ارجو من كل واحد بالكويت يطلب من الانترنت يدخل ضروري

**Goal** · 03-07-2003, 04:16 AM

السلام عليكم

اشلونك شباب + بنات؟

بصراحه انا ابي اشرطه ديفيدي او فيديو عادي

ولكن ابيهم دفع وحده يعني من الجزء الاول الى الاخير ولكن بالكويت يطلع علي غالي جذي

ولم شفته في موقع شفت ان السعر زين

الي من الكويت يطلبون انمي من الانترنت ممكن اطلب طلب
اني اعطيك فلوس الانمي يد بيد واسمه وتطلبه لي

يعني تطلبي الشريط وانا اعطيك فلوسه ولو تبي الفلوس قبل او بعد وصول الشريط مو مشكله

وارجوكم ساعدوني لان عندي اشرطه وااايد ابيها تكفون ساعدوني اعيال الديره

وشكرا

**weldbayan** · 03-07-2003, 09:54 AM

اخوي انا ما انصحك تطلبهم من بره لأنه غالي و الشحن ماله غالي بعد و اذا دشوا الكويت بتروح الرقابة و ما راح يعطونك اياهم لأنه الأنمي ممنوع يدخل الكويت حتى لو كان انمي للأطفال..
اذا تبي انا اعرف واحد يبيع دي في دي كوبي يطلع نفس الأصلي بالضبط و هم عنده اشرطة اذا تبي..يبيع الشريط بدينارين و الدي في دي بثلاثة..انا ضامن الشخص لأني من زمان اشتري من عنده و مجرب الدي في دي كوبي منه..اذا تبي تشتري منه بلغني و انا اعطيك رقمه تتصل عليه اوكي..

**Avril_Lavigne** · 03-07-2003, 10:11 AM

السلام

اذا تبي مكان يبيع انيمي DVD بالكويت

فيديو الارقام الي بالسالمية

بس المشكله انه ما تحصله كل الاجزاء مره وحده يعني لازم تنطر لين ما ينزلون جزء بعد جزء

**Aero** · 03-07-2003, 10:14 AM

واذا تبي محل ثاني يبيع الانمي والمنغا القديم بالكويت سلفر فيديو بالسالميه وسعرها 3 دنانير

**Avril_Lavigne** · 03-07-2003, 10:29 AM

الرسالة الأصلية كتبت بواسطة Shadw
واذا تبي محل ثاني يبيع الانمي والمنغا القديم بالكويت سلفر فيديو بالسالميه وسعرها 3 دنانير

الاخ Goal يقصد dvd ، ما ادري اذا سلفر فيديو يبيع dvd انيمي

؟

**Aziz_is_Jotaro** · 03-07-2003, 11:28 AM

ياعمي خل عنك فيديو الارقام وسيلفر

مالك الا هوبي جابان hobby japan بالرحاب

اطلب اللي تبيه على دي في دي اييب لك بسعر حلو وحلقات وايد ويضبطك.

الاخ Goal يقصد dvd ، ما ادري اذا سلفر فيديو يبيع dvd انيمي ؟

هممم اكييييد يبيع دي في دي.....سيلفر يبيع دي في دي.

**princess** · 03-07-2003, 11:29 AM

الرسالة الأصلية كتبت بواسطة Avril_Lavigne

الاخ Goal يقصد dvd ، ما ادري اذا سلفر فيديو يبيع dvd انيمي ؟

لا ما يبيع dvd

يبيع اشرطة فيديو

**Aziz_is_Jotaro** · 03-07-2003, 11:58 AM

لا ما يبيع dvd

بلى يا برنسيس سيلفر يبيعون دي في دي انيمي بس نفس عدد حلقات الفيديو.

والله اغنيه bring me to life حلوووووه حيييييييييييييل

**princess** · 03-07-2003, 12:16 PM

الرسالة الأصلية كتبت بواسطة Aziz_is_Jotaro

بلى يا برنسيس سيلفر يبيعون دي في دي انيمي بس نفس عدد حلقات الفيديو.

