بذّر .. يُبذر .. تبذيرا .. "متلاف"

[HArb200]

السلام لكل ماس والماسه ..


تحسون من العنوان بلاغة وتبيان .. لكن ترا ماعندي سالفة

الموضوع وبكل صراحة وعلى الوتر الحساس ..


ياااامسرفين .. يااااامتلفين .. بالله عليكم لوحة (أ ع ع 222 ) بميتين ألف ؟؟؟؟؟؟؟

حرام والله حرام .. من جد يعني .. الله لايعاقبنا .. ماعمري شفت اسراف بشكل زي كذا .. لا وكل واحد بالمزاد جاي يفتخر .. انا لوحتي احبك 333 بربع مليون .. ويجي الثاني انا لوحتي كخخ 444 بنص مليون .. والثاني والثالث .. قمة الوقاحة والبجاحة .. يعني الله معطيك خير تقوم تشتري لوحة كخخ .. ولا عيب .. ولا ورع .. ولا وخر .. تخلف لاقصى حد .. مع احترامي للي تفكيرهم كذا .

طيب انا احب اتميز .. مهوب بكخخ وورع .. ولا 055555555 ولا اشياء مالها بالتميز دخل .. بالعكس دليل على خفة العقل .. واضطراب التوازن ..

احترم اصحاب التفكير الجذاب في حبهم للوحات المميزه .. ولكن لااحترم الاسعار ولا احترم ولا ادنى احترام لمنسوبي الامن اللي شاركوا بالمهزله هذي .. بالعكس انقد عليهم .. واعتبرهم مشاركين فعالين بالتخلف هذا ..

يعني لوحة بخمسميه ممكن .. الف الفين .. ولو انك راح تحاسب عليها .. لكن بمقارنتها بمئات الالوف ..!!!.. لايقبل التصرف هذا ,,

ياخي معي 250 الف .. اروح اشتري بها فلة .. مهوب قطعة لوحة لاراحت ولا جت ..

بصراحة هذا رايي بالمزاد اللي بصراحة كل ماشفت شيبان قاعدين يشاركون بالمزاد .. قلت دام هذا التراث .. (يسمحون لنا الشيبان بتسميتهم التراث) اجل الموديلات الجديده .. اطقع واطقع .. على فكره شيبان بين الخمسينات والاربعينات .. وبمختلف الاعمار طبعا


الله العالم ان العقوبة جايه جايه .. لكن نسال الله ان يكفينا شر هالمتلفين ,,

فيه ايه بالقران .. اذا احد يذكرها .. ان الله اذا اراد عقوبة ببلد امر مترفيها ففسقوا فيها .. ويحل عليهم العذاب .. وهذا من انواع الفسق الصريح ,,

وشكرا ..

[QaHir]

وعليكم السلام ..

حبيت اول شي اشكرك اخ حارب على الموضوع ^^

من ناحية اللوحات هذه منتشرة حتى بالبحرين .. تصل حتى 10 مليون ريال .. مو هذا بس حتى ارقام الهواتف بعد .. :": كم مرة واحد اتصل فني ويقول لي للبيع يالاخو الرقم !! وكم واحد بالبحرين رمى اكثر من 10 الاف ريال علشان رقم هاتف بس .. بس ما اقول الا الله يهديهم .. يعني المظاهر كلش الحين .. هم وللاسف مهتمين بالمظاهر اكثر من اي شي ثاني ..

المشكلة ان بعصرنا هذا راح شي اسمه منهج الاعتدال والاستقامة ..

جاء في الحديث الشريف المروي عن رسول الله (صلى الله عليه وآله): إنّ رسول الله(صلى الله عليه وآله) رأى جابر بن عبد الله الانصاري يتوضّأ ويسرف في استعمال الماء، فقال له:
(يا جابر لاتُسرف في الماء، فقال جابر: أو في الماء إسراف يارسول الله؟ فقال: نعم وإن كنت على شاطىء نهر).

والمتأمل في هذا الحديث النبوي الشريف يدرك أن هدف الرسول الاول في هذا النهي هو التربية النفسية والاخلاقية على الاعتدال في الصرف والانفاق .. إذ ليس هدف الاِسلام هـو حماية الاشياء من الضيـاع والعبث فقط. ..

يعني الرسول كان يحذر من سرف الماء مابالكم سرف الاموال والنعم !! ..

قال تعالى : (يابَني آدَمَ خُذُوا زينَتَكُمْ عِنْدَ كُلِّ مَسْجِد وَكُلُوا واشْرَبُوا وَلا تُسْرفُوا إنَّهُ لايُحِبُّ المُسْرِفين). (الاعراف/31)

:6 بس عندي نقطة .. اعتقد ان التبذير يختلف عن الاسراف وهذا يسمى اسراف لان التبذي هو دفع المال بزيادة في المحرمات .. اما الاسراف فسرف الاموال بشكل كبير ..

