أحلى تحية لأحلى أعضاء .... و رئصني يا قدع :6
مولاحظة : اللي ينقط بأقل من 200 ريال يشوف له منتادييه تاني :6
كيف حال الحلوين ^^
عساهم كلهم بخير ... ها بشروا النتايج اللي تبيض الوجه جات ؟؟!!
انشالله كلكم تكونوا جايبين علامات تفتح النفس عشان فرحتكم من فرحتنا و الله ..
هع ":" لقد عوووووودت من الاصلاحية ... و تم التخرج ( الزغاريد انت و هي)
خرجت من المدرسة و رقعت للمنتداع ..
أول ما شفت المواضيع و الاعضاء قلت في نفسي : " اني أرى رؤسا قد اينعت و حان قطافها نياهاهاها "
أكيد و متأكد انه الإنتقليس جاستن ما وحشكم صح
لو وحشكم كنتوا على الاقل أرسلتوا رسايل خاصة تقولوا سلامات و ما تشوف شر أخونا و الله ياخذ الارهابيين ..
لمعلوماتك انه الحادثة اللي في الخالدية الاولى كانت على بعد كيلو و نص من بيتنا و الخالدية الثانية على بعد 50 متر بس :6 ...يا وعدي ><
لكن عموما احنا متطمينين عشان حاسين بأمان..
رجال الشرطة بيسووا شغلهم تمام ما تحس معاه الا انك في مكة ... و فعلا مكة هي بلد الامان ...
الله يقويهم و يوفقهم و يسدد خطاهم
طبعا انتوا عارفين اننا خارجين من فترة اختبارات مقيتة ... دخلت علينا الوزارة بأسلتها المميتة ... اللي ما تحلها العفريتة .. و تخلي الادمغة زي القرنبيطة ... لدرجة انه ما تجي قدها البرنيطة ... و تخلي اللي ما يفلح يركب بسكليتة ...
و حاسس معاها اني ما لي أمل أصير سواق تريللات :"
أمذح أمذح :6
الاختبارات جات كلها سهلة و بسيطة ما عدا الرياضيات و اللي بسببها راح المعدل في خبر الجزم المنصوب بألف الشد المرفوعة لأس سالب :"
أما المواد الباقية فهي لعبتي ":"
كلها حليت فيها تمام ... و اكتشفت لمن تحل بطريقة شختك بختك في الاختيارات تطلع أغلبها صوح ^^ بنسبة 90%
زي مثلا طبقت نظرية ( حقرا بقرا قلي عمي عد للعشرة :1 - 2 - 3 ..... 10 )
و نظرية ( عمي أبو كرش قللي عد للحدش 1 - 2 - ..... 11 )
و ( سلسلة سلاسل سلسلة دهب )
و ( دوها يا دوها ... و الباقي انتوا عارفينها )
و غيرها و غيرها ...
و ننصح بها كل الطلاب الي ما زالوا في طور التطور في المراحل الثانوية ^ــــــــــ^
و نشكركم على وسع صدركم في الاستماع لحديسي و نبارك لكم الاعتاق المؤقت من الاختبارات ... و في ذات الوقت نترحم على طلاب الثالث ثانوي في المدارس السعودية عشان أسئلة الوزراة راح تكون للترمين و حلااااااااااااال فيكم ^ـــــــــــ^
