لاهل الخبرة

[CAPRICE94]

السلام عليكم

انا ادري ان الموضوع مكرر بس تحملونا


ياجماعة الخير انا ودي اشري سيارة لان الكابرس احسه بدا يخربها! ليه! مدري؟
احسه بدا ينتقم بوحشية
المهم ما ودنا ندخل بالقصص الغرامية الي كانت بيني وبينه
بس عشان تدرون معزتي له
اني لن ابيعه
ابعلمكم بالسيرة الذاتية لي عشان من خللها تقدرون ترشحون السيارة الاصلح لي:
1 منب راعي سرعة (في حدود المعقول)
2منب راعي تفحيط (بستثناء التزحيف بعض الاوقات وان كان نادر)
3 اقدر السكن للكابرس والفورد الجديدة
4 اكتم (ادعس)بشكل غير دائم (على حسب المزاج)
5 اقدر اني اسقط على واحد اعرفه في الخط (تندرج تحت لائحة حسب المزاج)
المواصفات المطلوبة:
1 ان تكون قوية وتتحمل كافة الظروف والامزجة القاسية
2ان تكون خالية من العيوب الفنية كما نسمع عن بعض السيارات
3 توفر نظام abs (المانع للانزلاق)
4 الامان
5 تعيش ولسنين مديدية (الله يطول بعمر كل السيارات)
6 تبريد ممتاز
7 وسيعة (مابي لاركب معي احد نصير تقل علبة سردين )
8 السعر معقول
9 توماتيك
ادري الموصفات صعبة(كنها حقت توظيف)

انا ابقولكم وش سمعت وانتم بحكم الخبرة قولوا هو صح ولا غلط:
1 المكسيما : مكينتها من اقوى عشر مكاين ! تتفكك بعد من سنتين الى ثلاث سنوات (لاتعمر) سميت مقبرة الشباب (ترى 2004 شكلها مايستاهل)
2 الكامري : الدفع الامامي سبب دمارها , دلوعة ولا تبي الي ياكل مطبات مثل حالاتي عبدالطيف يلعبها لان الصدمات ما ادري من وين تجي (التورينغ كم سعرة بدون فتحة)
3اللومينا شكل خلاب وميكينة رائعة تمتاز بالقوة ولاكن الخربات هي الضريبة (مصيدة) تحتاج الى رجل ناعمة ولاتقبل بالخشونة
4 الاكورد قطع غيار نار ولكنها صبورة ولكن هناك اقاويل تنقض المعلومة راس مالها 4سنوات
5 زوم زوم حلوة بس مجهولة




اســـــــــــــــــــــــــــــــــــــــــــــــــــــــــــــــــــــــف جدا لاني طولت عليكم بس علشان مايطول الحديث
:# :"

[ALshehre U & S]

اخوي على كلامك...

مالك إلا لكزس ES 300 ..أعتقد هذا إلي بيمشي معك.

[LOVEISBLIND.332]

سلام عليكم ....................


إذا كل السيارات هذي حيرتك أنصحك تاخذ لك كابريس 84 لك وللزمن .......
:0) :0) :0) :0) أمزح معاك ....................... :0) :0) :0)





بصراحه ... إذا معك فلوس وااايده خذ لك لكزس ES 300 وإذا حبيت تكون دفع خلفي لكن أغلى في السعر خذ لكزس GS 300 تقريباً بـ140 أو 145 ألف ..............................................

;-) ;-) ;-) ;-) ;-)

[خبير-السيارات]

اخوي المواصفات الي تبغاها راح تلقاها فيها فورد كروان فيكتوريا 2003 الي يعتبر سوبر صالون وتبريده امامي وخلفي ومزود ب اي بي اس ويعمر معاك انا عندي كروان فكتوريا 2001 بس بدون اي بي اس وعندك كمان نيسان باثفيندر مساحه كبيره وسعر واقتصاد وعلى فكره الفكتوريا اوسع من الباثفيندر نصيحه من اخوك

[CAPRICE94]

للاسف ان الامكانيات محدودة

يعني ما تتعدى الثمانين

يعني انسى اللكزس (اصلا لو ابي اشريها معذرة ماشاورت لانها مايبيلها كلام)
على اشكر كم
بس
وش ملاحظاتكم على الكامري لاني يمكن اشري من موديلات 2004



وماقصرتوا


اخوي راعي الكروان ان احترم رايك
بس مالها داعي اصير كني ابو عيال وانا باقي في الجامعة