أعترف .. والله أعترف .. فف10 هي :

[Neo Cid]

السلام عليكم و رحمة الله و بركاته ..

الظاهر العنوان غريب عليكم شوي..( مو أول مرة ) ..

المهم .. شلونكم كيف حالكم شمسوين مع دنياكم ؟ .. يلا نبدي .. اكشين .. ":"

احم احم ..

بسم الله الرحمن الرحيم ..

الموضوع راح يتكلم عني بشكل شخصي .. و هو .. سبب كرهي لفاينل فانتسي 10 ..

( يمكن لاحظ معظم الأعضاء عني هالشي ) ..

القصة تبدي من أول اسبوع من اصدار النسخة الانجليزية منها .. و بالضبط ..

أذكر كان بين شهر 12/2001 و 1/2002 بالضبط .. و صادف فترة عيد الفطر

و فترة ما قبل الامتحانات عندنا بالكويت ..

طبعا .. أنا كنت من المتحمسين للعبة .. ( تحمسي يشمل كل اصدار فف قبل

فف10-2 ) .. و كنت أتابع أخبارها من أول صورة تسربت من سكوير .. و بالضبط

كان لتايدوس و اهو يركض في الكالم لاند .. و حتى صورة صغيرة للشخصيات ..

بس الشي الوحيد اللي لاحظته بالصور .. أن هذا الفلبيني تايدوس يشبه

سكوال من البداية ..

لكن للأسف تغركم الأشكال .. طلع فلبيني أصلي ..

عالعموم .. كنت منتظرتها يمكن أكثر من أي واحد فيكم بالمنتدى ( و يمكن

أكثر من جيلتي ) .. لكن عدم معرفتي للغة اليابانية و أن ما عندي جهاز ياباني

و وقتها ما كان فيه تطوير دي في دي .. ما شريتها .. لكن واحد من الربع

الأعزة علي ( الله يخليه ) كان بالمدرسة كل يوم يتكلملي عن اللعبة .. و عن

السفير بورد .. صراحة .. ما كنت فاهم قصتها .. لكن مع الوقت .. و من كلامه ..

خذيت خلفية عن البورد .. مع العلم أنه كان عنده النسخة اليابانية ..

و نيي حق القسم الخاص بالنسخة الامريكية .. و بالضبط .. مع اصدارها ..

من كثر ما كنت متحمس ..شريت اللعبة بالضبط .. بثاني يوم امتحانات فاينل

.. و المشكلة انه كان أصعب و أثقل كورس دراسي أمر فيه .. لكن .. هذا

الحب وما يفعل . شريت اللعبة .. بدون ما يدري أحد من أهلي .. حتى اخواني

.. لأن لسانهم الله يخليه لهم .. يفلت بسرعة ..

المهم .. طبعا .. بأول يوم .. نطرت الكل ينام .. شلت السوني و شغلتها

بأحد الغرف .. لكن للأسف .. التلفزيون كان ياباني .. و ما تشتغل عليه

الالوان تمام .. فرحت و شلت الجهاز .. وبكل هدوء .. و ركبته على التلفزيون

المطور .. المسطح .. بو سماعات هاي فاي .. ديجيتال .. ( تحسون مندمج )

و لعبت اللعبة ( الله يخلي سماعات الاذن )

طبعا .. بانطباع الجميع الاول على اللعبة .. أنها رائعة .. ذلك لخلفية البداية

و البداية و إلى ما إلى آخرة ..

تخيلوا. .كل يوم بالامتحانات .. أدرس من العصر لي الليل .. وبعد ما ينامون الاهل ..

ألعب اللعبة بدون ما احد يدري .. و حتى كان عندي امتحانين .. كيمياء و أحياء ..

ما اهتميت .. لعبت و خذيت من وقت الدراسة باللعبة .. لفترة اسبوع كامل ..

