آخر تقادير ألعاب الاكس بوكس في جيم سبوت (SoF II) ..

[msm]

Soldier of Fortune II: Double Helix

إحدى ألعاب مراقبنا زينو المنتظرة في قائمته ذائعة الصيت الحصرية لالعاب الاكس بوكس .. حصلت في جيم سبوت على تقدير :





























5.2

معليش خيرها بغيرها أصحاب الاكس بوكس .. ولاتنسى تشطبها من قائمتك اخوي زينو ..

وأخيراً لقيت موضوع أكتبه في منتدى الاكس بوكس ..

[Mesharey]

الرسالة الأصلية كتبت بواسطة msm
وأخيراً لقيت موضوع أكتبه في منتدى الاكس بوكس ..

ههههههه..مسكين الأكس بكس :6 ..
بالنسبة للعبة ما افكر فيها ولا افكر اشتريها ابداً..

مشكور مراقبنا ..

[We6fe]

الرسالة الأصلية كتبت بواسطة msm

وأخيراً لقيت موضوع أكتبه في منتدى الاكس بوكس .. [/B]

لووووووووووووول

مشكور حمود

[xenosaga]

أنا بشتريها للايف فقط لأن أحلى شيء فيها اللايف ومن يوم سمعت أنها بتصدر للاكس بوكس مقرر اشتريها لأن تقدير نسخة البي سي 82%;-)

حصلت اللعبة على هالتقدير لأنها مكررة ومجرد نقل......شوف تقديرات رزدنت ايفل2 و3 على الجيم كيوب وشوف شين مو2 على الاكس بوكس وشوف وشوف وشوف وشوف.....!

ومااذكر أني قلت أني أنتظر هاللعبة بشغف.......الألعاب الي انتظرها وانتظرتها على الاكس بشغف هالصيف هي:
بروت فورس وعجبتني!
ميدتاون3 قريبا
ستار وورز كوتور قريبا

أدري تبون "تفشون خلقكم" بعد تومب رايدر6:6
الله يعينكم مأساة ورا مأساة ولأشهر الأسماء في عالم الفيديو جيمز

ديفل مي كراي2,ذا جيت أواي,تومب رايدر6 والقادم مذهل أكثر

بينما msm يطارد تقديرات سولدر اف فورتشن وكل لعبة تصدر للاكس بوكس منذاك اليوم:6

تبي أكتب تقدير كل لعبة ستصدر للبلاي2 بتقدير سيء ترا منتدى البلاي ستيشن بيعج بمواضيعي........

وعلى قولتك الي مايعرف الصقر يشويه:6

حاول مرة أخرى

[We6fe]

ذا جيت أواي

غلطان اخوي تقول اسم كبير في عالم الفيديو جيمز ؟

من متا صارت ذا جيت اواي اسم كبير واهو اول جزء لها !! :6

[Mo0o0T]

جيم سبوت غلطانة.. الكل غلطان ان الدرجة هذي لافضل لعبة SOF 2
اللعبة ممتازة جداً وانا من عشاقها منذ ايام البي سي ..
وقبل امس شايفها عند واحد من الربع ممتازة جداً نسخة الاكس بوكس
و xenosaga عليك قائمة فظيعة!
xenosaga you are the best

[DeadLy_]

هالايام الناس يدورون اي شيء صغير و كبير .. عشان يطلعون الاكس جهاز فاشل .. بس بكل صراحة لكل جهاز محبيه .. :6

[msm]

Mesharey & We6fe :
العفو ..

ومن يوم سمعت أنها بتصدر للاكس بوكس مقرر اشتريها لأن تقدير نسخة البي سي 82%

عجيب ..انت معروف بأنك من أشد الملتزمين بتقديرات جيم سبوت ..

بينما msm يطارد تقديرات سولدر اف فورتشن وكل لعبة تصدر للاكس بوكس منذاك اليوم

أي منذاك اليوم ..الي يسمعك يقول من سنة :6 ..امس شفته صدفةً في جيم سبوت .. وقلت لازم مايفوت اخواني أصحاب الاكس بوكس ":" ..

تبي أكتب تقدير كل لعبة ستصدر للبلاي2 بتقدير سيء ترا منتدى البلاي ستيشن بيعج بمواضيعي........

مب انت كتبتها وخلاص :6 .. نسيت مواضيعك عن جيت أواي ، ديفل ماي كراي ، تومب رايدر ، رزدنت ايفل ديد ايم ، انليمتيد ساجا ، هاك 2 ، فاينال فانتسي اوريجن ، كلوك تاور والمزيد ..
نسيت من كتبها .. وجاي الحين تقول تبيني اكتب موضوع عن كل تقدير سي وانت كتبتها وخلاص ..:6 ..انت من فتح الباب على مصراعيه ..

حاول مرة أخرى

ولايهمك .. هذا أول موضوع لي ولن يكون الأخير ..

ومشكورين Mo0o0T و sonykid على ردودكم ..

[ash 90]

تقدير اسطوري بالسوء :6

ننتظر لعبة القراصنه

مشكور مراقبنا ;-)

[msm]

العفو آش ..

