غبت عن المنتدى اكثر من 5 شهور...ليش؟ (قصة)

[Seedoh]

السلام عليكم جميعاً ورحمه الله وبركاته
كيف حالكم جميعاً ، ووش أخباركم؟ ان شاء الله كل شيء تمام!
آآآآآآآآآآهههههههه خنقتني ريحة العطور هذي ، معناها ان فيه اعضاء جدد واجد انضموا للمنتدى في فترة غيابي ، ياحياهم الله في المنتدى ، لكني ما اشم ريحه عطور الأعضاء القديمين ، ترى وين راحوا؟ المهم ما علينا نقدر نشوفهم في وقت لاحق.
والله المنتدى تطور؟!!! عجيب (لا اقصد الموقع http://www.ajeeb.com) لترجمة المواقع بل عجيب من الوضع الحين ، ههههههههههههههههههه ، ماعلينا…اليوم او بالأحرى في هذا الموضوع ناوي اقول لكم قصة غيابي عن المنتدى طول هالفترة ، اسمعوني زين وفتحوا آذانكم .
-------------
أولا: قبل كل شيء لازم تاخذون هالمعلومات الي راح توضح القصة قدام.
كمبيوتري:-
بنتيوم ام ام اكس 200 ميجاهيرتز
يعني بالعامية سرعته 200 بس. (وهذا سبب كبيييييييررررر لمشكلتي )
اضافة الى اشتراك انترنت محدود ذو بطء متباين ويعني على حسب الوضع بطيء.
\/\/\/\/\/\/\/\/\/\//\\//\/\/\/\/\/\/\/\/\/\/\/\
ثانيا: القصة بعد التوضيح…(السماع الجيد هنا )
كنت في المنتدى مشارك بهذا الإسم Seedoh وكان كل شيء طبيعي ، تعرفت على بعض الأصدقاء الطيبين هنا امثال…. مايحتاج نقول اساميهم هم بنفسهم يجون ويردون على موضوعي هذا ، وبدأت في كتابة المواضيع والردود كأي عضو آخر لين ما..بدأت المنظمات والرابطات وهالسوالف الخشرة الباطلة الي مامنها فايدة (احترامي لكل المنظمات ) فكنت انا من المحاربين لهذه المنظمات واريدها ان تزول من المنتدى ونرتاح من عوار الراس والدوخة ، بدأت احاربها بقسوة وعنف من الداخل والخارج وبكل الأساليب المتاحة ، جائني تحذير بهذا الخصوص يليه الطرد..الطرد..الطرد.. قلت لنفسي لالا المسألة بطال في بطال ، ومنها قررت ابتعد عن المنتدى ، وادور لي مكان ثاني احسن وابرك واشرف ، فقمت ادور في الشبكة العالمية وابحر هنا وارسي هناك واخذ واجمع الى ان وصلت الي شيء كنت اتمناه ، شيء لقيته في الإنترنت ، وهو برنامج ماكروميديا فلاش 4 ، واعتقد ان الجميع او الأغلبية يعرفون هذا البرنامج جيداً ، عثرت على البرنامج في موقع اسمه موقع نورة (http://www.noorah.com) وهو موقع يهتم بالبرنامج وبملحقاته وبتعليم بعض الأساسيات فيه وشراء الكتب الخ.. ومن بين الموقع هناك منتدى او بالأحرى كما يسمى زوايا اسمها زوايا نورة (http://www.noorah.com/zawayavb) وهو منتدى يهتم بالفلاش (كلمة زوايا منافسة لكلمة منتديات ) ، هناك سجلت وبدأت اكتب المواضيع والردود والأسئلة والإجابات وعرض الأعمال الخ.. عندي معرض اعمال صغيييييييير مرة لبعض الفلاشات الي سويتها انا على هذا العنوان التالي (http://mypage.ayna.com/sabal) الى ان جاءت المفاجأة ، لقد تم تعييني مشرفاً في الزوايا (كلمة مشرف منافسة لكلمة مراقب ) وقلت لنفسي خلااااااااااص هذا هو منتداي المفضل وهو الي راح اقضي عمري فيه ، تمر الأيام والا الموقع حصلت