بعد ما خلصنا الامتحانات .. شفت الشهادة .. ولا طلع .. ان معدلي نزل من

3.53 إلى 3.36 .. تخيلوا .. بعد كورس من الدراسة و التعب .. تيي فف10

تخرب علي كل وناستي .. هذي فف وما تفعل ..

الحين .. شكلكم عرفتوا سبب كرهي لها .. حتى بعد ما حصلت الشهادة ..

ما لعبت فيها إلا بعد اسبوع .. بعد ما فكرت أني شاريها أصلية ولازم أخلصها

.. ما يصير أقطها جذي .. طبعا .. خلصتها جدام الأهل .. بدون ما أخفي

اللعبة عن أخواني .. لازم يعرفون ..

شكلكم مليتوا من سوالفي البايخة .. بس قلت لازم أكتب هالشي .. سبب

كرهي لها .. والله بيقرى .. فمشكور على وقتك الثمين .. واللي ما يبي ..

من حقة هالشي .. المهم أني اعترفت و قلت لكم سبب العداوة بيني

و بينها ..

بالتوفيج جميعا بالامتحانات ..

[l)@RK-l)EVIL]

very sad story :" :" :"

this is your story with ffx


but you have the final exams and you are playing ps2 where is the hell yours mind



but the same thing always happen with me because i cant hold my self when i see another new final fantasy with my hand

[NO BODY]

والله سوالف انت

وانا لى قصه (( مستمره ما خلصت ))

انا كرهت عمرى للحين شارى شريطين واللعبه

اف اف اكس تعلق بنفس المكان

الظاهر لازم اخسر فلوس واشتريها اصلى :غضب:

,,,, ,,,,>>>> زطى

قلبنا الموضوع مناحه

تحياتى

[Guilty Gear X]

الصراحة سبب وجيه لكرهك للعبة
لكن الكورس الصعب انتهى والان يمكن ان تزيد معدلك (مع ان معدك ممتاز)
انا لعبتها بعطلت الصيف (الياباني نزل بشهر سبعة وشريتها بعد اسبوع من صدورها بنفس الشهر وانهيتها بخمس ايام يعني بنفس الشهر )
والله كانت اللعبة من اروع مايمكن , كانت تسحق كل الالعاب في ذلك التاريخ الي محد قدر يفهم برمجة البلاي2 بعد والكوبي صعب...مبيعات خيالية":"

[QataR NighTMarE]

والله انك مسكين

[mom_com3]

ايه انت الي ما قدرت تمسك نفسك كم يوم ..:6 ..

[alex]

غلطة عمرك ...


انا شريتها قبل الفاينلز ب 4 ايام .. اول ما نزلت اصليه ... بس قدرت اخلصها قبل اول يوم امتحانات

[ash 90]

:واو::واو::واو::واو::واو:

قصه محزنه

بالعكس انا بالنسبه لي فاينل فانتسي 10 افضل لعبه لعبتها بحياتي

نهيتها باسبوع واحد تعرف تعقيدات الشفير بورد خلتني اتأخر

[Golden_Sun]

قبل لا ارد لموضوعك ..

بعرف شي .. شلون تخلصون اللعبة بخمس واربع ايام ؟!!

انا خلصتها تقريباً بثلاث اشهر ..
لعبت شي و100 ساعة .. البورد شوي ويخلص .. منو يبي تخزيني ؟ :6
اي لعبة اربيجي العبها لازم اخذ فيها على الأقل شهر .. او شهر ونص
شلون إذا كانت فف ؟.. لازم اقعد طول السنه العب فيه

المهم نرجع لموضوعك

مسكين .. تكسر الخاطر .. وانا اخر من يعلم عن هالقصة وكل يوم معاك بالمدرسة

اذكر كنت تلعب بالليل .. بس وقت الفاينال .. إمم ما اذكر .. يوم الأثنين اشرحلي بالتفصيل :6

و لعبت اللعبة ( الله يخلي سماعات الاذن )

لوووووووووووووووووووووول .. تلفزيون شطوله .. شعرضة .. سماعات :6

[NsaN]

همممم...

