ما ادري ..
بصراحة لاحظت شي فيني ..
لما اصير متوتر لسبب ما -لا تسوي مهم ترى غالبا الاختبارات هي السبب- يكثر نشري للمواضيع ..
يعني لما جت اختبارات الشهر الاول نشرت ثلاث مواضيع في المنتدى العام ..
و الحين قربت الاختبارات النهائية و هذا الموضوع الثاني لي خلال هالاسبوع ..
ما علينا ..
يقولون التوتر يسبب حاجتين ..
الابداع -امحق ابداع :6- او الاحباط ..
طبعا مواضيعي ابعد ما تكون عن الابداع ..
لكن مو مشكلة ..
هالمرة بجرب طريقة موضوع ما جربتها قبل ..
و صاحب هالفكرة هو الدختور دي ان ايه اللي غايب عن المنتدى من فترة ..
و ما نقول الا عسى المانع خير ان شاء الله ..
الموضوع هو ..
الاربعاء و الخميس اللي فاتوا الكل لاحظ - السعوديين فقط- ان الانترنت كان بطيء بشكل غريب جدا ..
طبعا هو اصلا بطيء لكن هالمرة تفوق على البطء نفسه ..
السبب يعود على حسب ما ذكرته جريدة الرياض الى ان الزلزال اللي حصل في الجزائر ..
تسبب في قطع بعض الكيابل التي تربط مدينة الملك عبدالعزيز بالشبكة العالمية ..
و طبعا هالشي تسبب في حصول ضغط على الكيابل المتبقية و سبب البطء ..
طبعا هم حلوا المشكلة الان عن طريق تاجير كيابل اخرى ..
خبر اخر يتعلق بالانترنت ..
اتوقع انه يلغى بسبب المشاكل اللي حصلت بتاثير قطع الكيابل ..
الخبر هو ..
اعلنت مدينة الملك عبدالعزيز للعلوم والتقنية عن تقديم سعة اضافية مجانية بمقدار 10في المائة من سعة الارتباط الحالية لمقدمي الخدمة الملتزمين بسداد فواتير رسوم ..
ملينا من السعة ..
و من التخفيض في اسعار الاشتراكات ..
نبيكم تخفضون سعر اغلى ساعة انترنت على مستوى العالم :" ..
بمناسبة الحديث عن الاتصالات ..
قدر الله علي و بلغ جوالي الحد الائتماني و انا طالب جامعي و على قد حالي :6 ..
عفوا تحمست ..
لما بلغت الحد الائتماني الاتصالات ما صدقت على الله و فصلته في اسرع من لمح البصل ..
ما نقول شي ..
يحق لهم ..
خايفين على رزقهم ..
لكن الحين لي 3 ايام مسدد لهم ليه ما رجعوا الاتصال لطبيعته ؟!
اتصلت عليهم مرتين و تحسفت على الريالين اللي حسبوها على هالمكالمتين !!
يقولون و لا يهمك ربع ساعة و ترجع و ما رجعت ..
ااخ بس ..
ليتهم مفجرين هناك
خبر يتعلق بشعار الصيدليات الي هو عبارة عن كاس تلتف حولها افعى ..
اخيرا و بعد ما يقارب اكثر من 20 سنة ..
اكتشفت وزارة الصحة في السعودية ان هذا الشعار يعني اله العلاج عند الاغريق !!
لذا فانهم بداو خطوات لايجاد شعار بديل ..
انا اتساءل <== وخروا عنه ":" ..
هل سبب التاخير في هالاكتشاف -و لو اني اعرف هالمعلومة من زمان- يرجع لاهمال القائمين على وزارة الصحة ؟؟
ام ان السبب يقع على عاتق الوزير السابق الذي تجاهل هذه المعلومة التي لا تخفى على وزير درس الطب في الخارج لسبب في نفسه ؟؟
انا اميل للسبب الثاني ..
سؤال ..
بعد ما ظهرت فرق مؤيدة و معارضة للتفجيرات التي حصلت في الرياض ..
حبيت اطرح هالسؤال ..
موقف هالمفجرين ما يذكركم بموقف الخوارج ؟؟
الي خرجوا عن طاعة ولاة الامر و بداو يكفرون و يسنون تشريعات ما انزل الله بها من سلطان ؟؟
سؤال انطرح و ما لقيت له جواب ..
لانه بعد هالتفجيرات جميع العلماء اصبحوا عملاء عند بعض الناس ..
و ان المسلمين الي انقتلوا في هالتفجيرات ما لهم مكان من الاعراب ..
كانهم يستحقون الموت ..
طيب اللي يوافق هالتفجيرات ..
تقدر تقول لي لو كان احد اللي ماتوا في هالتفجيرات من اقاربك هل موقفك راح يكون نفس موقفك الان ؟؟
نقطة توقف ..
سمعت في سواليف المجالس بان احدى النساء رات في منامها الملك فهد و هو يقوم بجمع سجادات الصلاة في الحرم المكي ..
طبعا لما سالت احد المشائخ عن تفسير هذا الحلم ما قالت للشيخ انه الملك فهد ..
التفسير كان ان هذا الرجل جالس يحصل على حسنات كثيرة من الناس اللي جالسين يتكلمون عليه بالغيبة و النميمة ..
بكل بساطة ..
لا تعليق ..
مع ان هالشي المفروض يعرفه كله مسلم ..
لا تتحدث عن اخيك المسلم في غيابه بما يسيئه ..
و لن يدخل الجنة نمام ..
تحياتي ..
<<وش دخل
ختى نرى ابداعاتك
..
..
..
