول يجب ان تحصل الأداة التي مثل اسنان او ورق ((من النبات المتوحش)) تقريبا 10

روح حق فورست هيفن ((المكان اللي فيه دوك تري)) بعد ما تروح هناك في مثل كهف جنب الشجرة دشه تلقى واحد من هذول الاوراق وجدامه قدر كبير عطه الورق راح يستناس ويعطيك الدواء الأزرق ;-) ((ملاحظة كل دواء يكلف 10 اوراق))

وشكرا

[wario2002]

شكرا على الملاحظه بس انت تقول الدواء الأزرق بس انا اقول...

الحصول على الدواء الأزرق او الأحمر او الأخضر بطريقه سريعه:

انا قصدي ال3 ادويه علشان في ناس عندهم هذا الجيلي بأعداد كثيره ومايعرف وش يسوي فيها؟؟؟ يروح للمحل الي بجزيرة windtfall ومايصير خاطره الا طيب.


الأسرار الي من عندي ودي اقولها بس ماتأكدت منها ومشوار علشان اتأكد........... طيب انا بقولكم وانتم ادخلوا المكان واكتشفوا السر ردي الجاي انشاءالله بتكون فيه الأسرار.

[Hardcore~Gamer]

معليش بخش عرظ



واريو : لمن اخلص كل الشخصيات ببارتي4 وش اسوي ؟؟



وعلى فكرة انا بزلدا وصلت الدنجن 3 وانا العب يوميا نص ساعه ,, كم يوم تقريبا وانهيها ؟؟؟



ولك خالص الشكر والتقدير

[Golden_Sun]

مشكور على الأسرار ^^
لكن شنو الكاميرا الملونه ؟ ?: .. مو شاري اللعبة واسأل .. سامحوني :":

[r4r]

اخلص علينا يا واريو ...


بتحط أسرار و للا أفتح الموضوع اللي انت خابر ...



و بالنسبة للكاميرة الملونة ....


هذي تقدر بواسطتها تصور الشخصيات اللي في اللعبة و تروح توديها لواحد في مكان سري في اللعبة ( مو سري مرّة ) و هو بينحت تمثال على نفس الشخصية اللي في الصورة ...


و لازم تكون الصورة لكامل الجسم مو الوجه بس أو إلى البطن ...


و بس ...


ملاحظة: عندي سر طاقة لا نهائية في اللعبة... إذا عندك يا واريو و للا بحطه

[usef]

ملاحظة: عندي سر طاقة لا نهائية في اللعبة... إذا عندك يا واريو و للا بحطه

تحطه حالا :!

[wario2002]

The Game Cube

اذا خلصت كل الشخصيات بيبقالك غرفه فيها صورة تود وباوزر وطاوله وكيكة عيد ميلاد ، هذي حلهم( كان في موضوع قديم حاط الحل) بس ابذكر بعضها......

لازم تلعب التركيبات في extra room الأولى لازم تجيب 1ونص اتوقع والثانيه دقيقتين ونص والثالثه 3 دقايق( ناسيها) حاول تجيب اسرع وقت تقدر له....

لازم تلعب اللعه الي تضغط a بسرعه ويطلعون من الأرض بلوك وفي النهايه يطيحون على بعض....... لازم تجيب 100 وحده وهي العدد الأخير( مافي امل تجيبها) انا خليت اخوي الكبير يلعبها ماشاء الله اخوي سريع فيها..... وماذكر شي ثاني .... دور الموضوع في الصفحات القديمه.
========================================
Golden_Sun
في اللعبه تاخذ كاميرا ابيض واسود....... بس اذا خلصت اللعبه ولعبت الملف الجديد( لونه احمر) بتلقى معك من البدايه الكاميرا وبتكون ملونه.
========================================
r4r

انت ماخليت لي فرصه اقول شي والسر الي في الغرفه الي تقول تصوير هذا الي كنت ابقوله بس ابعطي معلومات اكثر......