يعني كرهك لها ما يخصه بأسلوب اللعب و الشخصيات و القصة نفس ما كنت متوقع؟؟

زين يعني في مجال انها تدخل راسك

والله انا عن نفسي لو نزلت علاماتي او حتى رسبت بسبة لعبة ما راح اكرهها لانها في النهاية غلطتي مب غلطة اللعبة ?:

[رينو]

?: :" :" :" :" :"

يا حراااااااااااااام


**رينــــــــــــــــــوا**

[ADHAM=AURON]

عجيييييييييييييييييييييييييييييييييييب جدددددددا عجيييييييييييييييييييييييييييييب
نفس الشيء حصل معي كان شيء عريب اشتريت الplay station 2قبل الاختبارات الشهرية باسبوعين
قلت خليني العب على خفيف و نخلي اللعب الخدي بعد الاختبارات
عند صدور خدول الاختبارات لقيت انها 3 اسااااااااااااااابييييييييييييع ما اتحملت فسولت لي نفسي ان انظم و قتي بين المذاكرة و اللعب قلت ساعة ffx و الباقي مذاكرة و لكن النفس امارة بالسوء و تعدى و قت ffx على المذاكرة حتى في الاختبار كنت اخلص الورقة و انا ما ادري ايش كاتب و اقعد احط strategies
و جاءت الشهادة6 طلاب تقدموا علي========> يسوي شاطر
و صب علي و الدي الغضب و قال تشيل الps2 و راح ابيعه و لو ب 100 ريال الا اذا اثبتت نفسك في النهائي و لكنني كنت بطلع الجهاز سرا عشلن kingdom hearts هدي المرة و جات الشهادة الثانية لكن ربنا ستر
رغم ذلك انا ما اكره ffx رغم انها ليست الافضل

[Neo Cid]

ما توجعت أن العدد هذا من الأعضاء راح يضيعون وقتهم معاي .. مشكورين

جميعا وما قصرتوا .. و هدية لكم .. كل واحد جواب خاص .. :6

l)@RK-l)EVIL :

شفت شلون الدنيا غدارة .. :6

بعد شسوي .. الجرافيكس كان عاجبني بشكل ما يخليني أهد الجهاز .. و

الملل بعد الدراسة .. جذي يسون .. هذي نتيجتهم ..

فأنا انصح كل واحد .. أنه ما يذبح نفسه بالدراسة .. و يرفه عن نفسه شوي ..

اخذوها نصيحة .. أنا طبقتها الخميس الطاف .. و رحت فيلم ماتريكس .. و بنفس

الوقت .. كان السبت امتحان فاينل رياضيات .. و الحمد لله حليت عدل ..

مشكور أخوي دارك على مشاركتك لي الشعور .. :6


White Horse :

لا عادي أخوي . .اخذ راحتك بالموضوع .. تقدر تعبر عن شعورك عندي لو

محد يسمعك ..

امممممممم .. تبي نصيحة ؟ .. لا تتعب نفسك مع الأصلي .. إلا بشرط .. أنك

واثق 100% انك تحب اللعبة وما راح تهدها بسهولة .. اسأل مجرب ..لعنت

خير ميتال غير 2 و فف10 بس لأنهم أصليين .. ولا لو ما كانوا اصليين .. جان

مخلصهم مرة وحدة .. و بس ..( مطبق في فف10 )

و يعطيك العافية ..


Guilty Gear X :

أنا متحسف من قلعة راسي :6 .. و الحين رفع المعدل صار صعب .. ما بقالي

إلا درجات ثلاث كورسات .. و كورسين بالطريج .. :":

يا حظك .. المهم .. هالشي صار و خلص .. و تعلمنا منه حكمة .. و معروفين

احنا البشر ما نتعلم إلا بعد ما ننقرص .. مو عدل ؟ ..

الحمد لله .. عقلت شوي .. :6 و مشكور ..


