خبر مؤسف عن مانجا كوين ><

[sakura wakky]

السلام عليكم يا أعضاء المنتدى ^^


الموضوع مبين من عنوانه><


مانجا كوين تمر بظروف صعبة جدا جدا

الكمبيوتر اللي في بيتنا خرباااااااان:"

هو مو خربان بمعنى الكلمة هو الصج مخرف><

رسوماتها اللي مسجلة بالكمبيوتر انمسحت
و البرامج اللي منزلتها


يعني رد الكمبيوتر مثل ما كان و ألعن حتى السكانر ما ندري وينه><


يعني هي الحين ما تقدر تشبك (حتى المسنجر مخرف ><)

و أتمنى إن الكمبيوتر يرد ...و تقول إذا هي طولت و لا قدرت ترجع للمنتدى


انسوا إن في عضوة إسمها مانجا كوين :"

[Rin Sagami]

no prob it happins 2 me all the time..
anyway say hi to MQ for me...& hope you can be able to fix it real soon..

[shaheen]

بصراحة يا ساكورا انا عرفت هالشئ من فترة بس وانا افتح الموضوع ومع اني اعلم بالخبر.. كنت حاسس بخوف ان يكون مانجا صاير لها شئ.. خوفتيني!!! او بالاحرى خوفتينا كلنا!!!

المهم هذا شئ عادي... وبالرغم من ان الفايلات انمسحت من الكمبيوتر فما نقول الا الله يعوض عليج يا كوين... وانا اكيد انج راح تصممين بأن تعملين رسومات احسن منها ... والفايلات راح ترجع احسن من اللي قبلها وسلام خاص لكويني الحبوبة;-)

[L.B]

الله يسامحك يا ساكورا
نزلتي قلبي في ركبي :غضب:
انا عم بفتح الموضوع وقول الله يستر
بس هوينه اذا جت على مسح الملفات .. و بالمناسبة اذا حواليكم حدا محترف هكر بقدر يرجعها !! ما في شي بيدخل الكومبيوتر الا و بيبقى اثر في الذاكرة حتى لو انت مسحتيه بأيدك .. بس بدكم واحد شديد و كومبيوتر جديد :غضب:
اروح الحق اسيف ملفات المانجا المترجمة و ارفعها في مكان !!

سلميلي على مانجا كوين و قوليلها .. نحنا متأكدين انك راح ترجعيلنا بشي اقوى واحسن .

[هـداف]

^^

والله انا حسبالي صار شي كبير:واو: ،الحمدلله ان يات على جيه^^

مانجا كوين،انت الحين تمرين بنفس الي مريت أنا فيهO_O، ويمكن أحسن مني،عندي لج حلول لمشكلتج لأني جربتهاO_O، اول حل اضربي راسج في الطوفه بعدد 10 الى عشرين ضربة!!، وبعدين اضربي الارض فوق الخمسين مره،روحي مكان محد يسمعج فيه،وصارخي بأعلى صوتج،بأعلى أعلى صوتج وطلعي حرتج في الكلام:6 ، اذا تحبين الكورة وتلعبين فيها في البيت،روحي الحوش وقنبليها على الطوفه،كسري السور من قوة الضربةO_o ، وآخر شي انصحج وانتي في الكرفاية وتبين تنامين،يودي الكنبل او الفراش، واقعدي اعصريه واتكلمي بحسره شديده على الي صار

انا عن نفسي بعد هذا كله، صارت لي حالة اكتئاب شديده جدا،قررت وقررت وقررت ومن هذي الي قررت اني اترك الرسم لمده غير معلومه!؟!، لكن، بعد مانزلت البرامج ونزلت الماسنجر ، دخلته(لازم تنزلينه:0) ) وكلمت أساسين،والله ماقصر هذا الصديق العزيز ، خلاني ارجع للرسم بكلامه،قالي جملة خلتني أنسى كل شي!!
قالي:اعتبر كل إلي سويته مجرد تدريب،وابدأ من جديد
أشكره،لولاه كنت تركت الرسم من زماااااااااااااان

واكوني الحين،صرت أحسن من قبل والحمدلله،تصدقين،امس واليوم كنت قاعد أشتغل على الرسمه الي كانت بتخليني أهد الرسم،الي كنت محبرها وكانت قيد التلوين،اكوني قاعد احبرها الحين الحين بالكمبيوتر مره ثانيه!؟!
انشاءالله اخلصها بكرة^^

عموما،انا متاكد انج بترجعين كوين،انشاءالله;-)
الى اللقاء

[princess]

قريييت العنوااااان اخترعت والله وخفت افتح الموضوع ..... تهييء

انتي اختها؟؟؟؟؟؟؟

بلييييز قوليلها برنسس تسلم عليج :#











ماااانجاااااااااااااااا :" :" :"

انسوا إن في عضوة إسمها مانجا كوين

لا لاتقولين جذيييييييه :" :" :"

[Touya]

إذا كان على الكمبيوتر ترى هي سهالة

في الحديد ولا في العبيد والله يحفظ الجميع إن شاء الله..

طريقة استرداد الملفات:
دوروا Norton Utilities وركبوه في جهازكم واستعملوا Norton Unerase لإسترداد الملفات المفقودة..


النتيجة تكون افضل لو البرنامج مركب مسبقاً ضمن جهازكم...

