بالنسبة للي دخل ليلة البارحة وقعد يسب أعضاء المنتدى ..

**الكونت دراكولا** · 22-07-2003, 06:32 PM

السلام عليكم ورحمة الله وبركاته ..
وصلني قبل شوية من واحد من الأخوان خبر مفاده انه واحد امس دخل وقعد يسب في الاعضاء والمشرفين ..

طبعا أصابع الاتهام كلها توجهت نحو الكونت ..

اول شي حاب اوضح لكم نقطة صغيرة .. انا مانيب بزر وراعي الحركات الصغيرة هذه .. لو عندي شي باقوله باسمي وفي وجه اللي باقول له الكلام ..

ولو اني راعيها كان من اول دخلت باسم ثاني وتهاوشت فيه بدال ما اجيب شبهات لأسمي لاند شارك ودراكولا ..

حركات خش باسم ثاني وسوي عنتر وابعد الشبهات عن الاسم الاول هذه ماهي لي ولا احبها ..

حبيت بس أوضح وجه نظري واوضح اللبس اللي حصل .. واقول لكم الكونت ماهو راعي الحركات الطفولية هذه .. الكونت أكبر من كذا بكثير

**DOOM** · 22-07-2003, 06:49 PM

الكونت أكبر من كذا بكثير

انا اقول كذا بعد.....

بس ترى مو شرط يمكن في احد بيستغل الخلاف اللي صاير -وان شاء الله ترجعون حبايب- ويبي يكبر المشكلة بينكم لمصلحته هو.......
يعني خذها بالعقل لاند غبي لهدرجة يسجل بعضوية جديدة ويسب على باله مش مفكرين انه هو؟
ههههه غير كذا طريقة السب اللي امس مو طريقة رجال يسب طريقة بنات على ماظن وهالشئ واضح مرة لو تعيد تقراه........
عموما فيه شخص واحد هو المستفيد من هالحركة........

**The Noble** · 22-07-2003, 07:09 PM

أصلا المشرف يقدر يعرف اذا كنت أنت أو لا .. يعني ما يحتاج تبرر ..
والتسجيل لو توقف لغاية ما يتم اصدار نسخة البطيخ الجديدة يكون أحسن..

**الكونت دراكولا** · 22-07-2003, 07:33 PM

الرسالة الأصلية كتبت بواسطة BOOOB_2002

أصلا المشرف يقدر يعرف اذا كنت أنت أو لا .. يعني ما يحتاج تبرر ..
والتسجيل لو توقف لغاية ما يتم اصدار نسخة البطيخ الجديدة يكون أحسن..

1- المشرف مو شرط يعرف ان كنت مسجل كم مرة "اسألني راعي منتديات"
2- وحتى لو يدري انا ما بررت .. انا وضحت النقطة للي فهم غلط

**acer2** · 22-07-2003, 09:16 PM

الكونت دراكولا

المشرفين يقدرون يعرفون اهو اي عضو بالضبط

يصيدون الIP ماله

بس !!

**ODIN** · 22-07-2003, 09:23 PM

الله يهديك يالكونت .. والله ما يحتاج توضح ولا تبرر .. معروف برجولتك واخلاقك

**الكونت دراكولا** · 23-07-2003, 12:08 AM

أسير2 : الأي بي يتغير كل مرة تسوي ريستارت للجهاز .. وممكن يطلع اثنين لهم نفس الاي بي بس في فترات مختلفة ..

أودن : الله يبارك فيك ، هذا عشمي فيك ..

king_kubaj : تسلم ع الثقة يالغالي ..

**Ma Chao** · 23-07-2003, 12:13 AM

معروف أنك مو راعي هالحركات

واللي مو مصدق يطق راسه بالطوفة :6

**BiN-3Li** · 23-07-2003, 02:08 AM

اخوي الكونت

الغيث عندما يهطل فكما له محبين

فله كارهين ايضا

**Mahdee87** · 23-07-2003, 03:12 AM

في شي يسموه ضريبة الشهرة :6

مبروووك صرت مشهور

مع اني ما دخلت على المنتدى العام هاليومين "مو راضي يفتح أصلا"

لكن الكونت مو تبع هالأشياء

ولو ;-)

**yosr** · 24-07-2003, 03:47 PM

الي يعرفك يعرفك
و الي يجهلك رح يعرفك

و انا اقول لاند شارك او الكونت دراكيولا ليس بهذه القذارة و انعدام الاخلاق

و بس

**الكونت دراكولا** · 24-07-2003, 03:57 PM

هههههههه ياناس انتوا احلى أعضاء بالمنتدى

**DE NILSON** · 26-07-2003, 07:27 AM

مصدقينك يالكونت

لاتخاف..

**JOE BUDDEN** · 26-07-2003, 02:33 PM

من حكم خبرتنا في المطاقات والمهاوشات التي حصلت في الزمن الماضي فانه يمكن ان تستغل مثل هذه الاوضاع في تشويه سمعه العضو

لاند انت اكبر من كذا وما عليك من كلام المبزرة

انت راعيها

**BMA** · 31-07-2003, 03:50 AM

أقول ...
لا تقعد تصرف ... وتسوي لي فيها مؤدب ... وزحمة ... وزيطة زمبليطة...
الا أنت ونص ... <--- يمديك على خشة العرض هذي!؟!

الموضوع: بالنسبة للي دخل ليلة البارحة وقعد يسب أعضاء المنتدى ..

أدوات الموضوع

بالنسبة للي دخل ليلة البارحة وقعد يسب أعضاء المنتدى ..

Re: بالنسبة للي دخل ليلة البارحة وقعد يسب أعضاء المنتدى ..

ضوابط المشاركة