سوالف عميديه!!..
السلام عليكم ورحمة الله وبركاته..
احم..احم..
جايكم اليوم بكم سوالف حصلت لي خلال اليومين الماضيين..
السالفة الأولى..
كنت ألعب كورة..ومن زماااااااااان على الكورة آخر مباراة لعبتها في شوال..وجيت ألعب بدون تسخين وماعندي لياقه..
المهم..اول ماطبيت الملعب والشاب مؤملين علي..وماكنت أدري إنها مباراة دوري..المهم بدأت المباراة والعميد يلعب وسط ..وفجأة طراااخ..من وين جاي ذا الصوت؟..
طلع من ركبتي..والمفروض إني أخرج من المباراة لكن تعرفوني مُناضل:6..
وأكمل المباراة..وفجأة..طحت وسط الملعب:واو:..وحسيت بألم وانه رجولي شوي وتنفك..لكني كملت المباراة..وبعد عدة دقايق حط الفريق الثاني هدف في مرمانا:":..وبدأ دور العميد في شن الغارات..لكن مع الأسف لم تُثمر عن شيء وانتهت المباراة وخرج فريقنا من الدوري..
بعدين تعرفون وش صار لركبتي..
السالفة الثانيه..
كنت رايح صلاة العصر..وحصل شيء غريب..ورع عمره لم يتجاوز ال17سنة..يسوق سياره وفاتح لي اغاني على اعلى صوت!!..
والمصيبه إن الإمام يقول الله أكبر..وهذا فاتح لي أغاغني حب وكلام فاضي..
ولولا إني كنت مرهق..لكنت نزلته من السيارة..يالله خيرها في غيرها..
السالفة الثالثه:
امس الربوع الأهل يبغون يطلعون يشمون هوا(ياعيني على الهوا بااارد)..
المهم..شفت اثنين موب طبيعيين معاهم خنفوسة(السيارة مو الحشرة)..
المهم فرحانين لأنه عندهم تلفزيون بالسياره..
لو إني رجل مرور كان ادفعهم الف ريال!!..
السالفة الرابعه:
ايضاً امس الربوع بالليل طلعت انا والأهل البحر..
واعوذبالله الجو حااااااااار..
المهم قررت ألفلف بجمب البحر..
ودخلت شارع الملك عبدالعزيز..ولللللللللللللل..
السيارات طايرة:واو:..قررت اطير معاهم..لكن عيب..مع الأهل..
خلاص قررت ارجعهم البيت..علشان نتفرج مباراة اي سي ميلان وانتر ميلان..
السالفه الخامسه:
اليوم العصر طلعت المستشفى وراي موعدين..موعد عند عيادة الدكتور المسيحي..
وكالعادة من اول مادخلت..فتح لي موسيقى هادية<---قايلكم يستفزني:6..
جاء يسألني كيف الصحة؟..
العميد:زي الزفت يا دكتور..
الدكتور:ليه؟..إيه اللي حصلك؟..
العميد:ياخي كنت ألعب كورة أمس وانكسرت ركبتي..
الدكتور:سلامات..دنت لا عب كبير..
العميد:لا ياشيخ؟..
الدكتور:طيب في عندنا عيادة مفاصل و ركب..ومدري وش ثاني..
العميد:هعععع..تسلم يادكتور..
السالفه السادسه:
عند دكتور المفاصل..
الدكتور:وش عندك؟
العميد:ابد كنت ألعب كورة ومني مسخن..وانعدمت ركبتي!!..
الدكتور:طيب روح طب السرير..خلينا نشوف وش مصيبتك..
العميد:من عيوني!!..
وجانا الدكتور ذا النكبه عليه عضلات..ومسك رجلي وجلس يلفلفها..
وانا وجهي كذا من شدة الألم::واو:..
العميد:خلاص يبو الشباب وش تسوي انت؟تقول إلا واحد عنده شد عضلي ويحاولون يفكونه!!..
المهم..خلصت الحركات..
العميد:بشر يادكتور؟..وش اللي صار؟..
الدكتور:عندك تمزق في الغضروف(الهلالي)!..
العميد:والإتحادي ما صار له شي؟..ترى اهم شيء الإتحادي..طز في الهلالي..
الدكتور:
العميد:طيب وش المطلوب الحين؟..
الدكتور:خذ ذي الأدوية..ومعاها مشد للركبة!!وتعال لنا بعد اسبوعين..
العميد:الله ياخذك..إلا في شيء ثاني؟..يعني اقدر العب كورة؟..:6..
الدكتور::غضب::غضب::غضب:..تستهبل انت؟..طبعاً مافي لعب كورة لأكثر من شهر او شهرين!!..
العميد::غضب:..ليه هي رجلك وألا رجلي؟.
الدكتور: ياابن الحلال نحن نبغى مصلحتك..
العميد:أنا ادرى بمصلحتي..لا وأزيدك عندنا مباراة الأسبوع الجاي..وبلعب..سواءً تبغى أو ماتبغى!!.
الدكتور:خلاص انت حر..بس إذا جيتنا وركبتك مقطوعه لاتزعل..
العميد:ثاااانكس دكتور..ماراح انسى لك جميلك..:#..
الدكتور:العفو..بس أنصحك ماتلعب!!..
العميد:نصيحتك مقبوله..يالله مع السلامه..
الدكتور:مع السلامه..
السالفه السابعه والأخيره:
بعد ماخرج من المستشفى..على طول طلعت لشارع الجوالات..وجلست ادور على جوال زي الناس..
المهم جلست ربع ساعة من محل لمحل..مافي ولا جوال دخل مزاجي..
وادخل ذلك المحل..إلا وفيه بزر حجازي..يبغى يغير جواله..وقاعد يغني تيري تيري ريتا بابا يجي ميتى؟.....إلخ..
تصدقون حسبته دينيلسون":"..لا والورع لابس شورت بعد..
ومن الكلمات اللي سمعتها من ذا الحجازي:
1-ايش الرقم الموميز هادا؟..
2-انا ابغى ابييع جوالي واشتري الجوال هادا..اصلي طفيشت من هادا الجوال المعفين..
3-تيب مومكن تبادل جوالك بيجوالي؟..
ومدري وش كان يقول بعد..
المهم خرجت من السوق ولا جوال دخل مزاجي..
وعلى البيت على طول!!..
على فكرة اليوم الإتي والهلال..يا مُعيييين..
إلا إذا فاز الإتحاد مين يخاويني؟..
ملاحظة:نبغى مواضيع من الأعضاء..علشان المنتدى يتحرك..أهم شيء تكون المواضيع من تأليف الأعضاء..
الإنعزالية..