في الفورست هافين( المكان الي فيه التيمبل الثاني) عند الديكو...... في 4 جزر حول الجزيره....... 1 فيها كنز في خريطة كنز...... 1 فيه التيمبل......1 مافيه شي.......... والأخيره فيها معرض ننتندو(nintendo gallery) وهذا المكان تدخله اذا لمست زر ، وهذا الزر مايمديك تلمسه الا بطائر النورس ، حط التفاحه الي على شكل وجه وحرك الحمامه و المس الزر وادخل بتلقى رجال بيقولك صور اي شي علشان انحت لك شي مثله وهو يقول يبي كاميرا ملونه............ علشان كذا لازم تخلص اللعبه وتحط التخزين الثاني(الأحمر وتلعب) وترى المكان هذا مفتوح في كل الملفات ولازم تصور كل شي باللعبه وينحت لك اياه وهو يعلمك ان التصوير وينه فيه ، على كل باب في صورة وين هذا المكان.......... والي مافهم يقولي.



وياr4r من وين تجيب هذي الأسرار((( الرهيبه مثلك))) اذكر انك حاط موقع اسرار( من زمان) عن اوكرانيا اوف تايم وماجورا ماسك...... تكفى طلبتك قلي وش ذا الموقع الي تجيب منه اسرار ويند ويكر.

[r4r]

تكفى طلبتك قلي وش ذا الموقع الي تجيب منه اسرار ويند ويكر.

تحصله على الخاص ... ;-)


ألحين أبكتب لكم سر طاقة لا نهائية ...


هو يبيله تركيز شوي ....


المستلزمات :

قارورتين فاضيات و تليسكوب...


الطريقة:


بأحاول أبسطها إلى أقصى درجة ممكنة ...


أول شي روح عند الجدة و عالجها قبل كل شي عشان تعطيك الشربة ...


ألحين نبدأ في الشرح ...


روح للجدة و اطلب منها تعبيلك القارورة بالشربة ...


ألحين وقف start و حط القارورة اللي فيها الشربة مكان الـ Y


و بعدين اضغط start مرة ثانية ( ألحين انت في اللعب مو في شاشة الأدوات ) ...


ركزوا في النقطة الجاية ...


ألحين إضغط Y إللي فيه الشربة و start في نفس الوقت ...


لاحظوا في نفس الوقت ...


ألحين انت بتكون في شاشة الأدوات ...


روح ألحين اختار القارورة الفاضية و حطها مكان الـ Y


و بعدين إضغط start


ألحين بترجع للعب و بيشرب لينك القارورة و بيبقا فيها نص ...


ألحين بيسير عندك قارورتين فيها شربة وحدة كاملة و الثانية نص ...


انت الحين ما عليك من القارورة اللي فيها نص ....


ألحين و قف start و حط القارورة المليانة شربة مكان الـ Y


و اضغط start عشان ترجع للعب ...


ألحين سو الحركة مرة ثانية اللي هي تضغط Y و start في نفس الوقت ...


الحين بتسير في شاشة الأدوات ...


روح ألحين و اختار التليسكوب مكان الـ Y و اضغط start ...


ألحين لينك بيشرب الشربة و بتتعبا طاقته فل full لكن الشربة ما نقصت ...


و يمديك تكرر هذي الحركة قد ما تبي ...


إن شاء الله تكون الطريقة واضحة و سهلة و اللي يبي أي استفسار يسأل و إن شاء الله أقدر أخدمه ...

ملاحظة : أنا جربت الطريقة شخصياً ولا رضيت أكتبها إللا بعد ما أجربها و ضبطت معي ...

و اللي يجربها لا ينسى يقول لنا ...

و بس ...

[usef]

مشكور اخوي....بس هذا مو سرالطاقه اللا نهائيه هذا سر تعبئه الطاقه متى ما تبي

[r4r]

الرسالة الأصلية كتبت بواسطة usef
مشكور اخوي....بس هذا مو سرالطاقه اللا نهائيه هذا سر تعبئه الطاقه متى ما تبي

يمكن ...


بس أنا حصلتها في الموقع اللي أخذتها منه بنفس هذا الاسم ( unlimited helth ) يعني طاقة لا نهائية ...


عساك جربتها بس ...