للأسف لعبة الدوري الإماراتي مش بالمستوى

[العيناوي]

سامحوني يا إخوان ويا فريق العمل بلعبة الدوري الإماراتي

يعني أحين الله يهديكم العين أكثر فريق لعب عنا

حاطين لعيبة الأهلي في العين والفانيةإللى لونها بنفسجي لون الرقم بعد حاطينه بنفسجي

هذه فقط ملاحظات على السريع لكن نأمل من أن نرى الأفضل

إن شاء الله

وإسمحولي مرة ثانية

[mr.3bod]

مرحبا بوشهاب ..... عسى ماتكون بعدك زعلان عليه .....

شو السالفه الدوري الاماراتي وعلى السوني بعد !!
والله اول مره أسمع هالشي ... ( مب مني من امتحانت الثانويه )
والله زين شو رايك تباريني ..... ((أمزح))

ياريت تعطيني إسم اللعبه أبغي اشتريها ... إذا ما فيها إحراج

ويظل اللي بينا ما أسميه زعل لكن لعب يهال .....
وياريت لو اقدر ألاقيك عالماسنجر ابا أطيب خاطرك

[Gattuso]

صدقت أخوي العيناوي...

يعني معقولة العين فايز في الدوري والسوبر حاطين الشارقة أقوى منه...

وبخصوص التشكيلات عندك لاعبين من الأهلي في العين... وفي الشارقة مخلين محسن مصبح أشقر اتقول لبناني ... وفي الأهلي كريمي مستوى أقل من مستوى لاعب في منتخب الهند... بالأضافة للأخطاء الموجودة في بعض الملابس.....

اللعبة طولت لين مانزلت فالمفروض تكون على مستوى....

على أي حال مشكورين على جهودكم ... وان شاء الله نشوف شي أفضل في المرات القادمة.

[العيناوي]

مسموح يا أخوي mr.3bod

واللعبة اسمها الدوري الإماراتي بتحصلها في مركز زايد في محل كوكب الألعاب عند رضوان إذا تعرفه

[mr.3bod]

يزاك الله خير يالعيناوي ماتقصر .......... وإنشاء الله أني اخذها فأقرب وقت

[الوصلاوي]

كيف حصلتها ؟ أنا لين الحين ما بعتها أو وزعتها على أي واحد (حتى ربعي ما عطيتهم ) أصلاً موعد الصدور هو اليوم ..
و تقدر تتأكد بنفسك ...

شوف هذا موقع اللعبة : http://we6uae.250free.com/

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الله يمكن في واحد منزل نسخة بس خلوا بالكم هذي مب نسختنا ..

النسخة اليوم راح تصدر و راح نوزعها خلال الأيام المقبلة ..

الوصـــــــــــــــــــــــــــــــــــــــــــــــــــلاوي

[Hwoarang]

الرسالة الأصلية كتبت بواسطة الوصلاوي
كيف حصلتها ؟ أنا لين الحين ما بعتها أو وزعتها على أي واحد (حتى ربعي ما عطيتهم ) أصلاً موعد الصدور هو اليوم ..
و تقدر تتأكد بنفسك ...

شوف هذا موقع اللعبة : http://we6uae.250free.com/

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الله يمكن في واحد منزل نسخة بس خلوا بالكم هذي مب نسختنا ..

النسخة اليوم راح تصدر و راح نوزعها خلال الأيام المقبلة ..

الوصـــــــــــــــــــــــــــــــــــــــــــــــــــلاوي

طيب وكيف نقدر نعرف اذا النسخة الفلانية هي نسختك ولا لأ ؟

[الوصلاوي]

شباب .. الغلاف مال لعبتنا تم وضعه من قبل في هذا المنتدى .. بس إنتوا الله يهديكم ?: ..

على العموم أنا أول ما أوزعها على المحلات راح أخبركم ..

الوصـــــــــــــــــــــــــــــــــلاوي

[Hwoarang]

اسمحنى يا الوصلاوي لكن المشكلة أني قبل يومين فقط انهيت امتحاناتي وكنت غايب عن المنتدى فترة ما هي قصيرة.

وأعتقد أن الغلاف موجود بها الموضوع
http://www.montada.com/showthread.php?threadid=212044



وشكرا

[الوصلاوي]

أيوة هو هذا ...

[هتلر الامارات]

وقريبا راح يكون هناك موقع الدوري الاماراتي

غير اللي في المجاني هذا

http://uaetoon.net/we6uae/

[Future Team]

انا نزلت الباتش ( ديمو ) والجماعة جزاهم الله خير يحاولون يعملون الافضل وفي انتظار نزول النسخة النهائية فياريت لو تخبرونا راح تنزل باتش ؟ وفي اي موقع وبعدين نقدر نعطي رأينا في الاصدار.

[العيناوي]

إذا مب نسختك هذا كلام ثاني

[الوصلاوي]

شباب يمكن ماننزل اللعبة على باتش إلا بعد فترة لكثرة القراصنة .. و إحنا راح نوزعها ..


الوصـــــــــــــــــــــلاوي