اينجلوه .. أم كشة ؟!؟!
واااااااااااااااااااااااااااااااااااااع :" <<< وين مسا الخير ؟!
تهيء.. ابغي اسوي عملية تجميل يا عالم
تبغون تعرفون السبب ..
اقروا .. تهيء
من فترة ..
قاموا البنات في الصف اييبون صورهم وهم صغار المدرسة ..
فقلت .. مع الخيل يا اينجل .. وايبي صورتج ..
واتنقيت احلى صورتين عندي ..
وحدة منهم .. كنت يالسة فيها .. ومرتبة شعري ومتعدلة .. والله كنت اجنن .. كنت اينجل .. :": ..
وفي الصورة الثانية ..
طلع الـ Dark Side .. !!
كنت مسدحة على كرشتي
وتوه شعري ناشف من عقب ما تسبحت .. ورافضة رفض قاطع لان اخلي امي تمشطه ..
فطلع شعري .. كانه شعر شخص .. توه متلقي صعقة كهربائية .. :-)
يعني واقف بطريقة غير طبيعية ..
ومن شافوها البنات ..
طبعا انطلقت الضحكات المصحوبة بالدموع من كل بنات الصف ..
وانا ويهي استوى جيه >>> :": ..
وما صدقوا ربعي انهم لقوا الصورة ..
وركضوا وودوها لابلة الكيميا ..
وهاذي بغت تنقع من الضحك..
وتقول نو وااي مستحيل هاذي تكون اينجل مستحيل
وودوها لابلة الرياضيات (6)
وهاذي ضحكت ضحكتها الشريرة المعتادة (6)
وصار لقبي الحين ..
اينجلوه ام كشة
وهذا غير عن اني كنت من اصحاب الوزن الثقيل في الصور ..
يعني ايدي مثلا كانت عبارة عن كتل لحم مسدحة على بعض :-)
فالبنات قاموا يقولولي .. يا تورى كيف كانت امج تقدر تشلج وانتي صغيرة
؟!
واما عقدتي الثانية .. فهي بسبب شعري ومشيتي ..
فمرة كنت معدلة شعري ومرتبتنه ومسوية قصة جديدة ..
واول ما شافوني اخواني الصغار .. قالوا .. هههههههههههههه :واو: !! <<< تراها شهقة ..
انا طبعا انرعبت ..
سألتهم .. اشفيكم ؟!
قالولي .. فينسينت !!
اشفيه فينسينت ؟؟
وردوا علي الرد القاتل ..
قالولي اني طالعة صورة طبق الاصل من اكثر شخصية ار بي جي اكرهها .. فينسينت فالانتاين .. -_-
وهذا هو للي ما يعرفه :
واما مشيتي .. فقالولي اني امشي مثل الساحرة في FF8 .. ايديا .. -_-
فباختصار .. تعقدت :-) ..
وللي ما يعرف ..كشة = شوشة .. تهيء
سلاام