له كارثة فاخترب واخترب كل شيء وياه (رواية ضعيفة السند غير مرفوعة) وحتى الزوايا (اكيد انك دخلت المواقع فوق وماشفت شيء استعجلت) ومنها انهارت معنوياتي وقلت خلااااااااص (أيضاً) لقد ضعت ، بعدها بدأت ادور كالمتشرد في الإنترنت ابحث عن أي شيء تافة ، الا ان اخترق كمبيوتري هاكران (كمبيوتري الميتين 200 طبوا فيه ناس وش بعد ههههههههههههههههه) وهناك سووا ابو البلاوي في كمبيوتري (انفضحنا) ، وبكل جرأه يكلموني بالشات ويتطنزون (اتمنى انهما مو مشاركين بالمنتدى) ، من هذه الحادثة الهاكرية قلت لنفسي مافيه الا انتقم واوريهم اشغالهم (بعيداً عن هذا المنتدى) لكني كنت لااعرف بالهاكرز شيء مما احبطني ايضاً..لكن البوابة انفتحت امامي بالصدفة..فكيف؟
انتهى الدوام بالمدرسة وجيت ابطلع ولا اسمع بعض الأصدقاء الي مع بالفصل يتكلمون عن الإنترنت ، قلت خلني اسمعهم ، ولا واحد (ايميله:snegt2000@yahoo.com) يقول ان فيه موقع كذا كذا كذا وهو (http://44.4t.com) على طول احفظ الموقع وامشي ، رحت البيت فتحت الإنترنت كتبت الموقع ولا الموقع عاااادي مافيه شيء ، وصلات ومواضيع ومدري شنو (عادي ادخل الموقع تراه سليم ) بكن من بين الوصلات وصله اسمها موقع مدرسة الهاكر ، قلت ابشر لقيت الي ابيه ، دخلت هناك ولقيت برامج واكواد وبورتات وايبيات وخرابيط قلت يله باسم الله نبدأ ، حاولت وحاولت لكن فيه اشياء واجد ناسينها او بعد نحتاجها ، ولا في الموقع وصلة لموقع ثاني اسمه أهليز (http://www.ahliz.org) وفيه هناك منتدى كبير به ساحات واجد (http://www.ahliz.org/vb) ومن بينها ساحة للهاكرز ، دخلت هناك وسجلت بالمنتدى وحطيت كم سؤال ونزلت كم برنامج وسألت وردوا الجماعة واخزن المواضيع واسفيد منهم حرف حرف (منتداهم ماصار المفضل مدري ليش) ويله بدأ العمل ولا شغل الهكرز نجح وابدي اركض ورى الي اخترقوني ولقطتهم (بالفن ) وأبدي بالتهديد والتوعد وسرقة الإيميل والباسووردات و و و و تدرون وش بعد المهم ، سويت اشياء واجد (في واحد منهم) وبقى لعبة واحدة ، ليش ما انزل عنده فيروس صغيرووون يخرب الجهاز؟ (في هالفترة ناسي المنتدى هذا) رجعت لمنتدى اهليز وحصلت برنامج اسوي منه فيروس ، صمم الفيروس بشكل يخرب الملفات والسيستم ويقوم برامج النورتن والمكافي وغيرها من الفاحصات والكاشفات ، وخلصت منه وركنته على جنب ، بعد يوم رجع للفيروس ولا حجمه 76 بايت بس؟! عجيب هالفيروس ، ياشيخ الفيروس وش بيسوي يعني ، دبل كليك عليه ولا كود فيجوال بيسك ، هه؟ وش يعني ودبل كليك عليه واااااجد يعني فتحت الفيروس عندي 12 مرة تقريباً ، وماصار شيء ، اهيييه؟ ينقلع هالفيروس ، لكن بعدها بدأت العواقب تظهر (انقلب السحر على الساحر) ، بعض الملفات اختربت وتلفت ، انزل برامج من الإنترنت وما ينفع كلها تخرب ، الماوس يهنق (مو ينهق مثل الحمار) والكيبورد كمان ، الكمبيوتر يصاب بالخمول ، وقت مابغى كمبيوتري ينام ويخلي الشغل الي عليه ، واقعد افرمت الكمبيوتر ولا 40 مرة تقريباً (عدد صحيح مو خيالي) و مو جايب أي نتيجة ، خلني اركب برنامج فحص فيروسات ، ههههههههه وين الفايدة لكن خلينا نجرب ، لكن الفيروس طلع عضلات وجسم كبير ، جاله المكافي بيشيله راح الفيروس (واسمه سوبارو) ويشلخ المكافي طراقات وبكوس بالبطن والراس لين ما مات المكافي (الله يرحمه) وجى وراه النورتن لكنه طلع مسوي تطبيع مع الفيروس ومتفقين مع بعض علي ، النورتن يفحص ويقول لي فيه ملفات مصابة بس مايسوي لها كلين (التطبيع بعد وش ورانا) ، قلت ادور برنامج يمكن يفيد ، يوم من الأيام انظرت الفيروس ينام (ههههههههههههه) لما نام الفيروس رحت امشي بأطراف اصابعي ودخلت الإنترنت وصرخت بصوت خفيف يا جماعة احد عنده برنامج يشيل الفيروسات غير النورتن والمكافي ، رد عليّ واحد قال لي روح الموقع (http://www.absba.com) فرديت قلت لا ابغى غيره ، راح واحد ثاني ودلني على برنامج رحت نزلته وفصلت الإنترنت ، ونمت ، واثناء نومي استيقظ الفيروس وبدأ جولته (المسائية) في كمبيوتري ، ولكنه عثر على جسم وبرنامج مشبوه ، سأله الفيروس (سوبارو) من انت؟ فرد عليه البرنامج الي نزلته: انا برنامج للكشف عن الفيروسات والتخلص منها ، فرد عليه سوبارو قائلاً: يا اهلا وسهلا زارتنا البركة طاخ طيخ طوخ وتشب الهوشة بين الفيروس وبرنامج الإعداد الصغير ، وللأسف هزم الفيروس برنامج الكشف عن الفيروسات ، استيقظت صبحاً واذا بصوت بكاء ، اكتشف مصدره في كمبيوتري واذا هو ببرنامج الإعداد بعد ذلك القتال العنيف ، توعدت الفيروس بالرد السريع ، رحت ودخلت الإنترنت (بالرغم من استيقاظ الفيروس) ونزلت البرنامج وفتحته وركبته و……ياللهول الفيروس سوبارو بدأ بالزوال شيئاً فشيئاً ، ويزول ويزول ويتلاشى ويذهب ، وقبل ان يذهب الجزء الأخير من الفيروس قال لي: لن تسلم بفعلتك هذه بي سأريك ، ويرمي عليّ وابل من الرصاص والقنابل التهنيقية (ليست التنهيقية) وبلاوي زرقاء من كل المشاكل ، ومن بين المشاكل التي رماها قبل زواله ، رمى نفسه ، ههههههه أي ورطة ذي بعد ، ويله والفيروس ينتشر في الكمبيوتر مرة ثانية واظل بهالحالة ، وافيدكم علماً بأني متواجد على الإنترنت دائماً (اظهر اوفلاين في الماسنجر) وذلك بسبب الفيروس الذي اضر ببرنامج الإعداد الخاص بالهوتميل ماسنجر ، الله يلعن الفيروس ، الماسنجر مو شغال من برنامج الإعداد ، قلت اعرض المشكلة ذي في منتدى الكمبيوتر الي عندكم هذا، عرضت الموضوع وخلاص ، وفي اليوم الثاني جيت اشوف الردود ولا مالقيت الموضوع دورت عنه ومالقيته (الله ياجزي الي كان السبب اذا كان مشرف الي حذف موضوعي :غضب: ) واظل بهالمشكلة ليومكم هذا. ليتكم تشوفون لي حل يالنشامى ويالشقردية عسى الله يوفقكم للي تبغونه ، المشاكل هي الفيروس الذي لايكشف ولايزال ومشكلة الماسنجر الذي لايعمل (ليت احد يعطيني ملفات الماسنجر مفرقة) ومشكورين.
هذه قصتي ، ان شاء الله ارضي الكل بالمشاركة الفعالة قدر المستطاع (اذا فيه موضوع يشد ) ويستاهل المشاركة المشاركة فتبشرون وتكرمون جميعاً
وتحياتي الحارة لكم جميعاً والسلام.

