السلام عليكم ورحمة الله وبركاته ...
الغضب هالأيام هو من المشاكل اللي تعاني منها البيوت معلش بتفلسف شوي تحملوني, وغالباً ما تكون الأسباب تافهه , مثل أنه خسر في لعبة , أو أنه قناة الـmbc ذبحوه بالإعلانات , أو أنه التلفزيون السعودي ما خلاه يتهنى بمشاهدة شيء كل شوي يحطون مناظر من المملكة , أو غيرها من الحوادث اليومية ...
المهم بعطيكم بعض طرق تفريغ الغضب :
1-العلك: العلك طريقة يستخدمها الكثير من الناس منهم أنا في أنه يطلع حرته من أي شيء يحصل , وكل ما كان الغضب اللي فيه أكبر كل ما عض على العلك أقوى :6 ...
2-القضاء على الفروج: هذي الطريقة موب فعالة مرة يعني , لكنها تطلع جزء من غضبك , يعني الدجاجة قدامك , كسر عظامها , اسحب فخوذها بقوة , مممممم من هالنوع , وإذا تبغى تعرف إذا نجحت في الإختبار شف إذا شبعت والدجاجة ما بقى منها إلا عظم ذيك الساعة تكون نجحت في تفريغ جزء من غضبك :-) ...
3-ألعاب الفيديو: العام الماضي وقبل صدور لعبة (ستيت أف إميرجنسي) كانت إعلانات وزحمة تقول أنه اللعبة ممتازة في تفريغ غضب اللاعب من المشاكل اليومية اللي تحصل له , هذا فقط مثال أنا ما جربت اللعبة عشان كذا ما أقدر أحكم , والحين في لعبة يمدحونها إسمها Tha Hulk ...
4-الهوشات: أو مثل ما يقولون في الإمارات (ضرابة), مثلاً كنت في يوم واصله معك , ما ودك أحد يكلمك ولا تشوف أحد , وقاعد عند باب بيتكم تتأمل , ويمر واحد من قدامك ويقول تعليق بسيط عليك , رد عليه واستفزه لين ما يمد يده , فهنا تتهاوش معاه , في النهاية راح ترتاح وتنبسط لأنك أخذت حقك وأنت ما كنت الباديء ترى إحتمال هو يصفقك يعني لا تحاول مع أي أحد , لحد يقول الهوشات تخلف وما تخلف , تبي تتهاوش وتطلع حرتك وترد إهانتك زين , تبي تقعد مهموم طول اليوم تفكر في إهانته لك بكيفك ...
تراني ما أنصحكم تطبقون الطريقة الرابعة لأني ما عمري طبقتها , لذا نتائجها غير مضمونه (-: ...
هنا أكون أنهيت هالموضوع بعد غيبة طويلة عن كتابة المواضيع في المنتدى العام , وإن شاء في الإجازة الصيفية أكون موجود أكثر ...
شكراً ,,, ;-)
؟
oO.. مكتبة برامج التصميم..Oo)::+
