اهلن وسهلن بكم من جديد :0)
طبعا كما عودتكم انا ما احب المقدمات
لذلك راح اطب بالغويط مباشره
في هذا السيميستر مؤيد وماستر وخوباج مجتمعين في بعض المواد
انا عندي 6 مواد هذا السمستر
اول شي عندي الترجمه هذا السمستر لكن هالمره عند هرموش :0)
حركه هالأدمي في الترجمه ونطقه للكلمات العربيه يضحك
وعندي استماع وتحدث 2 عند هرموش وهو غني عن التعريف :6
الماده الثالثه اللي هي الأنشاء
وهنا يدرسنا دكتور مصري حركه يا شيخ وحبيب صراحه
بس عيبه الوحيد انه يصلخ بالواجبات :":
يعني ما يمر اسبوع بدون واجب
بس يضل من الدكاتره الرهيبين
عندنا الهندي عبد الواحد في مادة القرائه 2
يا هو تحفه ذا الهندي وزاحف بشكل
لكن عليه اختبارات مدري وش تبي
محد جاب عنده درجه كامله
لكن من المواقف اللي صارت في احد الأيام
كان يشرح ومتحمس في الشرح وطبعا عليه نطق بالكلمات غبي
وفجأه قفز اصبعه ودخل في خشمه وبدأ يلف 180 درجه ويرجع (@)
ومر وقت كذا يوم طلع يده وهو يكور بعض الكور الصغيره
بس الصراحه قرف ودي لو معي شي الزقه بخشته (A)
تجيك الماده الخامسه القواعد عند المعارك
طبعا اللي قرى الموضوع الاول يعرف المعارك اكيد
لكن هالسمستر غير انواع التنكيت والضحك
حتى تذكرت يوم خوباج يقرا ذيك اليوم اخر شي وبدون مقدمات
i don't know
يوم ما درينا الا فقع الدكتور ضحك وكلنا نضحك لا والدكتور يصرفها له
يقول يعجبني الطالب الصريح خخخخخخخخخخ
ولا ذيك اليوم انا اقرى ويصيد خوباج علي خطأ بالنطق
من جد استلمها علي ذيك اليوم الهندي الهندي
الصراحه بغيت الزق كتاب القرامر ابو كيلوين بجبهته (@)
والماده السادسه والأخيره وهي مادة الغامدي مقدمة في الفنون الأدبية
هذا الدكتور هو التحفة الكبيرة عندنا هذا السمستر
متقلب المزاج حاقد على الطلاب وراعي فلسفه
غيب عنده محاضرتين ورى بعضها وتعال لمه اللي بعدها واسمع:
"فينك انتا فينك صار لينا اسبوعين ندرس وانتا مو جاي (@)"
واذا كملت 4 غيابات عنده قالك :
"تغيب مره ثانيه حأحرمك من الإمتحان نهائيا (})"
خوباج طبعا تلقى الجمله الأولى حتى اننا استغربنا انه تمالك نفسه
توقعنا انه راح يهزئ الدكتور (صح يا فهد :6)
اما الثانيه فانا استقبلتها بصدر رحب :#
المشكله انه ماستر هو السوسة النخره في كل شي ولا يجيه هواش :"
هذا كل شي هالسمستر الى الان
وراح اعطيكم بعدين بعض التعليقات في نفس الموضوع عن بعض المواقف
اللي تصير معنا اثناء الشرح
ما ادري ليه 
