تخرجنا وكملنا 18 سنه في يوم واحد ( للتبريكات )

[QaHir]

بسم الله الرحمن الرحيم

كيف حالكم .. سيداتي سادتي .. شباب شابات ..

ندخل بصلب الموضوع .. الموهم أنا امس جاتني نتيجتي الا وهي 94.7% وهي نتيجة تخرجي من الثانوية العامة .. ومنالمعروف اننا نعتمد على نظام الساعات .. الي هي اشبه بالنضام بالجامعة .. وقدمت لبعثة لكلية الاي تي نظام المعلومات وأنشاء الله يقبلوني ..

المهم .. اليوم دخلت الانترنت علشان اشوف اسمي وتقديري الفصلي .. لكن تفاجئت ان أسمي مو موجود !! لا شكلها فيها شي .. طرت على المدرسة على طول ولما وصت المدرسة .. قالوا لي فيه كتاب ماسلمته ومانسلمك الشهادة بعد كذا .. رجعت البيت وجبت الكتاب .. وبعدها الحمد لله استلمت الشهادة وكلمت الوزارة علشان يعدلون شوية بالموقع وسوى معاي مقابلة علشان الجريدة .. الصحيفة ^^ الحمد لله تخرجنا بامتياز والتوفيق من الله سبحانه وتعالى ..

أما الخبر الاخر ففي هذا اليوم 11/6/2003م أكملت 18 سنه لي اي دخلت بعالم جديد ^^ ..

أما الخبر المحزن اني يمكن اطول عليكم الا حين ان ادفع الفاتورة واركب لي دي اس ال ..

ويالله تمنياتي للكل باتوفيق في الامتحانات .. ونشوفكم على خير ..

[MoaeD]

يله بالتوفيق القبول الجامعه


والعمر كله انشاء الله


اهم شي عجل بالرجوع وسدد الفاتوره بسرعه ^^



وعقبالي اركب DSL :":

[I`m HeRe]

ألف مبرووووووك التخرج وعقبال الدكتوراه

وبعدين سدد بسرعه ولا كذا بنفقدك

ومبروك مره ثانيه

[BoJasem]

السلام عليكم :


مبروك النجاح منك العيال ومنها المال ... اه لأ العكس .... صج انا مو في حفل زواج :":

ان شاء الله يقبلونك الجامعة

والعمر كله قول امين


وارجع لنا وان شاء الله بعد تركب الdsl بس عندي سؤال شنو DSL برجوعك ..... تبي ترجع بقوة وسرعة

المفروض اقول عقبال الdsl

ان شاء الله يقعد dsl عندي ايام وشهور وليالي قولوا امين

وشكرا ;-)

[msm]

مبروك التخرج بامتياز ..والله يوفقك في دراستك الجامعية ..

والعمر كله ان شاء الله .. وسدد فاتورتك بسرعة وراك موضوع يبيله قعده يومياً (دأش 2003 ) دوري أعظم الشخصيات 2003 ..

[Mesharey]

مبروك قاهر على النجاح والتفوق ^^
الحين ماشاءالله نسبتك زينة..ناوي تتجه لأي مجال ؟؟

وعقبال المية سنة :6 ..
وسدد ما ابي افتقدك بالفترة اللي اكون متواجد فيها :": ..
حاول ترجع باسرع وقت محمد ^^
نسبتك اعلى من نسبة اخوي بشوي :6

ننتظرك ^^
بالتوفيق لك ..

[Anime-Girl]

ماشاء الله ...الف مبروك اخوي..تستاهل..وعقبال التخرج من الجامعه

واو يالموجرم بتركب DSL :واو: ,يارب عقبالنا ...تهئ تهئ :" :" >>>مستحيل تدخل عندنا..

[D0WN~T0WN]

الف مبروك وعلى النسبة الحلوة وعقبال لنا:"

الا عندكم الاسئلة من الوزارة (متعقد)

[بطل الأمارات]

الف الف مبروك تستاهل كل خير
وان شاء الله تكون من المتفوقين دائما
ولا تستعجل على الـ dsl لاحق عليه
اول شيء ادفع الفاتوره الي عليك

[Mahdee87]

الف الف الف مبروك

وعقبال المسة سنة


ومعدلك احسن من معدلي بكثييييييييييييييييييير:"

[Haruno Sakura]

مبروك مبروك قولوها ماني عرافه التكملة:# المهم مبروك

ويله نبي نشوف DSL بس ماقلة وش السرعة الي راح تاخذها نبي سرعة مسكته ":" ":" ":"

مع تحياتي

[عماد 18]

مبروك التخرج ..
و لا تطول علينا ..

[super]

الله يبارك لك في عمرك
وعقبالنا .

[Mr. Black Man]

مبروك على التخرج
و عقبال 1000000 سنة

[DeadLy_]

الرسالة الأصلية كتبت بواسطة MoaeD




وعقبالي اركب DSL :":

ان شاء الله ^^

-=-=-=-

أنا امس جاتني نتيجتي الا وهي 94.7%

أولا : حبيت ابارك لك اخوي .. و ثانياً : لا إله الا الله درجتك روعة ..