عضو جديد
ما معنى هاي الحركه !
الســـلام عليــكم
كيف حالكم ,, يا جماعه أنا لاحظت على بعض اللي ألعب وياهم إسوّون حركه ونحن في اللعب أتمنّى أنكم إتفهموني إيّاها +وشو فايدتها+ وكيف أسوّيها ,, والحركه هيييه
يوم نلعب الآعب الثاني مادري شويكبس .. تطلع على يمين شاشة التلفزيون رموز جهاز التحكم تطلع فوق بعض
مثلآ
مثلث
مربع
دائره
... وهكذا ممكن إتفسرولي هالشي لو سمحتوا
المــاونتيــــن
عضو قدير
السلام عليكم,,,
هذي عبارة عن بعض الاستراتيجيات تختار انت من الخطة لكل استراتيجية رمز مثلا مثلث او دائرة ونحو ذلك ..
وهذي الاستراتيجيات منها كشف التسلل والهجوم المرتد والهجوم من الوسط او من اليمين أو تغيير للخطة من حيث تمركز اللاعبين دون الحاجة للذهاب للخطة .
حيث يمكن بضغط الرمز الذي اخترته ان تحول الخطة مثلا من 4-3-3
الى 5-3-2
وشكرا.
**Dreams are hard to follow But don't let anyone Tear them away**
**The One Who Believe, Is The One Who Recieve**
**constantly updated**
also U can C:
عضو جديد
playstation2
مشكور على الرد
إنزين ممكن إتخبرني وين أحصل الإستراتيجيات هذي
وذا أنا حبّيت أغير الخطه ونا في اللعب ,, يعني دوون ماروح للإختيارات
شو أسوي بالضبط ؟
تحياتي
عضو جديد
بسيطه اخوي
تقدر اتشغل هاي الاستراتيجية عن الطريق الضغط على L2+O أو L2+مثلث وهكذا
لكن لو تبي اتعدل في الاستراتيجية :
1- تدخل لمكان تعديل الخطه
2- تختار STR
3-تختار STRATEGY
4-تختار PROF
تطلع القايمة الخاصة بالخطط نفس ما قالك اخوي فوق
عدل فيها وخلا
مع تحياتي
RaK LoVeR
عضو جديد
والله ماقصرتوا يالطيبين
بس ممكن توضيح أكثر لو سمحتوا .. يعني من عجب ما أدخل الإستراتيجيات شو أسوي لأنّي دخلت فيييه وشفت وايد إختيارات :واو:
آخر شي لقيت مكان حق تشكيلتين ?:
فممكن إتعلموني هاي الصفحه شوتضم يعني أنا شو علي اسوّيييه في هاي الصفحه وســـلامتكم
أخوكم الماونتيــــن:":
الحرس القديم
أخوي AL_Mountain
طبعاً مثل ما ذكر لك الصفحة تضم الخطط ..فتروح للخطة اللي تبيها مثلاً تسلل أو الضغط على الخصم وغيرها..وبسفممكن إتعلموني هاي الصفحه شوتضم يعني أنا شو علي اسوّيييه في هاي الصفحه وســـلامتكم
ممكن اخوي تعلمنا اي نسخة تستخدم؟؟
التعديل الأخير تم بواسطة أبو بدر ; 18-04-2003 الساعة 01:56 PM
عضو جديد
مرحبا بوبدر
السلام عليكم بوبدر
كيف الحال
الطيب أنا عندي الفاينل أفولوشن
وذا ممكن إتفسرولي الإختيارات الموجووده إختيار ورا إختيار شو معناتهم مع الشكر الجزيل
الماونتيـــن
الحرس القديم
تفضل أخوي AL_Mountain ...
هذه هي ترجمة الاستتراجيات اللي طلبتها ... مع الشكر للأخ Chandler ..
