Doujinshi Circle

**mai_arumashi** · 13-07-2003, 11:04 PM

من فترة خطرت على بالي فكرة غرييييبة.... ( ليش ما ارسم دوجنشي...)... طبعا لازم اشتري شوية اغراض قبل لا ابدا... بس هذا مو موضوعنا!

حسيت ان الدوجنشي... او حتى المانجا مشروع كبييير ... و ما يقدر شخص واحد يسويه... يعني انا * و اعوذ بالله من كلمة انا* حاولت ابدا مشروع مانجا خاص فيني... بس ظهرت لي مشاكل كثيرة من اولها.. اني سيئة بشكل مو معقول فى الكتابة... ماقدر اكتب قصة! بس الفكر فى بالي... لكن مو عارفة كيف اعبر عنها...

... طبعا مشكلة الخلفيات و الثياب تحتاج موضوع لحالها...
يعني طلعت بنتيجة :
+ عشان الواحد يقدر يرسم مانجا يحتاج:
-مصمم شخصيات
-رسام خلفيات
- مختص تلوين ( عشان الاغلفة و الارت الملون)
- ناس شاطرة فى التحبير
-و طبعا كاتب موهوب
- و مساعد يسوي قهوه<< طبعا نقدر نستغني عنه

..... طبعا مو شرط يكونون محترفين.. و ممكن يقوم شخص واحد باكثر من مهمة... فى حالة الدوجنشي يسمونهم Cirlce

الحين انتا تعبت نفسى فى الكتابة و تعبتكم و انتو تقرون...عشان اسأل هالسؤال: كيف نقدر نأسس سيركل... لان الفكرة داشه مخي.. و الاحلى ان ما فى سيركل عربية لين الحين ( مو متأكدة)
*تذكرون فكرة مسابقة المانجا...ابغي اعرف اذا فى امكانية ان يتحد الرسامين عشان يطلعون شغل مشترك...حاجة مثل التعاون*

قولو لي رايكم فى الموضوع...

*اسفة على الاطالة*

**Maytham** · 14-07-2003, 12:12 AM

كيف نقدر نأسس سيركل؟؟

سلام عليكم .. شولنج أخت ماي

موضوع حلو .. وفكرة ممتازة ..

من وجهة نظري .. إن هناك مجموعة من الفنانين في هذا المنتدى .. و أعتقد لو اجتمعت هذه المواهب .. لأمكن الحصول على مستوى راقي بالنسبة للرسوم..

نقطة ثانية : بالنسبة للقصة أو الكتابة .. أعتقد هذا أسهل شي بالنسبة للناس الي لديها موهبة القصة القصيرة و أعتقد الوطن العربي لديه الكثير الكثير من هؤلاء المبدعين الشباب .. و لابد من وجود تجمعات بالنت يمكن اللجوء إليها ..

نقطة ثالثة : بالنسبة للأزياء أعتقد .. يبيله الواحد يطلع عليها .. صعب شوي إن يحصل مصمم على مستوى .. أعتقد لابد من تطبيق المقولة المعروفة "help your self "

الخلفيات :مشكلة كبيرة .. الخلفيات يبيلها واحد فلته ..

أعتقد من ضمن القائمة من المهم إضافة عنصر الإخراج الجيد .. من ناحية التصوير و المؤثرات و غيرها فهو فيلم على مرسوم ..

هذا ما لدي .. و سلام

**L.B** · 14-07-2003, 01:43 AM

ماي اسمحيلي قبل لاعلق اسال هالسؤال الغبي ..
ما المقصود ب Doujinshi Circle :": ؟ وما علاقتها برسم المانجا تعاونيا حسب الاختصاص ؟؟

**Last_Angel** · 14-07-2003, 02:32 AM

كول ايديا!

