لاصار لك حاجة عند الكلب ..قلله ياعم !!

**HArb200** · 16-06-2003, 11:31 PM

السلام عليكم ,,

كل يوم اخش ابي اكتب موضوع جديد .. واطلع .. يمكن حوالي اربع مرات ,,

مدري وش جاني .. مع اني دايم اردد "اذا كنت ذا رأي فكن ذا عزيمة" ":"

نعود للعنوان .. انا منيب متأكد من المثل بشكل صحيح .. لكن العبره بالمعنى .. وليس باللفظ !

كثير منا من يستخدم هالمثل بحياته .. واتحدى واحد مااستخدمة .. لانه وبكل صراحة متفشي بالمجتمع .. ومثل ماقلت سابقا .. اذا كان رب البيت .....!!

الزبدة .. انك لازم تضغط على نفسك قدام المسؤول واللي لك عنده حاجة .. وتقوله ياعم .. طبعا مهوب شرط ياعم .. لكن "ياطويل العمر" ..تقوم بالواجب على اكمل وجه !! ,,

مثلا قدام الضابط تحاول ترفع رتبته .. وتعطيه من هالرخيص .. عشان يمشيك او مايحرر مخالفة .. او يمشي اوراقك ,,

وطبعا ماودي افصل عشان ماأُفهم غلط وانطرد .. :# .. لكن انتم اذكياء وفهمتم المقصود ..

طبعا المقصود .. ان فيه بعض الشباب مسوي .. رافع خشمه .. ومستحيل ينزل .. ابد ابد .. لذلك هالنوعيه تلقاهم "متمرمطين" بين الوزارات .. رايح جاي.. وواسطه وقلق .. كله عشانه يبيهم يقهوونه ويفطرونه .. ويغدونه!! .. وهالنوعيه انصحهم بقراءة الموضوع بتمعن .. لانه يمس هالشريحة الكبيره من المجتمع .. اللي انا كنت منها .. ولكن تعلمت من الحياة المثل هذا .. وفعلا هو اللي يمشيك .. اما انك تزاعق وتنفخ على فلان وفلنتان .. فلا اعتقد باي حال من الاحوال انك راح تعدية .. وتاخذ توقيعه .. او يسامحك اذا كان ضابط وخلافه ,,

وبشكل مختصر ومفيد "لاصار لك حاجة عند الكلب .. قلله ياعم"

وشكرا ,,

**ZIDANE_10** · 16-06-2003, 11:50 PM

على كذا كل العالم صاروا كلاب

**عماد 18** · 17-06-2003, 12:00 AM

الحمدلله ..
مستحيل اجامل ..
خصوصا حقين الشرطة ..
يعطيني 20 مخالفة و لا اعطيه فرصة انه ينافخ علي ..
و ترى مو كل الناس يمشون بهالمثل ..
لانه مثل المنافقين فقط ..
و يسلون فيه انفسهم ..

**Al-RaQmi** · 17-06-2003, 12:10 AM

بس ياشينها اذا ما نزل الي في راسه
وش توسي بعد كل هذا المدح

اتوقع ان كلمتين تكفي اذا نفعت ولا استعد للمعركه

الرقمي

**ZIDANE_10** · 17-06-2003, 02:19 AM

الرسالة الأصلية كتبت بواسطة لوسي
هارب
ما لازم نذل أنفسنا حق أي أحد..
ايه حتى لو انه مسؤول..أو عنده منصب..
مافي فرق بيني وبينه..
يعني شنو أحسن مني هو..
وحقي باخذه باخذه..طيب ولا غصب..
بس مستحيل..اني اجامله..أو أذل نفسي علشانه..

على كذا الطلاب معهم كل الحق في إنهم يدبغون المدير والمدرسين

**Dr.Lucifer** · 17-06-2003, 06:35 AM

هارب المقاتل المجهول

..
كيفك ؟
المهم ندخل في صلب الموضوع ..
و الله موضوعك ذا موضوع حلو ..
بس أختلف معاك بالرأي ..
لعدة أسباب ..
أولها .. إسلوب رفع الخشم على الموظف الي لك عنده حاجة ما تمشي أبد ولا إسلوب المنافخة عليه .. لأنه أنت منت أفضل منه بشي .. مثلك مثله زي ما قالت لوسي .. فما يحق لأي واحد إنه يستخدم هالإسلوب ..
ثانيا ً..
إسلوب المجاملات ذا دايما يمشي .. بس إستخدامة يعود للشخص نفسه .. و أخلاقياته .. هل هو عادي إنه يكذب على واحد و يقول له كلام و من داخله شي ثاني معاكس للي يقوله ؟؟
و أعتقد إنه عماد لخص هذي النقطة يعبارة إسلوب المنافقين ..
هل عادي عنده إنه يمشي قبل ناس قبله بالدور و تتعطل مصالحهم عشان مصلحته الخاصه ؟؟
ما يحط في إحتماله إنه ممكن معاملة واحد قبله أهم من معاملته بألف مره ؟؟
ثالثاً .. إيش الي يخلي بعض الناس تتجة للطريقة ذي ؟؟
أنا في رأيي إنه محاولة للتملص من القوانين و الأنظمة ..
محاولة للبقاء فوق القانون ..
الإفلات من العقاب ..
و ذا شي أغلب الناس يحاولون إنهم يحصلون عليه . لأنه يمثل شي من التميز عن الأخرين ..

