شباب باركوا لي

**باتيجول** · 07-07-2003, 05:24 AM

في الحقيقة انا مشارك في دوري مقام في غرب الرياض هذا الدوري نظامي الى حد كبير وفرصة المنافسة فيه على اللقب كبيرة ليش ...؟؟ لانه مهوب زي باقي البطولات الثانية اللي من اول مباراة خلاص اذا فزت تكمل واذا انهزمت خلاص اودع البطولة ... الدوري مقسم الى اربع مجموعات يعني مثل نظام اندية اوروبا

الحقيقة اليوم انا استرجعت عافيتي ولله الحمد وفزت 4/2 لاني انهزمت في المباراة الاولى 1/0 ومن واحد مستواه عادي جدا لكن هو عرف من وين توكل الكتف وغير كذا انا كنت العب بفرنسا وخطة 4-3-3 اللي دفاع فرنسا يدج معها ..وانا اليوم لعبت بايطاليا ومنافسي كان يلعب بفرنسا بس تعرفون الطليان لين استبسلوا في الدفاع ماحد يقدر يجاريهم ولو لعب منتخب نجوم العالم ...

عموما اليوم الرابع من الدوري كان حافل تاهلوا خمسة وبقى ثلاثة عشان يصير العدد ثمانية وعاد هنا يصير الدوري نار لان كل المتاهلين مستواهم يؤهل للبطولة وانا ان شاء الله راح اوافيكم باخر الاخبار ان شاء الله عن هذا الدوري

**بزيدان** · 07-07-2003, 09:34 PM

مبرو مبروك اخوي على التأهل مبروك وانشا الله تفوز بألنهائى ونتقاسم الجائزه

بيني وبينه

لاني بركتلك انا وشكرا

**W11 PELE** · 07-07-2003, 10:18 PM

مبروك واذا فزت في التحدي انا بتحداك واذا تبغي اي حركه انا حاضر

**باتيجول** · 08-07-2003, 12:43 AM

الله يبارك فيكم شباب وبالنسبة لك يابليه انا جاهز لك بس خلها بعد الدوري لاني بصراحة كل تفكيري محصور في الدوري ومباراتي بكره مصيريه اذا فزت تاهلت واذا انهزمت ( لاسمح الله ) انتظر نتيجة المباراة الثانية في نفس المجموعة اللي انا فيها ..

ادعوا لي بالتوفيق

**Hani 2003** · 08-07-2003, 01:14 AM

الف مبروووووووك أخوي والله شكله الدوري مره حلو

وإنشاء الله بتفوز بالدوري بس عندي نصيحه خذ المنتخب البرازيل

والله متخب متكامل ;-)

**abu musa** · 08-07-2003, 01:18 AM

مبروك الف مبروك

وعقبال البطوله

**باتيجول** · 10-07-2003, 04:52 AM

مشكورين ياشباب ماقصرتوا على التواصل ... بصراحة انا ياخ هاني مانيب من عشاق المنتخب الاصفر اللي هو البرازيل وهو منتخب من وجهة نظري منتخب غير متكامل اقولك ليش لان خط دفاعه لك عليه شوي غير كذا البنية الجسمانية لمعظم لاعبيه شوي ضعيفة يعني اي التحام بالكورة راحت على اللاعب ... انا صراحة معجب بالفريق الايطالي والفريق الارجنتيني والفريق الفرنسي وماننسى الفريق الهولندي اللي عنده جماعية اداء رهيبة ...

اما من ناحية الدوري تاهلت اليوم الى الدور الربع النهائي ومباراتي راح تكون صعبة لاني راح العب مع واحد مستواه قوي لكن ان شاء الله راح اقول كلمتي واصل الى الدور النصف نهائي لان اللي يصل الى الدور النصف نهائي راح يشارك في الدوري القادم من دون رسوم اشتراك وهذا حافز حلو ...

**باتيجول** · 11-07-2003, 04:45 AM

للاسف ياشباب اليوم طلعت برا الدوري من الدور الربع النهائي وبالهدف الذهبي ...

مباراتي اليوم كانت حلوه رغم الهزيمة لان خصمي كان واحد ماشاء الله عليه واحد يلعب لعبت معه مباراتين الاولى تعادلنا 4/4 مباراة قوية جدا والثانية تعادلنا في الاصلي 4/4 وفاز هو بالهدف الذهبي

انا غلطتي وشي اني لعبت بفرنسا وسبب هزيمتي هو خط الدفاع اللي تسبب في هدفين

عموما انا راح اشارك في الدوري الجاي ان شاء الله يقام يوم 3/6 وراح اشارك بايطاليا لانها افضل من ناحيتي وشكرا لكم على التواصل