نقدر نجربها... ونقسم الشغل.. ونشتغل اول شي علىدوجينشيز (لان الشغل اقل بما ان الشخصيات موجوده) واذا نفعت الفكره نقدر نمشي على مشاريع اكبر

بس نبدى على طول!
لان العرب مماطلين.. ونقعد نخطط و نفكر وبالاخير ما نسوي شي..
(واتوقع لاحظتم هذا الشي من جميع مواضيع المشتركه السابقه

)

**Rin Sagami** · 14-07-2003, 09:40 AM

الرسالة الأصلية كتبت بواسطة L.B
ماي اسمحيلي قبل لاعلق اسال هالسؤال الغبي ..
ما المقصود ب Doujinshi Circle :": ؟ وما علاقتها برسم المانجا تعاونيا حسب الاختصاص ؟؟

الدوجينشي هو كتاب زي الكوميك وشبيه بالمانجا بس جواه راح تلقى مئات القصص من فنانين مختلفين..
والدوجينيشي مو لازم يكون الرسام بارع او مشهور ..
فمثلا لو كنت معجب بانيمي او لعبة معينة..
تكتب قصة صغيرة من تأليفك وراح تنضم هالقصة لمئات القصص الي
كتبها غيرك..
ويجمعها كتاب او مجلة واحدة وهاي هو الدوجينشي..
وهذا مثال دوجينشي..عن احلى لعبة عندي.. برسونا

PERSONA 2 INNOCENT SIN SHORT COMIC TENGOKU (Hi no Tama)
4-334-80474-8
11/10/1999

شوف الرسمة للغلاف مو مررة محترفة معناها مو لازم تكون مخترف بالمرة..

فكرة روعة ماي بس اتفقوا انتم اول على سلسلة معينة لنبدأ..
وانا معكم..

**L.B** · 14-07-2003, 02:27 PM

شكرا Rin Sagami على التعريف
طيب هل يشترط ان يكون موضوع كتاب ال Doujinshi Circle ان يكون الموضوع مشترك .. يعني كل القصص تدور حول نفس الموضوع ؟
بالمناسبة الفكرة تروق لي و تبدوا رائعة . ^_^

**shaheen** · 14-07-2003, 03:47 PM

انا وياكم بهالموضوع الحلو

وانا فعلا سويت مثل هذه القصص من قبل ^^

**Last_Angel** · 14-07-2003, 05:00 PM

L.B:
ايه ^_^
يعني القصه تكون بشخصيات معروفه (يعني في مثال رين من برسونا 2)

وانه كلنا نشتغل على القصه الواحده.. ويكون الشغل مقسم.. واحد يألف القصهوالثاني يرسم والثالث يحبر والرابع يلون (او يستخدم السكرين تونز) ... وهكذا

**the space mafia** · 14-07-2003, 05:09 PM

المشكلة الي عندي يا mai_arumashiان توني مبتدا و ودي اساعد
بس مو عارف شلون

المشكلة حتي قهوة ما اعرف اسوي

**أميرة الخيال** · 14-07-2003, 05:28 PM

فكرة حلوة ...

اذا تبووووووون مساعده آنا حاضرة

بس مو بمجال الرسم في مجال القصص (تخصصي) هههههه

**Rin Sagami** · 14-07-2003, 06:51 PM

الرسالة الأصلية كتبت بواسطة أميرة الخيال
فكرة حلوة ...

اذا تبووووووون مساعده آنا حاضرة

بس مو بمجال الرسم في مجال القصص (تخصصي) هههههه

اميرة انا قرأت قصتك (الانتقام) وصراح اعجبتني مرة وخاصة اسلوبك..
يعني بالمرة Dreamy و عندك خيال واسع بالمرة..
انتي اطرحي الفكرة واعضاء أخرين يبدون وجهة نظرهم او يشاركونا بقصصهم ..
ونبدأ

..

the space mafia:مو لازم تتعب نفسك او اي شئ ابدا لو ماكنت تقدر
ترسم او ماتعرف تسوي قهوة ياخسارة

عادي انت على الاقل اطرح فكرة وشاركنا فيها ماراح تخسر شئ..
وراح يكون الك يد في انشاء المشروع..
مستنين فكرتك..

**Chased-byDragon** · 14-07-2003, 09:00 PM

فكرة حلوة جدا...

وانتم شنو السلسلة اللي تبون نبدأ بها...

مثلا المحقق كونان...