والله اغنيه bring me to life حلوووووه حيييييييييييييل

والله ما ادري ?:

كل شي يصير بهدنيا :واو:

انا رحت مناك و شريت فيديو

bring me to life

ايه عجيبة

**weldbayan** · 03-07-2003, 01:31 PM

انا هذا رفيجي الي قلتلكم عليه اهو الي يبيع حق محلات الفيديو هذي كلها يعني اهو الي يوزعلهم

**Goal** · 04-07-2003, 02:49 AM

مشكورين شباب + بنات على دودكم الطيبه

وتسلمون وعساكم على القوه

وشكرا:0)

**Guilty Gear X** · 04-07-2003, 06:38 PM

لأنه الأنمي ممنوع يدخل الكويت حتى لو كان انمي للأطفال..
لا يدش بالكويت ويروح على الرقابة اذا مافيه شيء يعطيونك اياه خلال يومين

انا طلبت ون بيس 8 دي في دي ون بيس من الخارج طلعي مع الشحن 95 دولار اي ما يعادل
28 ونص دينار

احس من انك تشتري من هل المحلات النصاااااااااااااااااااابة!!!!

**raizen** · 04-07-2003, 07:50 PM

الرسالة الأصلية كتبت بواسطة Guilty Gear X
لأنه الأنمي ممنوع يدخل الكويت حتى لو كان انمي للأطفال..
لا يدش بالكويت ويروح على الرقابة اذا مافيه شيء يعطيونك اياه خلال يومين

انا طلبت ون بيس 8 دي في دي ون بيس من الخارج طلعي مع الشحن 95 دولار اي ما يعادل
28 ونص دينار

احس من انك تشتري من هل المحلات النصاااااااااااااااااااابة!!!!

اخي اسف على هذي المداخله ولكن انا ملاحظ اسلوبك ان الناس كلهم عندك نصابين يعني انت الان لو نقول رحت محل فيديو وتبي تشتري شريط او سي دي وقالك بسعره وطلع غالي يعني وشراه غيرك تقوم تتلفظ على الناس بالنصب والسرقه ياخي اللي يبي يشتري يشتري واللي مايبي هو حر كل عقله براسه يعرف خلاص نعت الناس بالنصب والسرقه سلوك غير حضاري سيما انت مراقب وانا لحظت الشي هذا عليك كثير نصيحه اخوي ترى هذا اثم كبير كل ماشفت احد الناس يبيع قلت عليه نصاب وشكرا

**Guilty Gear X** · 04-07-2003, 08:01 PM

بالنصب والسرقه سلوك غير حضاري سيما انت مراقب
انا ما اقول غير الحق , القليل يعرف الحقيقة .
لمن اتهم بعض الناس بالنصب بالسرقة انا ليس غلطان بهذا الشيء

**Aziz_is_Jotaro** · 04-07-2003, 08:02 PM

السلام عليكم

guilty gear x

اخوي انا ملاحظ ان محد عاجبك وكل اللي بالمحلات نصابين وجنك تبيهم يشترون الانيمي ب28 دينار ويبيعون ب28

وين يربحون جذي؟؟؟؟

انا اسف يعني بس الموضوع واضح الاخ طلب من اي شخص يطلب من برى الكويت ويطلب له واهوا يعطيه فلوس فيعني بدال لا اتقول انا اطلب لك اطيح بالمحلات سب؟؟؟؟

هذا رزقهم ياخوي.

raizen

وييييه رايزن شخبارك؟؟؟

معاك حق.الاخ المراقب لاحظت فيه هالشي.

تذكرني يا رايزن ايام كنا نتهاوش على موضوع اسوأ الانيميات؟؟

وياليت لو الحين انت تنهي هالموضوع والاخ قلتي قير فيه الخير والبركه

الموضوع: ارجو من كل واحد بالكويت يطلب من الانترنت يدخل ضروري

أدوات الموضوع

ارجو من كل واحد بالكويت يطلب من الانترنت يدخل ضروري

مشكورين

ضوابط المشاركة