[xenosaga]

عجيب ..انت معروف بأنك من أشد الملتزمين بتقديرات جيم سبوت ..

عشان هالشكل شريت شينمو2؟
الألعاب التي تصدر على جهاز ثاني بعد مدة من اصدارها الأصلي على جهاز ءاخر تاخذ تقدير ضعيف....هذا شيء معروف خاصة اذا كانت مجرد نقل ومش ريميك!

مب انت كتبتها وخلاص .. نسيت مواضيعك عن جيت أواي ، ديفل ماي كراي ، تومب رايدر ، رزدنت ايفل ديد ايم ، انليمتيد ساجا ، هاك 2 ، فاينال فانتسي اوريجن ، كلوك تاور والمزيد ..

هذي أقوى ألعاب البلاي2 اذا ماعندك خبر.......
واذا كتبت تقييم عن لعبة مايكون موجه لشخص بذاته بل للجميع عكسك!

ساي

[msm]

اها ..اذن أنت تستثني الألعاب المعادة أو المكررة من الأخذ بتقييم جيم سبوت ..حلو هذي معلومة جديدة عرفتها عنك ..

الرسالة الأصلية كتبت بواسطة xenosaga
هذي أقوى ألعاب البلاي2 اذا ماعندك خبر.......
واذا كتبت تقييم عن لعبة مايكون موجه لشخص بذاته بل للجميع عكسك!

طيب وانا داري انها بعض من أقوى الألعاب وليست هي فقط ..
انها كتبتها اذكرك بمواضيعك السابقة عن تقديرات العاب البلاي ستيشن ..وانت الحين مستكثر على موضوع واحد فقط :6 ..
وبعدين لعبة سوجلز او فورشن معروفة انها من الالعاب القوية على PC ..
والموضوع مو موجه لك انت بس ?: ..ليش انا كاتب في العنوان مثلاً (تقدير لعبة يهم زينو أمرها) ..

[xenosaga]

اها ..اذن أنت تستثني الألعاب المعادة أو المكررة من الأخذ بتقييم جيم سبوت ..حلو هذي معلومة جديدة عرفتها عنك ..

أنت شنو فاكر جيم سبوت بالنسبة لي؟.....معبد ولا شيء يتحكم فاختيار ألعابي؟.....أنا فقط أعتبر جيم سبوت أكثر موقع منصف بالتقديرات لاأكثر ولاأقل وهذي من تجاربي معاه.......ونعم ستعرف عني معلومات أكثر مستقبلا انشالله....

وبعدين لعبة سوجلز او فورشن معروفة انها من الالعاب القوية على PC ..

زين أنك قلتها;-)

والموضوع مو موجه لك انت بس ..ليش انا كاتب في العنوان مثلاً (تقدير لعبة يهم زينو أمرها) ..

هممممم.....

إحدى ألعاب مراقبنا زينو المنتظرة في قائمته ذائعة الصيت الحصرية لالعاب الاكس بوكس

ولاتنسى تشطبها من قائمتك اخوي زينو ..

[DeadLy_]

سولدر اوف فورتشن كنت العبها في الدريم كاست .. ماكانت تعجبني وايد و الحين .. يمكن اشتريها بس بسبب الاون لاين ..

أنت شنو فاكر جيم سبوت بالنسبة لي؟.....معبد ولا شيء يتحكم فاختيار ألعابي؟.....

اي و الله هالكلام هو الكلام الصح يعني لو تبي تشتري لعبه تعشقها لو أخذت اقل التقديرات في جيم سبوت .. انت بتشتريها .. و ما بتهتم لكلام المواقع و كلام الناس

[msm]

الرسالة الأصلية كتبت بواسطة xenosaga
أنت شنو فاكر جيم سبوت بالنسبة لي؟.....معبد ولا شيء يتحكم فاختيار ألعابي؟.....أنا فقط أعتبر جيم سبوت أكثر موقع منصف بالتقديرات لاأكثر ولاأقل وهذي من تجاربي معاه.......ونعم ستعرف عني معلومات أكثر مستقبلا انشالله....

انت الي اعطيتنا الانطباع هذا عنك ..

مو تقول اذا اخذت اللعبة الفلانية التقدير الفلاني من جيم سبوت راح ارمي جهازي من الشباك :6 ..والا راح اترك الاكس بوكس واصير من عشاق الننتندو .. كل هذا علشان تقديرات الاكس بوكس ..
وأي لعبة جديدة ماتعرف عنها الشي كثير .. واخذت تقدير عالي من الاكس بوكس في جيم سبوت راح تضمها لقائمتك فوراً ..

كل هذا انا قريت عنك في مواضيع كثيرة ..

اي و الله هالكلام هو الكلام الصح يعني لو تبي تشتري لعبه تعشقها لو أخذت اقل التقديرات في جيم سبوت .. انت بتشتريها .. و ما بتهتم لكلام المواقع و كلام الناس

صح لسانك سوني كيد ..انا آخر شي أفكر تقديرات المواقع أياً كانت ..
وياليت يتعضون بعض الناس الي قبل مايروحون المحل يشيكون على جيم سبوت يشفون اللعبة الفلانية أخذت تقدير عالي وإلا لا ..