السلام عليكم...
كيف الحال؟
عساكم طيبين؟
المهم..
نخش بالموضوع..
هذا موضوع كتبته عشان زي ما يقولون : أفظفظلكم مشاعري وأحاسيسي ومناقشة اخبار الساعة و.....<====مسك خط الأخ :6
ودي اول شئ نتكلم على القلق اللي اسمه اختبارات
وعلى قول عماد لا هي تجي بسرعة
ولا تروح بسرعة
بحلنا فيها..
و عاد طبعا كلنا خاضعين لنظام :
مذاكرة ما قبل الإمتحانات بإسبوعين...
الواحد ما يمديه يقعد عليها إلا ويمل بسرعة..
ويرمي الكتاب..
ويخش على النت ويردله كم رد بالمنتدى ..
و بعدين أحس بتأنيب الضمير على اني ما ذاكرت ...
وارجع للكتاب واخلص منه وارجع مرة ثانيه للنت ويرجعلي الزفت اللي اسمه تأنيب ضمير :غضب:
المشكلة اني خلصت مذاكرة ويرجعلي تأنيب الضمير والواحد يبحل وما يدري وش يسوي <=== حالة غريبة صح؟!! :":ا
ويقعدله عالنت والتتلفزيزن والبلايستيشن إلين ما يخش ينام
وهلم جرا باقي الأيام..
واللي مسوي من جد قلق عندي الجغرافيا..
حقت الثالث متوسط...
لازم تحفظ انواع النشاط السكاني والمساحة وكل الخرابيط هذي..
لكن في أيام الإمتحانات نفسها أحس انها فلة..":"
وحلوة..
ليش ما أدري
وفي شئ يطفشني من حوالي كم اسبوع..
وهو نقاط التفتيش اللي ما تتركنا
فكل مكان تلقى وحدة
ويجيلك الضابط مرة موصله معاه وحالته حالة ويقولك :
جيب الإثباتات..
ويفتحلك الشنطة ويرقعها بأقوى ما عنده ويطلع حرته...
شكله مسيكين حاطينه بالتفتيش من الساعة 6 الصبح الى 2 بالليل
لكن ما ألومهم بعد الحوادث والإنفجارات اللي صارت وهزة الرياض..
واحس المنتدى هذي الأيام دمه ثقيييييل بقوة :":
على أيام الإمتحانات
لأنه محد فاضي يخش ..
فيه ناس يقعدون يذاكرون...
وفيه ناس يبون يقالهم دوافير ما يخشون أيام الإمتحانات وتلقى لا ذاكروا وما عندهم ما عند جدتي :6
ومن جد شئ قاهرني لأني الان اسمع اعادة :الاتجاه المعاكس..
وأشوف عربيين ومسلمين يضاربون (بغض النظر عن سببها )
اقول...
فيه أحد منكم شاف بوي ثينج هذي الأيام؟؟؟
غريبه ما شفتله ولا مشاركة من قريب...
هذا اللي قدرت اكتبه الحين لأني الان بقوم أصلي الفجر وأحط راسي وأنام عشان أقوم أذاكر مادة ثانيه :":
=======
فمان الله...
على فكرة...
الموضوع ممكن يتحول لسلسلة...
..