ولد البوكواره :

تصدق ... الموازين انقلبت .. انتوا المساكين الحين .. ":"

:6 ..... مشكور على الرد ..


mom_com3 :

هههههههههه .. أنت تكلم نيو .. اللي ما يمسك نفسه أصلا .. المشكلة . هذا

يسمونه .. ( الحب الأعمى ) .. :6 و أنا كنت عمي بذيج الأيام ..

مشكور ..


alex :

غلطة عمر .. وما راح أنساها حتى لو أدخل الجامعة .. أثرت على مستقبلي ..

بس ان شاء الله ما يكون لها ذاك التأثير القوي ..

يا نذل .. خلووصتها قبل الامتحانات .. :" وينك عني ذيج الأيام .. :":

:6 مشكور على الزيارة ..


===>> يتبع

[Neo Cid]

ash 90 :

المشكلة اهي الوقت اللي لعبت فيه اللعبة ما كان مناسب حدة .. و هذا

أثر علي ... أنا من النوع اللي ما يتذكر اللعبة إلا لمن يتذكر الاجواء اللي كان

يلعب فيها .. مثل .. فف9 تذكرني برمضان .. لأني كنت ألعبها اليابانية برمضان ..

مشكور على الرد .. و كل واحد له وجه نظر و حكاية ..


Golden_Sun :

ولازم كل شي تعرفون عنه ؟ .. هذي فضيحة القرن و الحين طلعت .. :6

خلاص .. ما يكون بخاطرك إلا طيب .. الاثنين ان شاء الله اقول كل شي ..

بالتفصيل قبل ما المنتدى يعرفون .. بتكون أول من يعرف بأشياء بقولها لأول

مرة .. ":"

و بسالفة السماعات ... أن التلفزيون صاير بالصالة العلوية ( الفوقية ) .. و غرفة

الوالد و الوالدة بابة مجابل التلفزيون .. يعني لو أي صوت يقعدهم .. المشكلة

أن السماعات قزرنا فيها . .بس صوت الجهاز .. والله جهازي دثوي .. عليه

صوت .. من شدته ما تسمع صوت اللعب حتى .. فالحل كان .. اني أخنق

السوني بين الأرفف .. و أحط فوقة مخدة و كمبل ( بطانية ) .. عشان يقلل

من الضجيج ..

و مشكور على الرد ..


Magenta :

لا لا .. المشكلة أني حبيت اللعبة قبل ما تنزل .. حتى بدون ما اعرف الشخصيات ..

و هذا اللي خلاني أحبها .. بس حتى .. الشخصيات لها دور بكره اللعبة ..

يعني كنت معتقد أن تايدوس بيشابه سكوال .. بس طلع العكس .. فلبيني بحت ..

طمقة اندونيسيا .. :6

و بسالفة مجال أنها تدخل راسي .. والله شوف .. لو ينزلونها على الكمبيوتر

نسخة البي سي ..ممكن ألعبها مرة ثانية بدون تردد .. بس مالي خلق أجابل

السوني مرة ثانية ..

و مشكور على الرد ..


رينو :

لا تعطيفين علي ..

:6


ADHAM=AURON :

أخيرا حصلت على واحد يعرف شعوري ..

غلطان .. السوني قبل الاختبارات ؟ .. تذكرني بسالفة نقالي .. شريته قبل

الامتحانات باسبوع واحد .. :6

شفت .. النفس امارة بالسوء .. هذي المشكلة .. عاد أنا نفسي قوية .. :6

مو قادر عليها .. خاصة وقت الامتحانات .. تدري شتقولي ؟ ..

تقول : ( المنتدى شغال .. المنتدى بانتظارك .. المنتدى رائع .. المنتدى .. .....) ..

:6 و مشكور على وجهه نظرك ..

[We6fe]

مشكور عالموضوع ..

تصدق ذكرتني يوم كنت العب مرتال كومبات لما كنت بالابتدائي عالميجا درايف :6

خخخ