قصيده مايفمها إلا الشعراء والمحللين الشعريين

**تركي** · 05-05-2003, 11:23 PM

هلا والله بكم;-)

كالعاده من إبداعات جماعتنا إنهم يكتبون قصائد تصف حال الأمه الإسلاميه والعربيه وتشوف المقصود فيها يصفق للقصيده ولا يدري وش الطبخه(حكام العرب):6

أخليكم مع القصيده;-)

وياليت تقرونها شوي شوي;-)

ابتدت حرب ( حرب المهالك ) وأنتهى السلم ومجاله

،،،،،،،،،،،،،،،،،،،،،،،،،،،،،،،،،،،، وأرتكب أهل الجريمه ابشع أنواع الجريمه

داهموا ( بغداد ) جيش الشرك واحفاد الضلاله

،،،،،،،،،،،،،،،،،،،،،،،،،،،،،،،،،،، حنوا لتدمير تاريخ الحضارات القديمه

ااااااااه ياوجدي عليها وجد من ضيمه خواله

،،،،،،،،،،،،،،،،،،،،،،،،،،،،،،،،،،، ان نواهم صاحت امه وان تركهم صاح ضيمه

بين بعثي العراق وبين جرذان العمالـــــه

،،،،،،،،،،،،،،،،،،،،،،،،،،،،،،،،،، انثنت ياويل قلبي بنت الاسلام العظيمه

أو وجود القاصر اللي مغتصب عمّه حلاله

،،،،،،،،،،،،،،،،،،،،،،،،،،،،،،،،، هو يتيم بين ربعه ماله الا أخت يتيمه

او وجود النادر اللي ناطح الغاره لحاله

،،،،،،،،،،،،،،،،،،،،،،،،،،،،،،،، ان وقف زادوا صوابه وان طاح صاحن حريمه

أو وجود الدين اللي مارتكب جرم وخماله
،،،،،،،،،،،،،،،،،،،،،،،،،،،،،،،، بعد ماقصوّا يمينه اعترف راعي الجريمه
أو وجود اللي خصيمه فجأه وقف قباله

،،،،،،،،،،،،،،،،،،،،،،،،،،،،،،،، جالي من وسط ربعه واشجع اربوعه خصيمه

أو وجود الطيب اللي مات ماكبروا عياله

،،،،،،،،،،،،،،،،،،،،،،،،،،،،،،،،، بعد ماكبروا عياله صار طيبهم هليمه

أو وجود اللي يمينه بالسلاسل مع شماله

،،،،،،،،،،،،،،،،،،،،،،،،،،،،،،،،، شيخ قوم عقب عزه عاش حقران وهضيمه

حسرتي والله على حسنك يابغداد وجماله

،،،،،،،،،،،،،،،،،،،،،،،،،،،،وحسرتي والله على الشعب العراقي في جحيمه

كل ماقيل أقصفوها اتصيقه للمقاله

،،،،،،،،،،،،،،،،،،،،،،،،،،،،، ياعرب موت القلوب اليوم عاهه مستديمه

لاتورونا صورهم اتركوا كل بفاله

،،،،،،،،،،،،،،،،،،،،،،،،،،،،،،،، البدوا والذيب يلبد لانبح كلب الخريمه

يعني وش رايح نسوي غير يالالا لاله

،،،،،،،،،،،،،،،،،،،،،،،،،،،،،،،،، لاتنتظرون القلوب القاسيه تصبح رحيمه

ابشروا يا 00 بالتسكع والبطالـــــــــــــــــه

،،،،،،،،،،،،،،،،،،،،،،،،،،،،،،،، يامدورين الغنايم أنتم اليوم الغنيمه

جت مغول الغرب يم الشرق والقصد احتلاله

،،،،،،،،،،،،،،،،،،،،،،،،،،،،،،، خلف هولاكو اوروبا جوك يتلون البهيمه

من متى كان اليهودي له على المسلم جماله

،،،،،،،،،،،،،،،،،،،،،،،،،،،،،،،، من يقول ان العواقب مانتايجها وخيمه

عارفين المستخبي واندثر وقت الجهاله

،،،،،،،،،،،،،،،،،،،،،،،،،،،،،،،، والغبي اللي يفكر لذة الدنيا مقيمــــــه

باكر تشوفون باكر قولوا ماقاله الطواله

،،،،،،،،،،،،،،،،،،،،،،،،،،،،،،،، كان ماباكر صرنــــــا للخنازير الوليمــــــــــه

الشاعر/فيصل بن طواله

:-)

