تقرير : S.Seiken Densetsu

**تايدوس إمبرطور ال RPG** · 11-07-2003, 04:15 PM

Hi All
لعبه S.Seiken Densetsu و إلي يطلق عليها بالانجليزيه Sword of Mana
عباره عن احد اكثر العاب الاكشن RPG انتظارا على الجيم بوي ادفانس
هذا تقرير مبسط عن آخر التطورات في اللعبه

الشخصيات :

يدعى ديفز
و يبلغ من العمر 27 سنة
و يحب البحث عن الطيور ذات الصوت الرائع
و لكنه هادئ جدا
و ذو نبره حزينه جدا في الكلام

يدعى ليستر
و عمره غير معروف
يملك آله مسيقيه
تسمى آله الزمن
وهو يجوب بها العالم للبحث عن شيء ما !!!

من جهة القصه
فالابطال هنا يبحثون عن الفارس الاسود الغامض
و الذي تسبب في قتل والدي البطل
و لم يكتف بقتلهم فقط
بل قام بقتل عشائر المانا كلها
كل من يحمل دم المانا مات !!!
و هنا تبدأ الرحله في البحث عن الحقيقه
و في تطورات أخرى يكتشف انه لم يفعل ذلك عبثا
فهو يتقصد عشائر اخرى لها علاقه بماضي المانا القديم !!!

و انتقالا إلى طريقه اللعب
من الواضح انك تقدر تهرب من الوحوش (( يعني ما راح تنحبس في شاشة معينه لحد ما تخلص عليهم ))
و فيه ادوات كثيره و مختلفه راح تحصل عليها
لا تنسى تدور كويس بين الاعشاب !!!
وفي أغلب الاحيان راح تشوف صندوق في الطريق امسكه و اضربه في الارض

الاوقات المتحوله راح تكون موجوده في اللعبه
و راح يكون وحوش النهار غير وحوش الليل
و نصيحه مني في الليل روح لاقرب قريه ارقد فيها احسن لك

الارواح الصغيره التي تظهر في سلسله سورد اوف مانا تظهر من جديد
وهي الاوراح التي تساعدك في رحلتك
و تقوم بتعليمك اساليب استخدام
في الصوره هذي الروح (( Wisp ))

وفي الثانيه الروح (( Salamander ))

Hissatsu Waza هو اسم الضربات القاضيه في اللعبه
و تعتمد على السلاح إلي تستخدمه
نستعرض حبتين منهم ........ :

Slicer : و تستطيع معمل هذه الضربه بالسلسلة
عباره عن ضربه حليقة تقوم بها الشخصيه و تأثر بشكل جيد على الاعداء

Mighty Javelin : وهذه عن طريق الحربه
هذي الضربه تقتل الوحوش الضعيفه على طول
و فعاليتها قويه مع الوحوش الطائرة

Spike would strike : عن طريق الهراوه
اقفز بأقوى ما عندك و اهبط على الوحش بقوه
وراح تقدر تحطم دروع الوحوش القويه و دفاعاتهم
مفيده جدا

Rolling Sweep : عن طريق الومرانج
تريد ضربه متوسطه التأثير و ذات امد بعيد استخدم هذه

Master Shot : عن طريق القوس و الرمح
تأثيرها راح يكون فعال للوحوش الطائرة و ضيعف للوحوش العاديه

هنا انتهى التقرير ...
بس للمعلومية اللعبه راح تصدر في 29 اغسطس 2003
و في اميريكا في سبتمبر (( فترة الاعياد عند امريكا قويه !! ))
شكرا وثوقكم بالكي بورد تبعنا
سلام

**ايريس** · 11-07-2003, 06:17 PM

مشكور ..خيو على التقرير...

روعه..

ايريس

**Neo Cid** · 11-07-2003, 06:47 PM

ياهووووووووووووو ..

ولكم باك يا فراس .. ان شاء الله هذا ما يكون آخر رد ولا أول رد حتى ..

أنا اقول .. اللعبة محد كتب عنها .. يعطيك العافية .. تذكرني اللعبة بكرونو تريجر

مع انه الفرق بينهم كبير ..

تسلم و يعطيك العافية .. إلا ما قلت .. اللعبة على السوني 1 ؟ ..

و شكرا ..

**Golden_Sun** · 11-07-2003, 06:58 PM

الرسالة الأصلية كتبت بواسطة Neo Cid

تسلم و يعطيك العافية .. إلا ما قلت .. اللعبة على السوني 1 ؟ ..

