جاري العزيز
عندي جار شويب ذبحني بالمسايير كل يوم يتقهوى عندي وينشد عن الجيران وياخذ علومهم (هذا اعرس ، والثاني خطب ، والثالث طلق ، والرابع نجح وعلى هالموال له عشر سنوات)
ودايم انشد الجيران عنه ويقولون ما نعرفه ولا نشوفه،،، بعد ما طول الغيبة ولا سأل ولا عنه منشود قلت أسأل انا يمكن (جرالو حاجة) ما طول عليكم السالفة ،،،، دخلني الشك قلت يا ولد عشر سنين ونت تقهويه وبعدين فص ملح وذاب والله لوه شبح 280 ما سوى هالسواه ،،
انا بطبعي حبيب وبارد قلت بكره اسأل المسجد والجيران اللي حول بيته يمكن يقولون وش صار له المسأله اخذت وقت طويل لين وصلت للبيت اللي هو ساكنه ونا كنت اركبه معي وينزل عند الباب ويقول تصبح على خير ونا سبهه علطول امشي ما كنت شاك فيه ولا .0000000000000000001 في المليون انه بسوى هالسواه بعدين قلت خلني اعرف من مكتب العقاري اللي في حارتنا منهو ساكن هالبيت دخلت المكتب وتقهويت اخبارك اعلومك من مده ما شفناك قلت والله يلخو انا جايك وناصيك بطلب قال ابو الفزعات راعي المكتب آمر وتدلل ترى مهوب لله ،،، هالكلام عشانه مأجر بيت العجوز الله يطول لي في عمرها وعمر البيت اللي خلا الناس تحترمني وتحسب لي حساب قال اي بيت تقصد قلت البيت اللي رقمه اربعة وعشرين وعلى شارعين (شارع ابن حمدون) (وابن خلدون) قال الله المستعان وينك غادي يا ابو فلان قلت و(جش) كلمه اعتراضية من التعجب المهم قلت وش سالفة البيت ، قال يا طويل العمر كان فيه واحد شايب في البيت هاذا وتوفا من عشر سنيين ولا نعرف عن البيت اي شي كل من جا يبي يستاجر ما لقينا راعي البيت ولا نعرف له طريق قلت انت غلطان السالفة ان فيه واحد دايما عندي وينشدني عن الحارة ويعرف اهلها واحد واحد ويتفقدهم جميع قال انا وياك والبيت يالله نروح ،،، الصحيح اني كنت شجاع يوم قال خلنا نروح بس ونا بالطريق قام يتزولي هالشايب ويقولي يا هلا يا هلا قلت عاد خير انشا الله (هاذا ابو طخطيخ على غفله) المهم طول الطريق ونا مستشك في الموضوع بين مكذب ومصدق -- -- -- هذي خطواتي ونا امشي كنها عيون قطط المهم وصلنا البيت طق الرجال وقلبه قوي قلت شوي شوي قال خل هالملعون اللي يلعب عليك يضهر كانه رجال قلت اخس يا البطران والله اني عارف لو ينفتح الباب لا انا ولا هو بنقعد عند عتبه الباب ويمكن اهاجر من الحارة بعد شوي ولا حس حركه غربيه عند العتبه (العتبه ، هي الزلفة ،هي الدرجة حقة الباب ، هي الانتريه ) اثر فيه قطوه سودا يوم شفتها قمت اتعوذ من الشيطان دخلني الشك زود قام البطران (صاحب المكتب) خرع الباب قلت رحنا في ابو نكله والله البلشة في ذا الممرور وش سوى عاد بننفضح في الحاره قام ودخل البيت على طول قلت مابدهاش ادخل معه لا تنفضح عند الناس اللي يمرون دخلت وصك الباب هاللوح وشوي معد لقيته يا فلان مهوب وقت مزح اطلع طلعت روحك بس قلت هالكلمة ولا غبار يطلع من الغرفة اللي قدامي قلت هاذا راعي المكتب طاح في كيس ولا في اسمنت قديم يوم دخلت للغرفة ولا هاك الشايب اللي جالس ما عنده من الشيطان طاري يقوم والله هاذا جاري اللي يزورني كل يوم ويتقهوى عندي ،،، انا نسيت راعي المكتب وقلت الحمد لله على السلامة يا بو فلان واسف اني دخلت البيت بدون اذنك لاكن بعلمك بالسالفة ،
قال لا تكمل ونا بوك انا عارف كل اللي صار ومير قامت رجليني تتنافظ قلت عارف اكيد عارف اني السبب في كسرة الباب وتحرك شوي الا وهاك الوجه اللي يتغير وصار وجه راعي المكتب وقام يشكل ودليت اسمي على روحي وقول وش السالفة الا وهاك اللوح اللي في البيت يطيح على راسي ولا وعيت الا في الخرج وحاط في مخباتي عشرين ريال وكاتب هاذا حق التكسي ما درى ان فيه ليموزينات توصل البشر والله مهوب سهل هالجني وكل هالوقت ونا اقهوي ابليس حسبي الله عليه والله قهر وطولت عليكم معليش السموحة .
هبت هبوب شمال وبردها iiشيني" "ما تدفى النار لو حنا شعلنا iiها
مايدفى الا حشا مريوشة iiالعين" "والا عطشنا شر بنا من ثنايا ها
