ويأبى سايلنت الا أن يرد...سوحقاً للشغالات الداجات

**silent evill** · 27-05-2003, 04:20 AM

بسم الله الرحمن الرحيم...

بداية السالفه...

كانت الساعه 10 مساء...

وكنت اسولف على الماسنجر..مع دينلسون واروكارد والعميد وكاوبوي..

(((((تصدقون طلعنا انا واروكارد معااارف....فيلم هندي)))))

المهم...خلص اشتراكي...وتعرفون...

اللي معي غالين على قلبي...:#

فركبت الموتر...ورحت اشتري اشتراك جديد...

وحاط على الاف ام...

كان فيه برنامج مدري وش اسمه الصراحه...

لكنه من نوع البرامج اللي كل يوم له موضوع...

وكان موضوع اليوم عن الكذب...

وانا مشغل الرادو..كان في بنت توها متصله...سعوديه طبعاً..

ويقول المقدم...شو رأيك بالكزب..

ترد الاخت قائله...

والله الكل يكذب الصراحه...(((حتى الحين كويس)))

وتقول...انا قبل شوي هههه..قامت تتميع للرجال...

بعدين قالت شي...حقدت عليها...

تقول انا اتفائل برجال الشرطة...خصوصاُ الذين يعطون مخالفات بأستمرار...

?: ?: ?:

شفتو ان البنات مالهم خاتمة...يبغون يطفرونا وبس...

بعدين قالت...وأتشائم من الدكتورة عندي في الجامعه...
دايم شعرها منفوش...وريحتها خايسه...(((يعني يقالكم زاحفه..)))

خلص كلامها....

وتتصل وحده...العن منها...

وعلى طول سيدا..مافي سلام حتى..

الو...أنا بأغني وأسمع ياجمال...(اسم المقدم)

طيب مين معي...لا انا بغني بعدين اتفهاهم معك...
هو قام يتميع..

طيب ممكن....وتقاطعه الاخت...

وتغني اغنيه لبنانيه...

اسمعو...تقول..

حبيتك حبيبي...من صوتك حبيتك....?: ?: ?:

============================

اين ولاة امور هؤلاء عنهم...وهل هذا حال بناتنا الان...

هذي النوعيه من البنات....

ودك معك تريله...وتشوفه توها طالعه من الجامعه...وتمشي مليوووووون...

وتدعسه مع خشتها...علشان تعرف وشلون حبيتك من صوتك..

وفي الختام...

نرجو من المولى العزيز سترهم وهدايتهم الى صراطه المستقيم...

وصلى الله وسلم على محمد وعلى اله وصحبه اجمعين..

**MandN** · 27-05-2003, 05:19 AM

سوحقاً لهم

**MandN** · 27-05-2003, 05:22 AM

الرسالة الأصلية كتبت بواسطة silent evill
نرجو من المولى العزيز سترهم وهدايتهم الى صراطه المستقيم...

آمين

**BLACK TIGER** · 27-05-2003, 05:35 AM

موضوع رائع.....

مشكور اخوي سايلنت

بس لاتنسى حقوق الطبع محفوظه للعميد:6 ":" ..

**MandN** · 27-05-2003, 05:41 AM

الرسالة الأصلية كتبت بواسطة BLACK TIGER
موضوع رائع.....

مشكور اخوي سايلنت

بس لاتنسى حقوق الطبع محفوظه للعميد:6 ":" ..

من أفكار الاخ

**silent evill** · 27-05-2003, 01:33 PM

والله....البارح جت مشكله مع احد الاعضاء...

لكن الحمدلله...حليناها بسلاااام....

من ناحية الحقوق...تعجبني حركات العميد...

انا مستأذن منه...":"

**SORROW** · 27-05-2003, 01:46 PM

التربية تلعب دورها .. فصلاح المجتمع من صلاح تربية الاهل

ومع الاسف .. الظاهر مجتمعنا بدأ يميل وبقوة للانحراف

الله يستر بس ياخوي ..

**silent evill** · 27-05-2003, 01:57 PM

الرسالة الأصلية كتبت بواسطة SORROW
التربية تلعب دورها .. فصلاح المجتمع من صلاح تربية الاهل

ومع الاسف .. الظاهر مجتمعنا بدأ يميل وبقوة للانحراف

الله يستر بس ياخوي ..

-----------------------

اي والله انك صادق...بدا يميل الى الانحراف...وبشكل كبير...

واضربلكم مثال...

انا من النوع اللي مايرقم...يعني مااكلم بنات...

واعرف واحد من اخوياي...الارقام اللي في جواله كلها بنات مرقمهم..

المهم...

قبل يومين...الاخ دق علي الساعه 2 الليل..

وقال اطلع في الشارع ابيك ضروري...انا على نياتي نقزت..احسب عنده سالفه الحين...

وقالي...انت تبي تتعرف على بنت...:واو: :واو:

انا اندهشت..قلتله ليش...(((لاحظ معي اين وصل الانحراف)))

يقول...ان خويته اللي تكلمه...تعرف وحده تبي تتعرف على واحد ثقه..
يعني مايكلم بنات مثلي...

