اعتذار لكل من يهمه الامر

[البواسل]

شباب اول شيء حبيت اعتذر عن اللي صدر مني من يومين

وبخاصة للمشرفين لأني ما كنت اعرف الحالة

واشكر ايضا قاهر كل الالعاب على تقبله الموقف وكلامه الطيب

وابغيكم تعرفون وين ما رحت او غيرت مكاني ما برتاح الا في بيتي الاول

فهذي رسالة اقدمها للمشرفين لأن ما بدر مني ما طلع الا بلحظة غضب
وخاصة بعد الطفيلي اللي دخل منتدانا فما قلت هالكلام الا بعد ما شفت الردود كثيرة عليها ولا فيه احد من يحذف هالموضوع فطلع مني الكلام بلحظة غضب وارجو من الاعضاء والمشرفين قبول اعتذاري

وعفى الله عن ما مضى

[Final Fantasy 7]

أحسنت .. بادرة طبية منك

[البواسل]

Final Fantasy 7: شكرا اخوي على ردك وكان لازم اعمل من امس جذه لكن الاهم ان ما لي غنى عن هالمنتدى

[gaeemss]

بادره طيبه منك

جعلها الله من ميزان حسناتك قول امين

[Haitham999]

أهلاً بعودتك مرة أخرى..
كنت متأكداً أنك لن تهجرنا سوى لفترة قصيرة..والحمد لله أن توقعي كان بمحله..

[ملكwe]

ياسلام عليك اخوي البواسل

فعلا كبرت بعيني بعد الكلام الحلو

انا ادري انك كتبت هالكلام بلحظة غضب


وزي ماقلت الواحد مله الا بيته

[SNIPER GAMES]

أهلا بك أخوي البواسل مرة أخرى في بيتك الأول كما قلت

ونصيحتي لك take easy ولا تؤخذ الأمور بحساسية

[QaHir]

حياك الله بين اهلك .. أنشاء الله تكون استفدت من التجربة .. والي بدر منا ماهو الا الواجب .. .. يالله عاد شد همتك ورونا مواضيعك الحلوة والي فات مات ..

[عاشق فيديو جيمز]

اهلين أخوي

الصراحه لما قرأت موضوعك السابق حق المراقبين قلت غريبه تتطلع من شخص حبيب وذو مكانة لدي البواسل ؟
كنت أعتقد أنه أحد سرق عضويتك وكتب بدالك :6
الحمد لله أنك عدت لنا من جديد

[عماد 18]

ما حصل الا الخير ..
و كلامي ما كان موجه لك انت بس في موضوعك ..
موجه للجميع ..
المراقبين بشر ..
بعدين حتى انت يالبواسل تجيك فترات تغيب فيها لمدة شهر او اكثر ..
و ترى بعض المراقبين ما يشاركون لكن يكونون متواجدين و يراقبون المواضيع ..

[We6fe]

اهلا بعودتك .. وسامحني اذا جرحتك بالكلام .. :":


وانشالله تستفيد وتفيد .. وافتح صفحه جديده ":"

[البواسل]

gaeemss : آمين والله يسمع منك وانشاله اجمعين وشكر لكلامك الطيب والله المنتدى اللي في مثل هالاعضاء يعز عليه ان يتركه

Haitham999 : وكيف اهجر بيتي الثاني وفيه مثل هالاعضاء اللي محسسيني اني منهم وفيهم وشكرا لترحيبك اخوي

ملكwe : الانسان معرض لهالمواقف وهي لحظات الغصب وخاصة انا يوم اغضصب ما اعرف اعبر الا بطريقة عشوائية وهذا ما كان بيفرقني عنكم وبالاخير رايت اهتمام الاعضاء بشخصي وهذا بادرة طيبة ما راح انساها لكم


SNIPER GAMES : انشاله بحاول ولكن الغضي ما فيه شيء يوقفه اذا صار
وشكرا لك اخوي على مشاركتك


قاهر كل الألعاب : من عرفتك وانت صاحب واجب وما راح انسالك هالموقف الطيب اخوي خاصة اذا صدر من مراقب له وزنه


عاشق فيديو جيمز: اخوي ارجوك لا تلومني لن اللي صدر مني خارج عن ارادتي وما كان الا بلحظة غضب وانشاله احاول اسيطر على اعصابي على اللي يتطفلون على المنتدى


عماد 18 : عاد انت اللي عشانك كتبت الموضوع ورحت تقلب علي هذا ما كان احد اسباب غصبي لكن برد عليك بهدوء بقولك ما قصرت وبس
وعن كلامك اني تجيني فترات اغيب لمدة شهر او شهرين اقولك نعم اغيب لكن ما اعتقد لأكثر من شهر الا بسبب خارج عن ارادتي ولكن المراقب لازم يكون عنده شوية مسؤولية لأنه هو مو مثل اي عضو هو له مسؤولية هنا

We6fe: عاد انت اكثر واحد صج تأملت من كلامك وخاصة بعد مدة اللي قضيتها معاك بالمنتدى وما توقعت الكلام يطلع منك لكن شكرا لك لتخفيفك



وبالنهاية شاكر لكم وقفتكم الطيبة معاي وتخفيفكم وترحيبكم لي من جديد
وهذا ما خلاني يعز علي اني اتركك هالمنتدى واعضائه

[عماد 18]

ليه المراقب وش فيه زيادة عنك عشان يصير ممنوع من الغياب ؟؟
هو حاله حالك ..
يدرس ..
و بعضهم حتى ما زال في الثانوية و يعتمد على اهله في توفير النت ..
يعني كلكم سواسية ..
و حججك للاسف ما لها معنى ضدهم ..

[gaeemss]

الرسالة الأصلية كتبت بواسطة عماد 18
ليه المراقب وش فيه زيادة عنك عشان يصير ممنوع من الغياب ؟؟
هو حاله حالك ..
يدرس ..
و بعضهم حتى ما زال في الثانوية و يعتمد على اهله في توفير النت ..
يعني كلكم سواسية ..
و حججك للاسف ما لها معنى ضدهم ..

تسمحلي بنقطه اخوي


البواسل ماكان قصده كل المراقبين لكن فيه مراقبين ياليتهم مايكونون

في المنتدى أصلا (عليهم بذائه في الكلام )

وشكرا

[عماد 18]

زين هالبذيئين على قولتك ..
في ادارة تحاسبهم ..
تقدر ترسل شكوى لاي مشرف و تحط له وصلة للكلام اللي مو عاجبك عن المراقب ..
و راح يتصرف اكيد ..