=======================================
الاستراتيجية الاولى ---> بدون اي خطة (يعني ولا شي اللاعبين يلعبون عادي بدون استراتيجية محددة)
الاستراتيجية الثانية ---> عادي..خطة عادية(الى الان مو فاهم وش فايدتها)
الاستراتيجية الثالثة ---> هجوم من الوسط(هجوم اللاعبين من الوسط)
الاستراتيجية الرابعة ---> هجوم من اليمين(هجوم اللاعبين من اليمين)
الاستراتيجية الخامسة ---> الهجوم من اليسار(هجوم اللاعبين من اليسار)
الاستراتيجية السادسة ---> الهجوم من الاتجاه المعاكس(يعني ان كنت تهجم من اليمين..يهجمون اللاعبين من اليسار..والعكس)
الاستراتيجية السابعة ---> تغيير الاطراف(يعني الجناح الايسر يتبادل مركزه مع الجناح الايمن..والظهير مع الظهير..وهكذا)
الاستراتيجية الثامنة ---> اختيار احد المدافعين ليرفع الكرة للمهاجمين(تختار مدافع واحد عند قطع الكرة..يمررونها له بشكل شبه اوتوماتيكي ويرفعها للهجوم)
الاستراتيجية التاسعة ---> الضغط على اللاعبين(الضغط على لاعبي الفريق الخصم لقطع الكرة)
الاستراتيجية العاشرة ---> الهجوم المرتد(عند قطع الكرة من لاعبين الخصم..يرتد فريقك للهجوم)
الاستراتيجية الحادية عشر ---> مصيدة التسلل(اشهر استراتيجية..وما تحتاج توضيح)
الاستراتيجية الثانية عشر والثالثه عشر ---> خطط اضافية(تستطيع هنا اضافة خطتين الى خطتك الاساسية..مثلا خطتك 3-4-3..وتريد الدفاع..بضغطة زر واحدة تتحول خطتك الى 5-3-2)
============================
أتمنى أن أكون أفدتك ...
مع تحياتي ...
عضو جديد
مشكور
السلام عليكم أبو بدر
مشكوور الغالي عالمعلومات الحلوه والله أفاديتني الله إفيدك أخوووي ^_^
أخووك الماونتين
عضو جديد
إسمحلي أخوووي أبو بدر
ممكن إتعلمني عن هاي الإستراتيجيه :
الاستراتيجية الثانية عشر والثالثه عشر ---> خطط اضافية(تستطيع هنا اضافة خطتين الى خطتك الاساسية..مثلا خطتك 3-4-3..وتريد الدفاع..بضغطة زر واحدة تتحول خطتك الى 5-3-2)
.... يعني قصدك إذا حطّيت تشكيله
3-4-3 فوق
5-3-2 تحت
مثلن قول عالتشكيله اللي فوق حطّيت إكس ( X )
والتشكيله اللي تحت حطّيت ( مثلث )
كيف أستخدمها ؟ 2- وذا إستخدمتها بيبيّن عندي أني غيّرت وستخدمت الإستراتيجيّه رقم 12 ؟
مع الشكر والسموحه أخوووي
الماونتيـــن
الحرس القديم
يا هلا أخوي AL_Mountain ...
عادي تستخدمها كأنك تستخدم أي استراتيجية ثانيه ... فمثلاً لو كنت تبي تتدافع اختر 5 -3-2 و طبقها ... و لو كنت تبي تهاجم اختر 3-4-3 و طبقها ..كيف أستخدمها ؟
إيه يبين ... حتى إنك راح تلاحظ إن مراكز اللاعبين تغيرت ...وذا إستخدمتها بيبيّن عندي أني غيّرت وستخدمت الإستراتيجيّه رقم 12 ؟
مع تحياتي ...
عضو جديد
مشكووور أبو بدّوووري
مراااحب أبو بدر ..يزاك الله خير يالأخ الغالي والله ماقصرت ونشالله ذخر قوول آميـــن
أخووك الماونتين
ضوابط المشاركة