علشان يحبني واحبه....(((بالله وش رايكم)))

والله تحمدة ربي على العافيه...ورحت شريتلي شاااااورما بالكتشب..

============

ومشكر سورو..

**DE NILSON** · 27-05-2003, 02:22 PM

انا مرة اتصلت ببرنامج اميرة الفضل

مشكور سايلنت او العميد واحد فيكم هههه على الموضوع الحلو

**alamid** · 27-05-2003, 02:24 PM

ياعيني على السرقة البريئة..

المهم..ترا حقوق الطبع مفتوحه للجميع..هع..

بس ياخي قهرتني..حتى الأسلوب سارقه..مو كفاية العنوان..

الله يهدي الجميع..

":"

**Trapped Inside** · 27-05-2003, 02:25 PM

اللهم اصلح شباب وبنات المسلمين

ومشكوووووووووووور على الموضوع سايلنت;-)

**silent evill** · 28-05-2003, 10:18 PM

دينلسون...

انا اللي كاتب الموضوع...فتح عينك..?:

سعودي 2002

مشكور اخوي....والله يعطيك الف عافيه...

العميد...:غضب:

مسألة اني سرقة طريقة الاسم في الموضوع...انا معك...

لكن في اسلوب الموضوع....لا والف لا...

انا اعطيك الدليل...

انت مواضيعك...تبدا بالمقدمات الطيلة....اما انا اذا كنت كاتب موضوع فيه مقدمه..لاتتعدى سطرين بالكثير....

انت تحب الفلسفه الواجده....انا اخش في الموضوع سيدا...يعني الزبده

انت تعتمد في مواضيعك انك توكن جدي فيها...يعني من اول ماتكتب الى اخر الموضوع..وانت متحمس...

لكن لو لاحظت شي في مواضيعي...وخصوصاً اللي مثل كذا...

راح تلاحظ اني ابداها بقصه...او نوع من الترفيه..وهذا من اجل العضو لكي لايمل...

بله الحين تقدر تقول اني اعتمد نفس اسلوبك في الموضوع...مااعتقد..

ونشترك في شي واااحد بس...وهو الدعاء في ءاخر الموضوع...

وهذا شي طيب...

ولعد تقول اني سرقت منك شي...لأني راح اغير من الان الاسلوب في اسم الموضوع..

**السنيوره** · 29-05-2003, 04:19 AM

اي والله البنات الله يهديهم على الاقل انت ماتشوف اللي نشوفه وتسمع بالجامعه خلها مستوره والله...

ملاحظه : مافي بنت راده الا انا الظاهر الكل ماله خلق يطاق معاكم

سايلنت ديفل

سوحقا للبنات

مو كلهم ....

**alamid** · 29-05-2003, 05:21 AM

انت مواضيعك...تبدا بالمقدمات الطيلة....اما انا اذا كنت كاتب موضوع فيه مقدمه..لاتتعدى سطرين بالكثير....

صحيح..أنا ماأنكر إنه مقدماتي طويلة جداً..لكن وش رايك فيها؟!..

انت تحب الفلسفه الواجده....انا اخش في الموضوع سيدا...يعني الزبده

بالعكس..أنا أميل للمزح في كل شيء..حتى أثناء مناظراتي مع الشيعه أمزح معاهم!..

انت تعتمد في مواضيعك انك توكن جدي فيها...يعني من اول ماتكتب الى اخر الموضوع..وانت متحمس...

مو كلها..بعضها..

راح تلاحظ اني ابداها بقصه...او نوع من الترفيه..وهذا من اجل العضو لكي لايمل...

ويحك أتقصد أن الأعضاء يملون من مواضيعي؟..غريبه مع إني اشوف إنه مواضيعي الأكثر ردوداً وقراءةً..

..

**الاشعاع** · 29-05-2003, 06:38 AM

أشكر سايلنت أيفل على الموضوع الجميل
وحرصه على بنات (الله يهدي من ضل منهن)

بس انا عندي سالف ابي أحكيها

قبل أمس
عند الحلاق
دخل واحد(مأقدر أوصفه) وكل شوي يقول كلام (انا مت من الضحك)

أسمعوا
والله أنا صلعت(عمره حوالي17) وشعري سقط?:
وش الحل ابي اسوي زراعه

والله بشرتي حساسه على وزن حشاشه والشمس قتلتني

انا ماقدر احط ايدي في شعري أخاف يتساقط

لحيتي كبرت(اصلا مافيه شي) أبي اشيلها

تقدر تقلي هل وجهي محتقن لأنه الدكتور قلي البشره سمرت علشان كذا:!

وماقدر اكمل

قسم بالله انا جلست أضحك (في سري ) وبعد ماخرج جهرا

والله هذي حال بعض الشباب اكبر همهم كريم التفتيح والواقي

الله يهدي الجميع

الموضوع: ويأبى سايلنت الا أن يرد...سوحقاً للشغالات الداجات

أدوات الموضوع

ويأبى سايلنت الا أن يرد...سوحقاً للشغالات الداجات

Re: ويأبى سايلنت الا أن يرد...سوحقاً للشغالات الداجات

ضوابط المشاركة