-
المربع من دون الزعيم كالأكل من دون ملح
بسم الله الرحمن الرحيم
أولا مبروك للفرق المتأهلة للمربع الذهبي،وأخص بهذا نادي النصر اللي يعد فوزه على الرائد ببطولة تضاف
للسجل النصراوي المهم إن الهلال هذه المرة حصد مصيرة وجاءت الصحوة متأخرة خاصة إنه فرط في أكثر من
مباراة ،المشكلة في النادي اللي جعل من الرائد ميلان واتهم الزعيم بالرشوة وكل هذا عشان إذا انهزم
النصر من الرائد فإن المشكلة هلالية زي العادة والله ملينا من هذا النادي اللي ما عنده إلا التصريحات
وخاصة على الهلال وكل هذا عشان يحتك بالزعيم ويسوي نفسه فريق كبير.
المربع من دون هلال كالأكل من غير ملح فهذا المربع فقد جماهير كبيرة ونكهة لا يعرفها إلا الهلال قد يقول
الكثيرين إنه افتكينا من الهلال هذا الفريق حق حكام وكل مرة يفوز بالتحكيم فالرد بيكون إن الهلال وقبل
ما يصير فيه مربع كان أكثر الفرق تحقيقا لدرع الدوري وأيضا كاس الملك وهذا رد على كل من يشكك في
بطولات الزعيم،المهم أتوقع هذا الدوري أهلاويا خاصة إن الإتحاد سينتظر أسبوعين تقريبا بدون مباريات
وأيضا الإتحاد تقريبا من دون مدرب مع احترامي للقروني إلا إنه مفلس،أما النصر فالنتيجة متوقعة وموجودة
في درج إدارة النصر يعني إذا انهزم النصر فالسبب هو الحكم بكل تأكيد وسيحسب النصر هذه البطولة له
وأنه هو الأحق والأجدر والله يستر.الخوف كله إن نادي الأهلي وبالرغم إنه يلعب بطريقة جيدة إلا إن لاعبية
ما يعرفون يتعاملون مع البطولات والنهائيات خاصة إذا قابلوا الزعيم أو الإتحاد تحس إن لاعبي الأهلي
يلعبون بطريقة غريبة وكأنهم أشباح ومو لاعبين ،خوف واضح وتسرع وتضييع للفرص مع إنهم الأفضل في هذه
السنة إلا إنهم لم يتصرفوا مع الهلال بالطريقة المثلى مع إن الهلال يعيش اسوئ مواسمة إلا إنه تمكن من
التغلب على الأهلي.المهم إن المربع سيفقد الزعيم هذه السنة ولكن قد نكون راضيين عن فريقنا عشان أخذ
بطولة على الأقل وأيضا تغلب على أندية المربع مرتين باستثناء النصر الذي تغلبنا عليه مرة بهدفين
وبالرحمة وشكرا.
ملاحظة بسيطة سامي الجابر هو هداف المربع الذهبي على الإطلاق وأيضا أكثر لاعب يسجل أهداف في النهائي
في نظام المربع الذهبي وهذا رد على من تقول على إن الذئب أصبح عجوزا .
ملاحظة ثانية
في لقاء مع الرمز في إحدى الصحف سأله الصحفي عن أفضل اللاعبين في المملكة على مر السنين والمشكلة إنه ذكر لاعبين ولم يذكر النعيمة والثنيان وسامي صراحة؟؟؟؟؟؟؟؟؟؟؟؟؟
-
ياشباب شايف ان طلوع الهلال اخذ اكبر من حجمه ... عادي ياخي فريق وطلع من الدوري اعتقد مافيها شيء حتى لو كان الهلال اللي طلع ليست اول مرة يطلع فيها الهلال .
بعدين شايف انا ان بعض الاعضاء الهلالية وليس الجميع هم اللي قاعدين يتكلمون ويتهجمون على النصر وليس العكس خصوصا في هذا المنتدى .
وفي شيء ثاني ابغى اعرف سبب ليش اغلب جمهور الهلال يبغى الاهلي ياخذ الدوري ... هل هو حقد على الاتحاد والنصر 
-
هو صحيح المربع بيفقد شيء من المتعة بخروج الهلال
ونفس الحال اذا خرج احد من الاربعة الكبار وليس فقط الهلال
الاخ ستاكهاوس :
واحد يجي يتهم فريقك بالرشوة كذا علنا
ماتحقد عليه؟
ااذا كان رئيسهم يجتك ويدخل الهلال في كل شيء
ماتبي الجماهير تحقد؟
وبعدين انا اتمنى الفوز للاهللي لأنه الاجدر والاقوى مع احترامي للاصفرين
فالاتحاد الهلال هزمه مرتين في الدوري والكاس بنصف مستواه
وهزم النصر ايضا بغياب نواف والشلهوب
وهزم القادسية مرتين في شهر في الدوري والكاس
امام الاهلي فريق عنيد صحيح
لكن برضو الهلال هزمه مرتين مرة في الدوري ومرة في الكاس
لكن الاهلي استطاع الفوز مرة وحدة
والاهلي فريق قوي وعنده لاعبين اجانب ممتازين
وهو في طريقه لحمل الكاس
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
