اطبخ مع الشيف تيدوس
السلام عليكم ياعيال ويا بنات ويا بزران
كيف الحال؟؟؟
ننتقل الى الموضوع مباشرة....
لا تتأملون بشدة.....مو طبخ صدقي...:6
بل اكلات تحتاجها اذا صحيت الساعة2الليل ......ولقيت الكل نايمين والمطاعم قافلة?:
الواحد يضطر يسوي له ولا؟؟؟:6
هذا الموضوع خطر على بالي وانا احاول انام ليلة اختبار الكيمياء...ادعوا ان النتيجة زينة:"
_______________________________
ساندوتشات التونة:
هذي تخصصي...
حط تونة خلاط.....موب بعلبتها ?: لازم اكيد تطلعها:6 حط عليها طماطم مقطع وبصل ....مو كثير...+مايونيز+شوية عصير ليمون..
اخلطها على خفيف.....
جيب توست(اي نوع خبز مو مشكلة)ادهن التوست بالخليط وكولها:6
______________________________
بيتزا ساندوتش^_^
لذيذة مرة:6
افتح حبة صامولي او خبز فرنسي احسن....ادهنه بصلصة بيتزا جاهزة...
وحط عيها شرايح طماطم وبصل وزيتون ورش عيها جبنة موزاريلا مبشورة...
حطها في الفرن الين تحمر.....بعدين دبر نفسك;-)
_________________________________
بطاطس لولبي:
جيب كم حبة بطاطس وقشرهم.....القشارة اللي استخدمتها كمل بها تقشير الين تخلص البطاطسة.....القطع اللي طلعت من البطاطسة اقليها...
واحسن لك تستخدم قلاية كهرب:6 لما تجي تاكل البطاطس استخدم السلطة الخضرا للتغميس....
_________________________________
السلطة الخضرا:
شفت امي تسويها واكتشفت انها شي ماله داعي
اخلط طماطم وبقدونس وشوية ملح في الخلاط.....وبس(على ما اعتقد)
__________________________________
بيض بالجبن:
هذي يحبها ديدمان:6
كل اللي فيها انك بعد ما تقلي البيض(مو قرص )يعني بيض مخفوق...
وهو على النار جيب جبنة البقرات الثلاث اللي علبتها خضرا....حط نصها على البيض وحركه الين تذوب.....كلها مع عيش ابيض:6
_________________________________
مكرونيا بشميليا:
اسلق مكرونة في موية وملح ومكعب ماجي...
كيف تسوي البشميل؟
حط ملعقة زيت وملعة دقيق في قدر مع كاس حليب وملح....اغليها على النار مع التحريك الين تصير سميكة....زيد عيها شويييييييييييية فلفل ابيض...واحسن شي اذا كان عندكم صلصة كنور او ماجي...
حط المكرونة في صحن بعد ما تصفيها من الموية....حط عليها البشميل و
جينة تشدر مبشور وحطها في المكرويف .......والا اوصيك...انساها الين تنفجر...
ملاحظة:اشرب معها بيبسي.....او اشرب بعدها مهضم:6
_________________________________
هذا اللي تذكرته....اذا تذكرت شي كتبته
اكتبوا اي طبخات عندكم لاني طقيت من اللي عندي?: يعني شاركونا....ولا تفشلوننا
ملاحظة:انا غير مسؤول عن اي شخص يحترق او يختفي في ظروف مجهولة..........................
