معظمكم يعرف اني مشجعه يوفنتساوية واليوم كانت المباراة النهاية بين اليوفي وميلان في الشامبيانز ليج...
في الساعه التاسعه انقسم البيت لمعسكرين، معسكر اليوفي في غرفتي ومعسكر ميلان في غرفة اخوي خالد...وبما ان ما في حد بالبيت يهتم بالكورة غيرنا..فكل واحد منا كان جالس يطالع المباراة لوحده...
بصراحة كانت المباراة طويله ومتعبة وانا في كل دقيقه اموت مائة مرة واخوي النذل ما رضى يجلس معاي في غرفتي...
المهم وقت ضربات الجزاء كنت مخلصه، اخذت دواء مهدي ودواء للأعصاب وطفيت التلفزيون من الخوف...وبعد مدة اتصلت بامي وقلت لها شو النتيجه قالت فريق اخوكي فاز..:! صدمه ثم:"
بس غريبه وين خالد ليش ما جاء يعايرني مثل ما انا كنت بسوي فيه:6
وفجاه طلع خالد اخوي وجاء ومد يده وسلم على وقالي good game والله اخلاقه رياضيه وانا اللي كنت ماسكتله السكين وراء ظهري:#
وقت التتويج لما رفع مالديني الكاس حسيت بفرح الصراحه يستاهلون...لذلك انا اهنيء كل عشاق ميلان وهاردلك لليوفي..
..
