محتاج لمساعدة في اختيار كرت الشاشة !

[Neo Cid]

السلام عليكم و رحمة الله و بركاته ..

اخواني .. بلا لف و دوران . .و أنا محتاج لاستشارتكم و خبرتكم و نصائحكم

في هذا الاسبوع بالذات .. أنا على وشك أني اشتري جهاز خاص لألعاب

الكمبيوتر .. كل شي موجود .. عدا كرت الشاشة .. الجهاز بشترية من الوكالة ..

و نوعة Dell .. المهم .. أبي كرت شاشة قوي .. و بسعر مناسب .. يعني لو

أقل من 100 دينار ( 1200 ريال ) بيكون وايد أحسن ..

أنا سألت عن GeForse 4 Ti 4800 و حصلته بسعر وايد مناسب .. و الفرق

بينه و بين الـ4200 بس بـ10 دنانير ( 120 ريال ) .. و ما أدري .. حتى فيه

نوع ريديون 7000 يمدحونه .. والله ما أدري .. أنتوا اللي مجربين و أنتوا أعلم

مني بهذي الامور .. فأنا منتظر مساعدتكم .. و لو تساعدوني بصور بيكون أحسن ..

يعني مشاء الله معظكم عندهم كروت قوية .. يعني ليش ما ترفقون صور من

لعبكم و أنا أشوف المناسب .. و ان شاء الله بالنهاية نوصل لقرار نهائي ..

أخوكم .. نيو سيد ..

سلام ..

[[c.o.d.e.x]]

Neo Cid

GeForce 4 Ti 4800 أقوى بكثير بكثير من Radeon 7000

تبي نصيحتي .. حاول تآخذ كرت ATI Radeon 9700 Pro 128MB

ولو قدرت تحصل النوع اللي تصنعه Gigabyte يكون أفضل لأسباب عديدة أهمها برودة هذ الكرت بفضل المشتتات الحرارية الغضافية على الذواكر الخاصة بالكرت

GeForce 4 Ti 4800 مش بطال .. لكن هناك فرق كبير جداً بينه وبين الـ Radeon 9700 Pro

إنت طلبت إثباتات حيه .. تجد بالملف المرفق صورتين إلتقطتها أثناء لعب لعبة Splinter Cell

الكرت اللذي أملك هو:

Gigabyte MAYA II Radeon 9700 Pro 128MB

سعره عندنا بالسعودية 1400 ريال (تقريباً 117 دينار كويتي) هذا عندنا .. ما أدري عندكم ؟؟

أتمنى تعجبك الصور المرفقة

لأي إستفسار آخر .. أنا بالخدمة

بالتوفيق

[Neo Cid]

مشاء الله .. الجرافيكس رائع أخوي . :واو:

يعطيك العافية .. هذي المشكلة أخوي .. أنا ما أبي كرت الشاشة يكلفني

هالكثر .. كافي أن جهازي بينتيوم 4 2.4 جيجا هيرتز .. و 512 دي دي رام ..

و الميزانية محدودة جدا .. يعني حدي حدي 450 دينار .. و الحين الجهاز

بدون كرت الشاشة 380 دينار .. يعني الباجي 70 دينار .. وما يكفيني لأكثر

من 100 دينار كرت شاشة .. لكن مع ذلك .. عجبني الكرت .. و المخ طويلة ..

و الأيد قصيرة .. :6

دام أنك نصحتني بماركة .. فيه بالسوق ماركة اسمها MISV علما اعتقد أو

شي جذي .. هل هذي تعتبر Nvidia Geforse 4 ؟ .. يعني مكتوب عليها جيفورس

4 و كل شي .. لكن الماركة .. مادري والله ..

منتظرين نصيحتكم و مساعدتكم ..

[MoaeD]

يمكن تقصد MSI ؟



هذي نوعيه تمام والله واعرف ثلاثه من اخوياي شارينه وشغاله مزبوط معهم

[Neo Cid]

الرسالة الأصلية كتبت بواسطة MoaeD
يمكن تقصد MSI ؟



هذي نوعيه تمام والله واعرف ثلاثه من اخوياي شارينه وشغاله مزبوط معهم

هذا هو ..

دام أنك تنصحني فيه .. ممكن ما عليك أمر أخوي مؤيد صورة من لعب أخوانك ؟ ..

هذا لو تقدر .. و أشكرك على مساعدتك ..

[العراقي17]

Neo Cid


انا عندي MSI GeForce 4 Ti 4800 (تاكد من الاسم لانه في انواع كثيرة من MSI)

سعره بالكويت 90

كرت ممتاز ومعاه 3 العاب كاملة (وحدة منهم اونلاين ..جوست ريكون اذا تعرفها) وعدد كبير من البرامج.

وفيه TV out و TV in و DVI

[Neo Cid]

الرسالة الأصلية كتبت بواسطة العراقي17
Neo Cid


انا عندي MSI GeForce 4 Ti 4800 (تاكد من الاسم لانه في انواع كثيرة من MSI)

سعره بالكويت 90

كرت ممتاز ومعاه 3 العاب كاملة (وحدة منهم اونلاين ..جوست ريكون اذا تعرفها) وعدد كبير من البرامج.

وفيه TV out و TV in و DVI

هذا اهو بالضبط .. أنا حصلته بـ75 بمحل ( واسطة )

ممكن ما عليك أمر تعطيني صورة اخوي كويتي ؟ ..

[العراقي17]

تفضل


من ديمو سبلنتر سيل.

[Neo Cid]

مشكوووووووووور أخوي كويتي .. دام فضلك ..

حياك تفضل .. القهوة يا ولد ..

إلا أخوي كويتي .. دام انك تلعب كاونتير .. ما عليك امر .. ممكن تعطينا صور

تبين فيها اللعب بالنهار ؟ .. لأن هذي الصورة ليلية و مو قادر أشوف الحواف

عدل علساس أتأكد أنها سيده ولا مكسرة شوي .. ( انت تعرف قصدي ) ..

و سامحنا على الازعاج .. لكن مساعدتك راح تفيد أمه بكاملها ..

[العراقي17]

تفضل .

اي طلب ثاني ؟

[BLACK _G]

ياشباب هل هناك فرق كبير بين GeForce4 ti4600 و Geforce4 ti 4800 والا بس علشان الأخير 8x بس؟ الرجاء اضافة قليل من السكر أقصد من التفصيل في الاجابة وليش لم نسمع عنه الكثير قبل صدوره أو بالأصح لم نسمع عنه شئ مطلقا؟


تحياتي...

[العراقي17]

BLACK _G

لا يوجد فرق كبير بينهم تقريبا متطابقين ما عدى انه يدعم ناقل 8x

[BLACK _G]

مشكور أخوي العراقي17 على الاجابة.

وحد عنده اجابة ثانية؟

[Neo Cid]

مشكور اخوي كويتي ..

لا طلب حاليا .. انت كفيت ووفيت ..

[Neo Cid]

ماني مأذيكم .. بس تحملوني شوي ..

فيه بعد صور توضح قوة الكرت ؟ .. أو اي نصيحة ؟ ..