وشكرا لكم

**DE NILSON** · 06-05-2003, 12:05 AM

فيصل بن طواله

هذا شمري اكيد

مشكور تركي

**تركي** · 06-05-2003, 12:35 AM

الرسالة الأصلية كتبت بواسطة DE NILSON
فيصل بن طواله

هذا شمري اكيد

مشكور تركي

أكيد شمري

مشكووووووور على ردك يا الغالي":"

**MandN** · 06-05-2003, 03:50 AM

مشكووووووور تركي

":"

**ا هـ م001** · 06-05-2003, 07:51 AM

يواد كل ماأقرى أشعارك أتقرف?:

مو بس انت فيه غيرك كتبوا اشعار بمواضيع الترفيهي التانيه?:

يالله اعذرني إذا غلطت عليك:":

بس انا قلت الصراحه;-)

اهم واحد

**تركي** · 06-05-2003, 02:00 PM

مشكور يا سايلنت;-) :-)

وإنت يا (أهـ م 001) أحترم وجهة نظرك لكن تركض وراي بكل مكان (( أنقرف من أشعارك)) خلاص قلت لي هناك في موضوع ثاني ولا قلت لك شيء بعد جيتني هنا وقلت نفس الكلام لا تخلينا ننقرف منك:-)

وخلاص أصلا ما أنتظرت منك رد لإني من أول عرفت وجهة نظرك,,,,, بس ياليت تفك عننا

وبعدين مو أنا اللي كتب هالقصيده واحد من الجماعه ماتشوف إسمه فوق؟؟؟؟؟؟؟

وبعدين ودي تجيب لي بيتين من أي قصيده أعجبتك والله شوقتني لإني أشوف ذوقك الراقي,,,

مشكور على ردك:-)

**ا هـ م001** · 06-05-2003, 02:56 PM

شوف يابو الشباب
انا قلت الصراحه,,
وماحب أجامل

وإذا عن الشعر...خذ هذا

وش تـبي والليل يا خلي سلب
+++++++++++++++++روعة السهرة وغفوات الرقاد

كـل حـرف ننطقه لوم وعتب
+++++++++++++++++وكـل جرح ننقشه ينزف وداد

احـتريك اشواق وورود وأدب
+++++++++++++++++واحظنك جفوات واشواك وعناد

انا مايهمني المجامله,,
اللي عجبني اقول عجبني
واللي مايعجبني ..عادي ..اقول الصراحه

والا حتى حرام الصراحه

وعن الغلط لو سمحت:-)

ولا تلعب بذيلك معايه;-)

سلامي لك يا...........تركي

**تركي** · 06-05-2003, 06:57 PM

خخخخخخخخخخخخخخخخخخخخخخخخخخخخخخخخخخ

طيب طيب القصيده حلوه

خلاص بس لاتزعل علينا يلعن أم القصايد اللي تبي تفرق بيننا

:6

مشكور على ردك يا ا هـ م:-)

**kasryan** · 06-05-2003, 08:33 PM

صح يا ولد عمنا ..

مشكور يا تركي على هالقصيده ...

و سلامتكم ....

**العناديــــــة** · 07-05-2003, 08:06 AM

كفو

والنعم بشمر

والقصيده ماعليها غبااار

روعه وصح لسان قايلها

وسلمت يد ناقلها

وشكراااا خيو

اختك

**تركي** · 07-05-2003, 07:30 PM

إيه هذه الردود;-)

تسلمون يا الشمري والعناديه:-) ومشكورين على ردكم:-)

أول مره ألقى واحد شمري في هذا المنتدى بعد سنه ونص أخيرا طلع لي ولد عم في المنتدى:"

لا تحرمنا من شوفتك:"

**snow river** · 07-05-2003, 08:22 PM

وأنا اشهد <=== احلفي

قصيده حلوه ولو اني ماحب النبطي :-)

ثانكس تركي :-)

**تركي** · 07-05-2003, 08:41 PM

العفوووووووووووووووووووووووووووووووووووو يا سنو

**الســـــــاهـر** · 07-05-2003, 09:09 PM

مشكووووور على القصيده الراائعه منك ..

والى الامام حبيبي وامتعنا بمزيد من اشعارك الحلوة ..

تحياتي

**MG4** · 08-05-2003, 12:12 AM

،،،،،،،،،،،،،،،،،،،،،،،،،،،،،،،، يامدورين الغنايم أنتم اليوم الغنيمه

اي والله حنا الغنيمه

مشكور على القصيده الي حركتني فعلاً........وخلتني اغير مكان الجهاز((هذا الي قدرت عليه))

ابو نوره

الموضوع: قصيده مايفمها إلا الشعراء والمحللين الشعريين

أدوات الموضوع

قصيده مايفمها إلا الشعراء والمحللين الشعريين

ضوابط المشاركة