sim city 4 سؤال..؟

[عبدالعزيز الأول]

عندي لعبت سيم سيتي الجزء الرابع

المشكله الي انا فيها اني اسوي مدينه فيها كل شي من تعليم وصحه

ومياه وكهرب ....

ومااصرف الا خمسين الف ويبقى زيها

بس ما اقعد شوي الا وتروح الفلوس

يعني في طريقه اخلي المدينه غنيه واكسب فلوس كثيره ؟؟؟

[Striker]

الفكره في اللعبه انك كيف تقدر تخلي دخل المدينه أعلى من المصاريف عشان تغطي مصاريفك وبعدين تقدر توسعها طبعآ في اشياء كثيره تخلي دخلك يزيد.

استعمل هذي الكلمه اذا ودك تحصل على الهدايا مجانآ
you don't deserve it

[TORNADO]

انت لا تبني على طول مدارس ومراكز شرطه وماطفي ومستشفيات

ابني خطوه خطوه كل 10 سنين ابني شي وزي كذا






اخوي Striker

الكلمه هذي
you don't deserve it
وين اكتبها وياليتك توضحلنا اكثر وشكرا

[العراقي17]

عبدالعزيز الأول


تاكد انه ميزانية مدينتك معتدلة والايرادات اكثر من المصروفات.

[hawe]

ما فهمت شي كنكم تتكلمون بألغاز

عطونا حل كامل وسليم

وشكراً

[عبدالعزيز الأول]

مشكوور ياخوان على الردود

بس يعني ما في مصادر دخل غير الضرايب


مشكور اخوي Striker بس لوبديت احط كلمات سريه بازهق من اللعبه

بسرعه وانا توني شاريها

[moshal_77]

معليش شباب على الدخله هذي


بس لو أبني مدينة
يعني وش أول شي أبدأ به
لاني محتار من جد
وصراحة حذفت اللعبة لاني مالقيت لها حل

فيعني انت تقولي ان لازم ابني شوي شوي
بس وش اول شي ابني به ؟هذا السؤال

[hitler is back]

سيم سيتي اللعبه العظيمه ":"

اول عشاقها واكثرهم حبا" لها

اذا تبغى تسوي مدينه...لازم اولا" تفتح عينك على كل شي...تراقب الميزانيه والاخبار وتشوف طلبات الوزراء وشكواهم...وبعدين لازم توفر كل وسائل الحياه العصريه...مستشفيات مدارس مراكز شرطه واطفاء...وتفتح مخططات وتمد المياه والكهرباء وتوفر اماكن ردم الزبائل او اعادة تصنيع وانتاج طاقه وما الى ذلك...

اذا كنت محتار بالبدايه...ابن الطرق الاساسيه ووفر مستشفى صغير ومدرسه ابتدائيه ومركز شرطه وممكن تأجل الاطفاء وتفتح مخططات سكنيه اكثر من غيرها وقلييل من التجاريه وصناعيه...ولكن لاتنسى انك اذا فتحت مناطق تجاريه او صناعيه وعدد السكان قليل راح تلقى العاملين قليل فتعزل بعض المحلات وتقفل وهذا له اثر سلبي....وبعدين لاتنسى تركز على الضرائب لانها مركز دخل للدوله...وحاول توازن بين المصروفات والضرائب عشان تجمع فلوس


اما الكلمات السريه فتضغط اولا" على Ctrl+C يطلع لك فراغ بالزاويه لادخال نص...حط كلمه سريه فيه ولازم تكون صحيحه واضغط Enter

في طريقه حلوه بالكلمات السريه مثل weaknesspays كلمه سريه 1000 سيميليون....وصعبه تكتبها كم مره عشان تجمع 1000 بس...عشان كذا استخدم الدفتر او اي برنامج نصي واكتب فيه الكلمه السريه وظلل عليها وسو لها كوبي Copy او نسخ

ادخل اللعبه وافتح الاطار النصي للكلمات السريه واضغط Ctrl+V وراح يطلع لك النص الي كنت مسوي له نسخ Copy...واذا تبغى تواصل العمليه بسرعه خلك ضاغط على Ctrl واضغط Enter راح يظل الاطار مفتوح وارجع اضغط V مع Ctrl وكرر العمليه لما تشبع....بس الكلمه ماتجيب الا 1000

[TORNADO]

مشكور اخوي hitler is back



وعلى ما سمعت انه الهدايه يزيد من دخل المدينه

ولا تنسو انكم تبنون محلات ترفيهيه (المراجيح .والملاعب ...الخ)




وشكرا

[Striker]

بعد ما تكتب الكلمه السريه خليك ضاغط SHIFT وبعدين اضغط Enter بعدها اضغط السهم العلوي عشان تجيك الكلمه من جديد بدون ما تسوي نسخ و الصاق. أو حتى لو راح المكان الي تكتب فيه الكلمه تقدر بعد ما تطلع المربع حق الكتابه انك بس تضغط سهم فوق و ترجع لك كل الكلمات الي كتبتها.

[عبدالعزيز الأول]

مشكورين يا اخوان على الردود

بس بغيت اسال عن الهدايا وش قصدكم فيها

وش فايده لو حطيت البيت الابيض في المدينه

[Striker]

في بعض الهدايا مثل القاعده الجويه و التوكسيدو و السجن تعطيك دخل من دون مصاريف بس تاخد مويه و كهرباء. انت اقرأ مواصفات المبنى قبل ما تحطو اذا كان الكوست الشهري Monthly COST يعني الأستهلاك الشري 0 يعني انو ما يستهلك عليك مصروف.

[TORNADO]

شباب عندي سؤال

انا اليوم شفت واحد من اصحابي ولديه مدينه وعنده الاسواق ناطحات سحب :! ممكن تقولولي كيف اخلي الاسواق الي عندي يسون ناطحات سحب ؟



وشكرا

[Striker]

ناطحات السحب انت تبنيها و بعدين تجيك لمن يسير عندك مدينه كبيره يعني لمن توصل لمستوى معين من عدد السكان يفتحون لك الخيار بأنك تبنيها وبعدين هذولي العماير الكبيره تاخذ مصاريف عاليه جدا.

[TORNADO]

هلا اخوي Striker انت فهمتني خطأ

انا قصدي مو المباني الحقيقيه الي تجي قيمتها 200 و300 الف وفوق
كان قصدي الاسواق يبنونها عماير كبيره وطوليه
هل تتوقع معه عمر المدينه مثلا ؟

وشكرا