آخر اخبار الدوري الاماراتي

[بـوسنيده]

الحمد الله قطعنا شوط كبير في هذا الشغل

والحمدلله الحين جربت اطقم خمس فرق وكلهن مضبوطات اميه بالاميه

وتم تركيبه على وي دو ايت الانجليزي مع تعريب الطاقات

والحين بس باقي الطاقات وانشالله قريب احطلكم الصور التابعه للتجربة

وبغيت اي واحد يوصل الكلام لوصلاوي

متى انت تدخل لاني عندي اشياء ابغي اقولك عنها

هي بعد نسيت اقولكم هل انتوا راضين عن اني انزله بالمنتدى ولا اخليه ينزل في السوق ابغي رايكم

والله استحي انزله في السوق لان الشباب ما قصروا ويايه والفلوس الي بأستلمها من المحلات الي ببيع عليهم الاشرطه بتكون لجمعية الهلال الاحمر ولا انتوا شو رايكم وكل محل نخصص له عدد معين من السيديات

ما ادري اذا انتوا راضين على هذي الفكرة ولا تبوني انزله بالمنتدى بس حبيت اذكركم ان بعض الشباب ما يعرفون يركبون الباتش

[البواسل]

هلا والله اخوي بو سنيدة والله انت ما قصرت فيك الخير والبركة

وانا اتمنى مثل باقي الاعضاء بأن توضع بالاسواق مو عشاني عشان اهل الامارات فهم ما يعرفون سوالف المنتديات واخباره وما يعرفون ان نعمل دوري الامارات فحرام ان نحرمهم من هالشريط
وعن قولك انها بتكون للهلال الاحمر انا اقولك جزاك الله خير
صدق كريم وابن رجل كريم والله يعطيك القوة في مساعدة الضعفاء والصدقات وهذا لا يدل انما يدل عل قوة ايمانك وعسى الله ان يجزيك كل خير لأنك تستاهل كل خير

فيا ريت اخوي بس لو انك تنزله بالاسواق وقيمة الشريط لو تبيها فهي حلال عليك لتعبك عليها واذا تبي تتصدق الله يجزيك الخير

وانا من الناس اللي يدخلون المنتديات وما اعرف لشغل الباتشات فمبا بالك فاللب بس يلعب بلاي ستيشن2 وما يدخل منتديات اكيد يهمه الشريط انه يحصله بالاسواق وما عليك حرج

وعن اخوي وصلاوي فهو قالي انه يدخل من الساعة 10 لكن اليوم مو موجود مع العلم كل يوم اشوفه وانشاله يكون خير

وشكرا على توضيحك لنا الامور

[the_sniper]

سلام ....

مشكور يا بو سنيده ....


و لو اتنزل فيل المنتدى يكون احسن ...

و فكرة الهلال الاحمر وايد حلوه ...



و سلامتكم

[البواسل]

الرسالة الأصلية كتبت بواسطة the_sniper





و لو اتنزل فيل المنتدى يكون احسن ...

و فكرة الهلال الاحمر وايد حلوه ...



و سلامتكم

والله بهذا الشور يا اخوي بتقضون على الاماراتيين اللي ما يعرفون للباتشات ولا يعرفون هالمنتدى ولا تنسون ان هالشريط ما بنطلب بس بالامارات فهناك من يبغيه بخارج الامارات وفيه احد الاعضاء كان يبغيه ما ادري لو كان لوحده متحمس او فيه كثار مثله يبون هلاشريط فليش ما ننشره واللي يبغيه بالمنتدى بالباتش ياخذه بالباتش واللي يبغيه بالاسواق نزلوه له بالاسواق

والراي راجع لكم

[the_sniper]

لا لا لا لا ... انت فهمتني غلط يا البواسل ....

انا قصدي يكون فيل المنتدى و في نفس الوقت يكون في الاسواق

يعني انسوي مثل (( WEdoiT ))

هااا شو رايك يا البواسل .. (( اعتقد الحيين انا ما بقضي على الاماراتيين ... صح ))


سلامتكم

[البواسل]

هييييييييييه الحين انت راعيها :0) :0) ;-) ;-) :-) :-)

[toti_10]

الرسالة الأصلية كتبت بواسطة the_sniper
لا لا لا لا ... انت فهمتني غلط يا البواسل ....

انا قصدي يكون فيل المنتدى و في نفس الوقت يكون في الاسواق

يعني انسوي مثل (( WEdoiT ))

هااا شو رايك يا البواسل .. (( اعتقد الحيين انا ما بقضي على الاماراتيين ... صح ))


سلامتكم

والله استحي انزله في السوق لان الشباب ما قصروا ويايه والفلوس الي بأستلمها من المحلات الي ببيع عليهم الاشرطه بتكون لجمعية الهلال الاحمر ولا انتوا شو رايكم وكل محل نخصص له عدد معين من السيديات

و الله انك أصيل و غالي

[بـوسنيده]

مشكوريييييين اخواني وحبيت اضيف بعد ان اشكر كل من ساهم بهذا الباتش ومشكوريين جميعا وحبيت اضيف بعد شي صغير وهو ان النسخة انشالله توصل عمان وقطر والسعوديه بس انا لازم حد يتبرعلي اني ارسله الشريط بعد ما يخلص

[toti_10]

اخوي الفرق الاماراتية بتكون بدل اي فريق في الشريط و كم عددها؟؟؟؟

و سؤال ثاني كم بيكون حجم الباتش تقريبا؟؟؟؟؟؟؟؟؟؟

اخر سؤال هل حددت موعد صدور النسخة؟؟؟؟؟؟؟؟؟؟؟؟؟

و مشكور على جهدك و جهد الاخوان و انشاء الله يكون احلى دوري في الوينج اليفين <<<<<<<<<<الدوري الاماراتي>>>>>>>>>>

toti_10:0) ;-)

[بـوسنيده]

اخوي انت تعرف ان الباتش ما تم تحديد موعد محدد له لان الطاقات بعدها ما كملت وان شاء الله الباتش اذا نزلناه هنا يمكن يكون من 25 ميغا الى 30

او اقل

[qadsawi 16]

ابيك تضيفني عندك للضروره في المسنجر لاني محتاج منك كم شغله
ويعطيك العافيه

[QataR NighTMarE]

والله تسلم يابوسنيده ماقصرت يالغالي وانا اشوف تحطه بالمكانين يكون افضل ويعطيك الف عافيه

[البواسل]

ابو سنيدة دامك موجود

شو رايك لو تحط للشباب بعض الصور للدوري الاماراتي

والله حبيت نطلع عليها لو اهي عندك الحين

[بـوسنيده]

اخوي خلنا انخلص الشغل ونراويكم اياه كامل والكامل الله بس انشالله يوم بيخلص بحطلك صور

[CHILAVERT]

انا راي مثل راي (toti_10) ان نحط الباتش في المنتدى وفي السوق