ختاماً في إعتقادي إنه لو كل واحد مشي بالنظام و أتبع القوانين و تحمل كل نتايج تصرفاته ..
و تعامل بإحترام مع الشخص الي أمامه فراح تمشي كل أموره تمام ..
و راح يفرض إحترامه على الشخص الي يتعامل معاه

**HArb200** · 17-06-2003, 08:53 PM

زيدان ,,
والله على حسب الشخص وكثر مطاليبه !!

عماد ,,
كذا الدنيا ياعماد .. وبعدين هذا مهوب نفاق صريح .. لكن هذا مجامله للشخص عشان يمشي شغلك .. ولا على كذا بتقعد تحت!!
وبعدين بالعكس ماينافخ عليك الا اذا رفعت خشمك .. وجرب وتشوف !!

الرقمي ,,
فعلا لازم انك تمسك اعصابك الى اللحظة الأخيره,,

خوباج ,,
يافاهمني !؟ ..

لوسي ,,
اجل الحين البشرية اللي عندنا .. ماتذل نفسه .. ياناس فتحوا عيونكم .. وشوفوا حواليكم .. الناس كلهم صاروا .. "طوال عمر"!!!

لوسيفير ,,
الدلخ <<مااعرف اجامل ":"
بالنسبة لللنقطة الاولى .. تراني معك قولا وفعلا .. اقرا الموضوع بتمعن وراح تتأكد ,,
وايضا النقطة الثانيه انا افضلها .. وهذا اللي انا نوهت عنه بموضوعي ,,
دكتور لوسيفير .. ختاما ذي .. بالاحلام ..

وشكرا .. ومن دواعي سروري ان يكون هالموضوع جاذب للاعضاء المخضرمين كالاخ لوسيفر ..

**ez2dj** · 18-06-2003, 11:40 AM

منو العم إلي بيسويلي توقيع ؟

**DE NILSON** · 18-06-2003, 12:47 PM

اذا لك عندك الكلب حاجة قولو ياسيدي

هذا مثل مشهور

وصراحة في ناس لازم تطبق معهم هذه المقوله
لكن بحدود اقصد انو بدرجة انو يذلك

**RPG_master** · 18-06-2003, 12:55 PM

نقطه جيدة فعلاً..

المهم..

الكلام الطيب والأخلاق والنفس الزينه بتمشي أمورك بأذن الله..

ومالها علاقه بالنفاق او اي شي غيره..

والمجاملات البسيطه لا تضر ابداً..برأيي

وشكراً يا سيدي:6

**TIFA Lockheart** · 18-06-2003, 07:15 PM

احم
مداخله بسيطه
المثل هو
ازا كان عندك حاقه عند الكلب أولوا يا سيدي

لان المثل مصري
اعتقد?:

اممممم
شوف الكلام الحلو مطلوب في كل وقت
وماهو لازم اذا كان لي طلب عند احد
عني مافيها شىء لو اني اقول للاستاذ______> دكتور
اخليه ينبسط شوي

بس مساله اني اذل نفسي

معصصصصصصصصصصصصصصصصصصصصصصي:غضب:
خخخخخخخخخخخ

**HArb200** · 18-06-2003, 10:15 PM

تيفا ,,
لا ابشرك .. المثل زي اللي قدامك .. معروف ومتداول ,,

والدنيا صعبه .. لازم تنحني احتراما لها

**ZIDANE_10** · 18-06-2003, 11:57 PM

والله أنا أخذها من مسألة إذا كان يحترمك إحترمه والعكس، أما عشانه بمرتبة متواضعة ( موظف مثلاً ) وشفته شد معي شوي، ما أعتقد إن عندي حق يخليني أتكلم عليه، إلا إن كان تعريف المذلة عند بعض الأخوة يختلف

بس أطلب منكم توضيح لو سمحتم، الحين أنتم تقصدون إذا كان لي مصلحة عند شخص ما وهو ما له عندي شيء ؟ ولا إذا كان فيها تبادل منفعة ( تقايض - يالله يا امتحان الأحياء

- ) ؟

الموضوع: لاصار لك حاجة عند الكلب ..قلله ياعم !!

أدوات الموضوع

لاصار لك حاجة عند الكلب ..قلله ياعم !!

ضوابط المشاركة