على الجيم بوي @@

ولكم باك امبرطورنا .. واللعبة شكلها روعة :واو:
اذكر جزء ليجيند اوف مانا على البلاي ستيشن 1 كان ممتع ورائع ^^
والحمدلله إن اللعبة ما تغيرت وايد .. حافظت على نظامها

مشكور وما قصرت

**auronxxx** · 11-07-2003, 07:02 PM

الموضوع ممتااااااز وكامل(والكامل الله) والضاهر ان اللعبة مب هينة وتستاهل ننتظرها

**تايدوس إمبرطور ال RPG** · 11-07-2003, 08:25 PM

ايريس :
العفو اختي و حياك الله

Neo Cid :
ههههه ... انا ما رجعت إلا علشان ما تقاطعنا

و اللعبه الجيم بوي ادفانس (( توني اليوم شاري الـ SP )) الاول وش اسوي فيه الحين ؟

Golden_Sun :
يا مراحب فيك اخوي

سكوير إينكس بتفلس فينا الفترة هذي
فاينل فانتسي تاكتس ادفانس في سبتمبر و هذي في سبتمبر
و فاينل فانتسي كريستال كرونكلز في نوفمبر هي و فاينل فانتسي 10 - 2
دراج - اون دراجون راح تنزل قبل نهاية السنه
يعني في ثلاثه شهور راح نستمتع لمده سنه لوووووووووول

auronxxx :
تسلم لي

**Majid Ali** · 12-07-2003, 01:01 AM

شوووووكرن على الخبر الحلو

**Reinu** · 12-07-2003, 04:54 AM

اريجاتو ^^

لعبه حلوه فعلا انتظرها ان شاء الله اول ما تنزل العبها على طووول ^^

**ash 90** · 12-07-2003, 08:39 AM

شنو هالأضواء صعقتني O_o

المنتدى منور بطريقه غير معقوله -_- ؟

اهاااا الامبراطور هني

Empror May Sleep....But He Never Die ":"

Welcome Back Our Empror ":"

رجع لنا و معاه كم موضوع يفاجئنا فيه ;-)

تسلم امبراطورنا على الموضوع الرائع

و انشاء الله نشوفك دايما بيننا

**تايدوس إمبرطور ال RPG** · 12-07-2003, 06:15 PM

majid Ali :
تسلم لي

Magical Dreamer :
انا عارف ان هل الالعاب تعجبك
بس ما ادري لين الحين وش رايك في كريستال كرونكلز
خليها في التقرير إلي راح اكتبه قريب عنها
يمكن قي 8 / 8

ash 90 :
تصدق كتبت ثلاث مواضيع جالس ادور وين ردك بينهم

لو انك مو راد كان عتبت عليك

بعدين إذا انا كل هذا لانور
انت الانبعاث الضوئي الصادر من التفاعلات النوويه خارقه
امثال تفعال النيترون مع ذرات البلاتينيوم الحره (( ترى انا ما ادري وش اقول

))
عجبتني (( Empror May Sleep....But He Never Die )) بحطها في توقيعي الجاي

و إن شاء الله انا دايما بينكم

**Reinu** · 12-07-2003, 06:27 PM

انا عارف ان هل الالعاب تعجبك
بس ما ادري لين الحين وش رايك في كريستال كرونكلز
خليها في التقرير إلي راح اكتبه قريب عنها
يمكن قي 8 / 8

اهم لعبه هذي وانتظر تقريرك ^^

**Yuffie Kisaragi** · 13-07-2003, 06:03 AM

الحمدالله على سلامتك خيو وينك كل هالغيبه

مشكور على تقريرك وايد حلو

انا والله عندي العاب اربيجيه واااااايده في الجيم بوي...:6

وحاليا قاعده اوصل في لعبة قولدن سان:6

مشكور مره اخرى ولا تطول عليناالغيبه مره ثانيه

يووووووفييييي از ذااااا بيييييست":"

**ash 90** · 13-07-2003, 06:22 AM

الرسالة الأصلية كتبت بواسطة تايدوس إمبرطور ال RPG
majid Ali :

ash 90 :
تصدق كتبت ثلاث مواضيع جالس ادور وين ردك بينهم
لو انك مو راد كان عتبت عليك
بعدين إذا انا كل هذا لانور
انت الانبعاث الضوئي الصادر من التفاعلات النوويه خارقه
امثال تفعال النيترون مع ذرات البلاتينيوم الحره (( ترى انا ما ادري وش اقول ))
عجبتني (( Empror May Sleep....But He Never Die )) بحطها في توقيعي الجاي
و إن شاء الله انا دايما بينكم

و معقوله ما ارد عليك..

لوول تفاعل النيترون :6 ..ردينا للكيمياء الكشخه ":"

انتظرها...:6