سيدوه Seedoh
seedoh1422@yahoo.com

[ارفين]

واااك طويله القصه... شكلها قصت حياتك


المهم هلا والله برجعتك وحايّك.....

[Seedoh]

هلا ارفين شلونك عساك طيب
اتمنى انك قرأت القصة كاملة
وانا متأسف على الي قلته لك من كلام قبل فترة ارجو المسامحة

[ارفين]

انا حبيب وطيب وقلبي ابيض....نسيت كل الي فات....>>>( ايه هين )

المهم انا والله من زمان كنت ابي اكلمك على الماسنجر وسألت سيلفر بس سيلفر قال ما عندك

الزبده..>> ( صارت طبخه ).... هلا والله برجعتك

[Seedoh]

اذا انا اشك انك قرأت القصة
لأني في اخرها كتبت ان الماسنجر عندك خربان وعطلان ومايشتغل ليت الطيبين يشوفون لي حال وعلى كل حال لين ماتعتدل المشكلة هذا ايميلي للماسنجر
zakihaz@hotmail.com
وين الأعضاء القديمين دارت هولي ايثان سيلفر و هالشلة؟
المهم استنى الأعضاء الباقيين

[العميد]

الله يساعدك
ويعينك على التخلص من هالفيروس

[ارفين]

الشله كلهم راحوا.... سيلفر كتب وداع وبطل يدخل....ايثان قليل ما يدخل هو وسكوال....

ودارت لما فتح موقع جحد هذا الموقع.... وهولي ما ادري عنه؟؟؟

بس جاء اعضاء غيرهم مثلهم او احسن مثل سنورلاكس والعميد وكونان ويب وكثير...

----

اما القصه حقتك محزنه شوي....>>> ( واحد نصاب ما قراء منها حرف )

[Seedoh]

الأخ العميد: شكرا لمشاعرك
ارفين:
ممكن موقع دارت اذا هو عندك والأعضاء الباقيين نشوف الحل فيهم اما الحاليين فالله يسعدنا معاهم لاسيما انت يالنكيت الخطير؟ محزنة؟ بل هي مأساوية للقارء الصجي مو الشلاخ
وين البقية انا متحمس ترى

[slimshady]

هلا seedoh

ماقلة بجي فقدة الامل بس الحمد لله
نورة المنتدى بس ماوصيك بالمواضيع الحلوه
ابغاك الترجعه مثل اول (مستحيل)

[العميد]

ألا أقول وش فيه موقع دارت ما يتجدد والمنتدى عطلان؟؟؟؟؟ظ










أول مره في حياتي أسمع كمبيوتر يتطاق ويتكفخ في هالليالي

[Seedoh]

سلمشيدي: بعدك على الكروت..الله يساعدك ترى عندي خبرة فلاشية مو محدودة الحمد لله
الأخ العميد: اسمع تتكلم عن موقع دارت تكفى عطني اياه واكون شاكر لك وبالنسبة للتطاقق بالكمبيوتر تراها مو مستحيلة في جهازي لدرجة اني مرة عصبت اخذت اليبورد وكفختها في شاشة الجهاز واخذت الماوس وفلعتها بالجدار وعطيت البدي (الي نشغل منه الجهاز المستطيل الوافق) عطيته رفسة ولكمة كرتيه وغيرها بعد وش تتوقعون يعني؟ (ما امزح والله من صج اتكلم)

[slimshady]

انا مو بس cards انا خبير photoshop
وش رايك نجمع الخبرتين

[snorlax]

اهلا باستاذ الفلاش
نورتنا .........

[conanweb]

كان الله في عونك هل انت من صمم الفايروس

لاني اعرف الطريقه وهذا الفايروس خطر جدآ وقد خرب كمبيوترات لجهات مسؤله عده وهو حطر جدآ وربما لا يمكن انت تتخلص منه الا اذا بدلت الهارد يسك نفسها وصدقني لن تجد طريقة افضل من ذالك

[Seedoh]

سلمشيدي: مو مشكلة نقدر نجمع الخبرات مع بعضها ونبدأ من الوقت الي تبيه بس الماسنجر هو الملتقى مع الإيميل اوكي؟
سنورلاكس: هلا بيك (شفت صورتك قبل كم يوم ((رهيب بحق)) ههه) اكيد شفت الفلاشات الي حقي؟ للتذكرة بس
المعرض الأول الغير متكامل للفلاشات
http://mypage.ayna.com/sabal
الأخ كونان ويب: انا مصمم الفيروس وصممته لغرض شخصي مو بعيد المستوى لكن للأسف فتحته وليتني مافتحته لكن بعد ويش
الردود كثرت حمستوني اكثر واكثر وانا في الإنتظار

سيدوه