الله يهديهم انشاء الله .. ومشكور حارب على الموضوع مرة ثانية

[العمدا]

تبي الصراحه ؟؟


ما كنت اتوقع انه فيه فئه من الناس متخلفه عقلياً بهالشكل ..

ادفع هالمبلغ الخيالي في قطعه حديده الزقها في سيارتي ؟؟

والا شخاميط ارزها في مدخل البيت !!

والله حاله ...!!

ما اقول الا اله لا يجعل هلاكنا بسبب افعالهم ..


مشكور هارب على الموضوع ..

[{gaia_girl}]

تصدق أول مرة أعرف انه فيه ناس تسوي كدة؟ :": انا لما أشوف لوحة غريبة أحسبها طلعت معاه بالحظ ولا شيء ?:

لا حولا ولا قوة الا بالله.. ههههه من جد.. فضاوة :6

مشكور على لفت نظرنا لده الشيء

[RPG_master]

والله ما يقهر الا الأطفال الي بالأشارات..اعمارهم 10 واصغر ويبيعون بعز الظهر..

عاد ظهرنا "غير" درجه الحراره 40 وفوق..


وبعز الصيف خمسين وفوق..


وهالحمير يضيعون الفلوس باللوحات

[MandN]

في منها تنباع ب250 ألف وفوووق

[Chad]

ربع ونص مليون ريال عشان لوحه ؟؟؟

لا حول ولا قوه إلا بالله

الحمد لله إنو ما في بيع بالمزاد في ليبيا لأني بتوقع إنو يصير شي مشابه ( البيع بالواسطه بس:6 )

[I`m HeRe]

من جد عالم متخلفه ياخي شي يقهر بشكل?:


وفيه واحد لاجني يبي لوحت الجيب حقي العظيمه ألا وهي ح هـ ق <<يالله عاد أنطقها :6

بس خلاص الله يخلف راح الجيب والوحه :"

بس فيه لوحه مسيومه بعشرة ملايين ألا وهي س ع د ؟ ؟ ؟

[نيو ايرفين]

والله شي يقهر فلوس تروح هدر:غضب:

على الاقل يتبرعون بها


ما اقول الا انشاء الله يجيهم يوم يأكلون التراب من الجوع

[DE NILSON]

الرسالة الأصلية كتبت بواسطة نيو ايرفين
والله شي يقهر فلوس تروح هدر:غضب:

على الاقل يتبرعون بها


ما اقول الا انشاء الله يجيهم يوم يأكلون التراب من الجوع

ايه والله صح كلامك

[silverpaco_101]

يا رجال هذا حال الدنيا صار الطموح و التفكير عند الشاب و الشابه متخلف?:

عاد وش نسوي :-)

[عماد 18]

يا رجال ..
العقليات المتخلفة في كل مكان مو بس عندنا ..
يعني مستحيل تلقى مكان كل الناس اللي فيه عاقلة ..
و سالفة اللوح بصراحة الشرطة حسبوها صح ..
بدال ما يسوون ازعاج و زعل و واسطات ..
اللي يبي لوحة ينطل فلوسه و ياخذها ..
هو المشكلة لو كانت هالفلوس تروح لشي ثاني غير تطوير شرطتنا المتخلفة ..
لكن لو كانت تدعم ميزانيتهم ..
انا معاهم قلبا و قالبا ما دام في حمير تنبسط على هالاشياء ..
و اللي تغلب به العب به ":" ..

[MetalGear]

والله عالم متخلفه

ماياخذ ذي الفلوس يشتري بها قطعة ارض تنفعه وعياله ولا اي شي ..

قمة التخلف

[Dark_Matter]

مع الأسف...




يا ويلتننا من العقوبة





يعني الفلوس هذي مو أحسن يتصدق فيها ولا يساند فيها علاج السرطان....

لقد أسمعت لو ناديت حياً *** لكن لا حياة لمن تنادي

[Arsene Lupin]

سؤال لكل الي مستغربين هالشي...




لو كان عندك عشرين مليار ريال... و ما عندك اي خوف من ناحية الفلوس...




ما راح تشري لوحه تعجبك بنص مليون؟




يعني كم نسبة نص مليون من عشرين مليار؟


هذي 1 من 40000 من ثروته...





طيب ليش ما تستغرب الي يدفع 500 ريال على لعبتين كمبيوتر اصليات؟ او 1000 ريال تقريبا على بلاي ستيشن؟

كم نسبة هالارقام من راتبة الجامعي الي هو 1000 ريال؟


نقطه ثانيه:

اللوحه تركبها في السيارة و تنساها... فانشالله ما راح يكون فيها ضرر...



ام البلاي ستيشن..... عد بس كم صلاة فاتك وقتها بسبة البلاي ستيشن...

اذا اقل من عشر... ما أقول الا ماشالله تبارك الله عليك.. و الله يثبتك...