موقف محزن صار لي
السلام عليكم ورحمة الله وبركاته...
كيف احوالكم؟
وانا كنت رايحه السوق امس انا واختي واخي ...شفت بنت (شابه) تلبس العباءه المخصره مخصره الى ابعد الحدود تخيلو كل جزء من جسدها باين!!!
وحاطه لثام وكل المكياج في عيونها ويديها اااااااااااه كل السوارات فيها وحاطه مناكير اسود..!
وخواتم في اصبعها ...وحتى ريولها ماسلمت منها حاطه هالمناكير وحتى السوارات فيها (الي من النوع تصدر صوت).!!
يعني شيء فظيييييع ومحزن انك تشوف هالاشياء في اخواتنا اليوم...ونسكت
يعني الحياء معدومه في البنت ماعندها ولا قطرة حياء؟!!
انا يوم شفت هالشيء حزنت حزن شديد وصرت افكر بهاي البنت طول الوقت كيف تتحمل تسوي هاي الاشياء.؟؟!!
وبنت اخرى عندنا بالمدرسه للاسف تفتخر امام صديقاتها باانها تشيل حواجبها والمشكله تعلمنا طريقتها في الشيل شوفو شنو تقول!!!
تقول انها اولا تشيل كل حواجبها مره ماتخلي ولا شعره ..ثم تحط ثلج على المنطقه الي فيها حواجبها وتضغط عليها ثم تخط حواجبها زي ماتبي ثم تييب ابره وتنغزه على الخط الي راسمته اليييين يصب الدم!!!!..= = = = ايييييي أي أي ...شلون تتحمل..:"
ومن ثم اذا راح الجرح يطلع محله بني وتصير حواجبها مخططه الى الابد!!= = = حشى هاي مو زينه هاي تعذيب!!:"
والمشكله انها ملعونه مرتين (نامصه ...واشمه) عافانا الله واياكم
ولا مره يوم رحنا الكوفير انا واختي كان تيي زبونه تقول بكل وقاحه: ماعندكم مكياج عيون للاسواق!!
والله عيني حمرت من الغضب وطلع لي عرق اخضر من رقبتي ..وقمت لا شعوريا وهزئت البنت تهزيييييء اليين طلعت...لاني ماتحملت اسمع هاي الاشياء !!
بس انا اندهش واتفاجا يعني ابائهم راضين عن الي يسووه ؟؟ امهاتهم راضين طيب؟؟
واشياء افظع وافظع ..بس نقول الحمدالله ان ربنا عطانا الستر والله يستر علينا بالدنيا والاخره ..وان تهدي جميع بنات المسلمين..اللهم امين..
سؤال للاعضاء والعضوات: انتم شنو شعوركم اذا شفتو هاي الاشياء تصدر منهم ؟ماتحقروهم؟!وشنو ردة فعلكم؟
انا عني بصراحه مااتحمل اقوم واهزا على طوووول وااعرف انو هاي غلط.. اختي دايما تنصحني لازم اتكلم مع المخطئه بهدوء ..لعل الله ان يهديها...
اعرف ان الاغلبيه بيسكتون وبينكروها بقلوبهم بس انا من النوع الي مايسكت ابدا على الاطلاق اذا عصبت عصبت وخروووو عن ويهي..
الشكو على الله هذي اخرة الدنيا..
اسفه لاني طولت معاكم بالموضوع بس انا مره متاثره من هاي الاشياء...واتمنى ان ربي يهديهم الى صراط المستقيم..
مشكوووريين على قراءه موضوعي..
(عاااااد ياااااااويل الي يقرا كل هذا ومايرد)
يوفي از ذا بيست":"
هذا افضل من ان تشوفون ناس بالمدرسة يتعاطون مخدرات ويقرسون ايدهم ويرسمون الاوشام 
قولو آمين ..
السلام عليكم
