بسم الله الرحمن الرحيم ........
ممممم والله مدري شلون ابدا .. بس ياليت كلكم تساعدوني ..
تعرفون انو انا صرت مراقبه .. والحمدلله لحد الحين مالقيت اي مشاكل بالعكس الكل متجاوب معي ..
واحب اشكركم على هذا التجواب معي ووقفتكم معي ..
وانا عارفه اني هالايام ماصرت ادخل كثير .. بس لا تحسبون انو وضعي كمراقبه راح يغير شخصيت السنيوره .. بالعكس ريهام مثل ماهي ماتغيرت ..
علشان كذا ابغاكم ترتاحون من هالناحيه انا ماراح اتغير لاني صرت مراقبه ...
بس انا هالايام جالسه احاول اتعلم الاشياء اللي اقدر اسويها ككوني مراقبه .. وعلشان كذا انشغلت عنكم شوي ..
والمراقبين ماقصرو فهموني ..
لكن انا لاني مراقبه كنت عضوه معكم .. وكلكم تعرفوني حبيت اقترح عليكم اقتراح ..
وهذا ااقتراح راح يساعد في تطوير المنتدى .. وان شاء الله تساعدوني ..
امممممممممممممم والله بصراحه انا مااعرف اسوي اجتماعات ..
هههههههههههههههه
بس باقول لكم وش قررت وابي اخذ رايكم عليه ...
اول شي .. احنا عندنا 3 منتديات ترفيهيه .. الاصدقاء والنكت والصرقعه ..
وانا ابغى كل قسم يختص بشي ..
هذا غير اني راح اعطي كل واحد منكم مهام وياليت يتعاون معي ..
اول شي نبدا باهم شي اللي هو الشااااااااااااات ..وبصراحه انا محتاره فيه ...
بس قررت شي ان شاء الله يرضيكم ويرضيني
<<<<<<<<<<<<<<حتى هي تمووت في الشات
علشان كذا حبيت انو احنا نقتصر الشات بس في منتدى الصرقعه..
وراح نحط ثلاثة مواضيع تكون فقط للشات ...
ويمنع تكوين اي شات في اي قسم ثاني او اي موضوع غير مواضيع الشات ...
بس هذا مايمنع انو احنا نسوي حوار في موضوع معين ..
والحوار يختلف عن الشات ..
وبما اني مااقدر على هالشي لحالي ..
حبيت اعين بعض الاعضاء .. بحيث يكون اختصاصهم وضع مواضيع الشات وترتيبها ..
و ينبهون اي عضو يحاول يخرج عن قوانين الشات ويخبروني عن اي عضو يحاول يخالف القوانين ...
وراح اعين الاعضاء
الشاب خالد .. عضو الشات الاول
فلاي باتمان .. عضو الشات الثاني
--------------------------------
ثاني شي ..
كل قسم ابيه يختص بشي ...
نبدا بمنتدى النكت والقصص الخياليه ..
هذا راح نخلييه خااااااص بالقصص سواء كان فيها عبره .. حقيقيه او خيال ..
ويصراحه انا افضل انو يكون القصص من انشاء الاعضاء نفسهم ..
وراح اسوي مسابقة احلى قصه ( يكون كاتبها من جد منتهاها)هههههه
وكمثال على هذي القصص .. قصص سايلنت ايفل ..
علشان كذا راح اعين سايلنت ايفل .. عضو القصص المقلعه
وسايلنت راح يرتب السباق وراح يختار القصص الحلوه ..
وكمان هذا مايمنعه من المشاركه بقصصه لانو قصصه من جد رائعه ..
------------------------------
منتدى الاصدقاء ..
هذا اي عضو جديد يحط موضوع ترحيب له فيه ..
وراح اعين ----->فله عضو الصداقه
وكمان راح نسميه منتدى الخواطر ..
اللي عنده مواهب ادبيه .. ياليت يبدعنا بكتباته ..
ونفس الشي راح نسوي مسابقة افضل خاطره ..
وراح اعين عضو .. عضو الاحساس الادبي ..
وبصراحه محتاره مين اعين بهال المنصب لاني مااعرف مين له ميوول ادبي ..
بس اللي يبغى يرسل لي على الخاص ..
وكمان في منتدى الاصدقاء راح نحط المواضيع الاسلاميه .. مثل موضوع العميد وسايلنت ..
و راح اعين عضو يهتم بهالاشياء وينزل موضوع ديني على الاقل واحد بالشهر ..ويهتم بالمواضيع الدينيه .. وعلمني اذا اي
واحد استهزا او غلط على الدين ..
وراح يكون العضو هو العميد ...
--------------------------------
منتدى الصرقعه ..
ومثل ماقلت قبل هذا راح يكون للشات ..
وراح يكون كمان خاص بمواضيع النكت .. والصور المصرقعه ..
وراح اعين ريمو ودنيلسون والقناص ..
-------------------------------
وهذا غير انو كل اسبوع راح نطلع عضو مميز .. طبعا من خلال مواضيعه ردوده وتعامله مع الاعضاء الثانين ..
وراح اسوي قائمه بالاعضاء المميزين ..
--------------------------
وقبل لا انهي كلامي عندي كم طلب ..
اول شي .. ماابي اي مشاكل بالمنتدى واذا فيه عضو بينه وبين اي عضو ثاني مشكله يرسل لي على الخاص علشان لا تكبر المشكله ..
ثاني شي .. لاحظت انو في كثير يحبطون الاعضاء بالردود .. مثلا واحد يكتب موضوع تقولون له قديم او تجلسون تتريقون .. ياليت مايصير هالشيي ..
ثالث شي .. يمكن انا اختلف عن المراقبين الاخرين لانو ماراح اوقف اي عضو حتى لو غلط بس راح اتبع معه اسلوب ثاني .. راح تعرفونه بعدين ..
واهم شي ماابي اي احد يزعل مني .. لاني قبل لا احرر او انقل اي موضوع .. راح ارسل رسالة اعتذار ةابين السبب للعضو ..
-----------------------------------
اي واحد يبي يشارك او يبي ينسحب يقول لي ..
..
..
..
:AR15firin