وبالنسبة للقصة لازم يكون واحد عارف قصة السلسلة جيد...

dewa mata^_^

**mai_arumashi** · 15-07-2003, 09:36 AM

شكرا على تجاوبكم:" <<< صراحة فرحتوني ^_^

طبعا اخ ميثم افكارك معقولة بس مادري ليش عندي احساس انك تعتقد ان بنسوي فيلم... ما نحتاج مخرج لمشروع دوجن...^_^...و كلامك عن الشباب الي يكتبون..طبعا فى تجمعات و انا اشوف ماشاءالله فى عندنا مواهب فى منتدي الرسم نفسه...على العموم تشكر ...
^_^

L.B: الظاهر جاوبوا على سؤالج..بس حبيت اضيف نقطة الي هي ان مو شرط يضم الدوجن<< اختصار دوجنشي.. ^_- مم مو شرط يكون مئات القصص.. و لا حتى عشرات... انا شفت دوجنشيز فيهم قصة او قصتين... الفكر الاساسية هي ان الواحد يرسم قصة متستعملا شخصيات مشهورة...من مانجا او انيمي او لعبة فيديو... ممكن الواحد يسوي كوميك عن فرقة يحبها... اهم شي انه يكون شغل فانز... يعني مو شرط نكون محترفين...

لاست انجل: زين رديتي..كنت بموتج لو مارديتي ^_^... صح المفروض نبدا بسرعة... بس فى مشاكل بتكلم عنها بعد شوي

رن ساجامي: هلا ^_^ شكرا على الايضاح

اميرة الخيال: بالضبط هذا الي كنت احتاجه ^_^ .... الكاتب شي مهم ما نقدر نستغني عنه

تشيسد باي دراجون: ان كنت حاطة فى بالي اني ابدا بفاينل فانتسي 7 او 8 ^_^.... المشكلة اني ما تابعت كونان

-يتبع-

**mai_arumashi** · 15-07-2003, 09:45 AM

الحين دور المشاكل ^_^:

الرسالة الأصلية كتبت بواسطة Last_Angel
L.B:
وانه كلنا نشتغل على القصه الواحده.. ويكون الشغل مقسم.. واحد يألف القصهوالثاني يرسم والثالث يحبر والرابع يلون (او يستخدم السكرين تونز) ... وهكذا

الشغل المفروض يكون مقسم... يعني فى سيركلز لهم مقر معين.. شي مثل ستيديو... بس المشكلة ان كل حد فى بلاد!!... يعني مثلا الاوراق لازم تعبر الاف الكيلومترات عشان تتحبر و بعدين التونز و التلوين... الخ الخ..

صعبة شوي

... الا اذا اخترعنا طريقة معينه عشان نتواصل فيها ^_^...
عشان اكون صريحة.. انا لما فكرت.. خطر فى بالي ابدا سيركل مع ديابلوس و كيوت نوريكو...و البنات الي عدنا فىالامارات... بس المشكلة ان اساليبنا انا و كيوت و ديابلوس متشابهة نوعا ما.. و ما لعبنا نفس الالعاب

... و بعدين ما نقدر نجتمع متي ما نبغي

....

و المشكلة الاخيرة هي التونز... انا فى حياتي ما استعملتهم...<< طبعا ما فى داعي اشرح اكثر

يلا الحين طلعو حل لمشكلة الاجتماع...( على فكرة اذا قدرنا نحن البنات نتفق على طريقة اكيد الشباب مو مسموح لهم بالاشتراك...لازم يسوون لهم سيركل خاصة فيهم;-) ) هههههه

**Last_Angel** · 15-07-2003, 03:38 PM

سهله!!

مو لازم نكون في نفس الستديو!!
بس نغير شوي من طريقة العمل ^_^

مثلا..

نقدر نسوي digital inking!
او اسهل شوي.. نخلي اللي يرسم هو نفسه اللي يحبر ^^;

وعلى السكرين تونز... حلوها لنا شاهين و فلاش فور انيمي في موضوعهم عن السكرين تونز عن طريق الفوتوشوب!

اتوقع انحلت ^_^

يعني نحتاج:

كاتب
رسام + محبر
سكرين تونر
راسم خلفيات
اكسبرشن اكسبرت <--لاحظت ان اللي يسوي تعابير الوجه يكون متخصص ^^
سي جي ارتست (عشان يلون الغلاف)

نسيت شي؟

مشاهدة نتائج الإستطلاع: اولا قبل لا تقرأ الموضوع تعرف اي شي عن السيركلز

الموضوع: Doujinshi Circle

أدوات الموضوع

Doujinshi Circle

ضوابط المشاركة