والله يكون بعونكم

[assassin]

الله يعينج

انشالله تسوين طريقة تويا وتسرجعين رسوماتج ;-)

انسوا إن في عضوة إسمها مانجا كوين

never :غضب:

[sakura wakky]

شلونكم يا اعضاء المنتدى ^^


أشكركم على مروركم و اهتمامك بموضوع كويني :"

بس تصدقون بس بس أنتوا اخترعتوا حتى أنا ..:"


بس أنا اخترعت منكم :":

جني مسوية شي غلط ?:


آسفة لأني خرعتكم:"

بس هي قالتلي كتبي جذيه بالمنتدى ?: ...يعني أنا مالي شغل و ما كان ودي أكتب ...بس هي اللي مكبرة السالفة ><

و قالت إذا أبوي ما صلح الكمبيوتر راح تهد المنتدى و الرسم نهائيا ><

إي صج و على فكرة الكمبيوتر (بعد اللي صارله ) قام يمسح أي ملف يديد نخزنه><...يعني يبيله تصليح ....

و هذي هي المشكلة الكبرى بالنسبة لي ...
يعني على سبيل المثال رسمت رسمة يديدة ...و تبي تسجلها و سجلتها و سكرت الكمبيوتر ...

بعد فترة ترد تفتحه و ما تلقى شي

يعني الكمبيوتر مخرف من أمه:غضب:


الله كريم إن شالله ><

و مشكورين كلكم رين..شاهين..L.B ..هداف..princess..تويا..أساسين ..

و إن شالله يوصلها سلامكم و ترد للمنتدى مرة ثانية ^^


سي يو ;-)

[dark nees]

، ههههههههه...........ههههههههههههههه احم احم.... السلام........ههههههههههه........هههههههه والله نكته نكته كبييييييييييره........ مانجا مانجاااااااا:" :" بترد انشاءا لله ولا تقولين جذيه
(( انسوا ان فيه عضوه بالمنتدى اسمها مانجا)) ليش ليش عااااد ليش:" والله من خلال تجربتي ما أظن ان هذي خساره كبيره جدا الخساره خسارة العمر والا شرايش حبيبتي لا تظنين انحنا مو متأسفين عشانش لكن بصراحه انتي مضخمه الموضوع وعاطيته اكبر من حجمه ( وهو الصراحه يعني لو انه اللي مسويه هالشيء وصار لي جان يمكن ما اقدر اصيح واصارخ:" ) احم .. ما قلت شيء لاه ........ ههههههههه الله يقطع بليسك هداف هذي نصايح مفيده جدا انصحك تجربها على نفسك ولو انك الظاهر جربتها..... شو نتيجة الضرب....... استفدت شيء لا اعتقد ، وما أقول لش الا الله يعوض عليش وغيرها بغيرها والله ما يسوي شيء الا صلاح للعبيد;-) والخساره خسارة العمر والا شرايش ، سلمي على مانجا واجد يالله ما أطول عليكم باااااااااااي ونشوفكم على خير ولا تزعلين والا ازعل منش:" :"

[Neo Cid]

عبالي شي جايد .. :6

لا عادي .. الكمبيوترات هالأيام تمر بظروف صعبة بسبب العولمة .. و هذا من حق

الأجهزة كلها ..

و أنا مستغرب اهتمام الشديد من البعض بمانجا كوين .. و فيه أعضاء مميز

تركو المنتدى وما سمعنا منهم كلمة .. ولا محاولة لردهم ..

لكن ما عليه ..

ان شاء الله ترد مانجا بالسلامة ..

و الجهاز لو مصخها أكثر .. استعملوا معاه القوة .. ":"

[Touya]

شدعوة نيوسيد...

بس تدري انت آخر واحد يتكلم... لنا مدة ماشفناك... واخرتها يوم سألتك اخوك عنك من كم يوم تطلع راقد... والله حاله:6

وترى فيه اعضاء كثيرين صح انهم غابوا ولكن انت اعلم منا قد ايش نبغاهم يرجعو... ام زد ام.. مادوكا.. لوجيين... وايلد كيتي (مع انا نشوفها ساعات) وينا و تي ام... صراحة في اعضاء يمكن ماعمري اختلطت معاهم لكن اتمنى يعاودن لهذا المنتدى ومنهم الكثير مثل الرايق و حسن مان... دراك سول و غيرهم وغيرهم وعيسوز.. واعضاء كثيرين.. انا اتمنى كل عضو يرجع لني احس هالمنتدى مامر عليه إلا اعضاء مانذكرهم إلا بالطيب. وكونا بس تجمعنا في هالمنتدى البعيد نسبياً عن المنتديات الثانية يكفيني...
يمكن ماتعرفت على ناس.. يمكن ماشفت رسومهم... يمكن مايعرفوني... لكن اتمنى انهم يردون.. لني اعرف شيء واحد في هالأمور... the more the merrier

إلا ياشباب رواية غاطس له كم يوم... شوفوه خلوه يطلع ترى مفتقدينه..

[Rewayah]

والله زيّغتينا!! ^^

على بالي شيء...


الله يساعدها ويصطلح كمبيوترها بسرعة. ;-)

[أميرة الخيال]

سااااااااااااااااكوووووووووورا



لا تطلعين اشاااااااااااعات




ترى أذبحج (و تعرفيني شنو أسوي فيج لما تتجمع الشلة ):غضب:

ان ما خليتهم كلهم ينطون فوقج و يكفخونج ما أكون أميرة الخيال


(غشمرة عادي):6

[Miss_kimino]

مرحبا ساكورا



شخباج انت و منجا ^_^ إنشالله طيبين


صراحة انا عرفت عن هالحادثة من قبل ..و كله افكر اقول .. كيف اقدر اساعدكم؟؟

كل إلي اقدر عليه إني بطرش لمنجا رسوماتها إلي طرشتلي إيها قبل :0) يمكن جذي ارجعلها ولو شي بسيط من إلي كان عندها ^^


على العموم حصل خير إنشالله ;-)