تقرير....jojo's bizarre adventure

**Aziz_is_Jotaro** · 26-07-2003, 08:31 PM

بسم الله الرحمن الرحيم

السلام عليكم

قوه شباب صراحه هذا اول تقرير اسوي للمنتدى وانشالله افيدكم.

وراح اتكلم عن انيمي مو مشهووور بس حلووو حييييييل وانا احبهواهو

jojo's bizarre adventure

هالانيمي يتكون من 13 حلقه وصراحه انا مااعرف منو المخرج وهالسوالف

اهم شي اطالع:6

عالم الانيمي:

الانيمي هذا وقته اهو وقتنا الحالي بس في مصطلحات بهالانيمي ودي احطها
stand:اهو المقاتل اللي مع الابطال اشبه يعني بجني الشخص يعني كل شخصيه لها جني خاص فيها.
واللي عنده ستاند يشوف ستاند عدوه اما اللي ماعندهم ستاند فمايشوفون ستاند الشخصيات.

القصه:

تدور القصه عن فامباير يعيش من مئات السنين.
وهالفامباير اسمه dio(بالايطالي اله)وهو يعيش على دم عائله جوتارو وانتظر سنين طويله على ما يعود للحياه.
وهالمره قدر يرجع للحياه revive
وهالمره اذى عائله جوتارو كوجو واهو راح يقضي عليهم عشان يكون خالد واقوى واحد بالعالم ويحكم العالم.
وعند استيقاظه من السبات الذي نامه تأثرت ام جوتارو وماكان من جوتارو الا انه يقضي على ديو ويخلص العالم من شروره.

البدايه:
عند بدايه المسلسل يدخل جد جوتارو عليه بالسجن....لان جوتارو
كوجو(طالب ثانوي) احس بشي سي حصل.
وتعارك مع طلاب المدرسه(انا هالسنه تهاوشت مرتين)
وطقهم طق سنه بساعه....اي ضربهم وابرحهم ضربا.
ويجد جوتارو متضايق والسبب هو استيقاظ ديو.

جد جوتارو (ابو امه) كان قادم من امريكا وياتي لجوتارو ويحاوره بشغله مهمه ولكن جوتارو الباد بوي يرفض جده ويفضل البقاء بالسجن ويبدي القتال بين جوتارو وعبدوول.ساعرفكم على الشخصيات.

وعندما يخرج جوتارو من السجن وبينما هو في المنزل...هو وجده وعبدول
اطيح ام جوتارو...والاطباء مايعرفون يشخصون حالتها..وبعدين جد جوتارو يقوله ان لازم بذبحون ديو.......وتبدي الرحله لقتل ديو

في مصر...يعني عندي اهني;-)

**vampier hunte D** · 26-07-2003, 08:58 PM

مشكور Aziz_is_Jotaro علي التقرير وشكل المسلسل حلو وأنا رايح اشترية ونستني منك تقارير حلوة ;-)

**Aziz_is_Jotaro** · 26-07-2003, 09:00 PM

الشخصيات:

jotaro kujo

اهو بطل المسلسل ذكي....صامت مايتكلم وايد....قوي...وعليه قوه ملاحظه.
عمره 17 اعتقد(قدي).
يشرب سجاير(لو مافيني تنك وربو جان شربت شجاير...اي شي:6 )

يا جماعه شوفوه بالحلقه اللي يلعبون فيها جنجفه. راح يعجبكم.
البدله اللي لابسه اهي المفضله عنده.
جد جوتارو قبل تعارك مع ديو.ديو اهو عدو جوتارو.

jotaro's stand
star platinum

اقوى ستاند على الاطلاق.....اول شي جوتارو ما اطلق عليه اسم خيرو جوتارو من بين اوراق تاروت وطلع له اسم ستار بلاتينوم.

اقوى ستاند وعليه قوه ملاحظه ومرات اهو اللي يتحكم بجوتارو وجوتارو ما يتحكم فيه.

هالستاند مو long range stand
يستخدم ايده س ومايقدر يطلق طلقات او شي من هالطقه.
راح يستخدم طريقه....اسكت عشان ما اخرب عليكم.

**wargery-x** · 26-07-2003, 09:03 PM

شكرا على التقرير الرائع

**Aziz_is_Jotaro** · 26-07-2003, 09:32 PM

joseph joestar

جد جوتارو....(ابو امه)
اهو اللي يعرف عم ديو ويدري ان ديو يبي ياخذ دم عائله جوجو عشان يصير خالد....واهو بعكس جوتارو يخاف من ديو ويجمع جماعه لقتل ديو اما جوتارو واثق ان بروحه راح يغلب ديو.

دايما يكون مع عبدول....اهو اللي يقود الفريق مو قوي.
بس كلهم يحبونه.
(سوري شباب مالقيت الا هالصوره)

joseph stand
purple hermit

ستاند جوزف اهو الشي الوردي اللي يطلع من ايدينه.
اضعف ستاند...جوزف يسيطر علي ولولا حكمه جوزف جان مات.
والسبه ان هذا اضعف ستاند.

**Aziz_is_Jotaro** · 26-07-2003, 09:37 PM

vampire hunte d

العفو بس هذا واجبنا تجاه المنتدى...وانا انصحك تشتريه لانه حلو وقصير واول مايخلص راح اتقول ابيهم ينزلون حلقات جديده.وانشالله اتحفكم بالتقارير.

wargery_x

العفو ومشكور لانكم شجعتوني وانشالله راح اكمله...واتمنى ان يكون واحد من تقاريري بالمميزه.

**Aziz_is_Jotaro** · 26-07-2003, 09:54 PM

avdol

يعني عبدول يمكن قصدهم عبدالله....الله اعلم...هذا مصري وتعرف على جوزف جوستار....وكان من اللي يستخدمون الستاند....قابل ديو مره وعرض عليه ديو انه يقتل افراد عائله جوجو وبالنهايه يلقى جوزف ويكون صديقه ويتفقون على قتل ديو وتخليص العالم من شروره.

avdolo stand
red magician

هذا ستاند عبدول.....اهو عباره عن طير ويطلق نار واهو قووووي حييل
بس ماقدر على سرعه ستار بلاتينوم.
(اسف عالصوره)

kakyoin

كاكويين شاب ياباني طيب وقوي......سيطر عليه ديو وسيطر على مخه وارسله عشان يقتل جوتارو بالمدرسه بس جوتارو ينقذه ويصير مع عائله جوجو عشان يقتلون ديو.

kakyoin stand
i du remember the name sorry

ستاند قوي يعتمد على القتال من بعد long range
هالستاند يطلق طلقات قويه حييل.....اهو عباره عن خيوط متجمعه ويقدر يمدد روحه ويكون حبل طويييييييل.
بس دفاعات هالستاند مو قويه....يعني بطقه وحده يتأثر حيييييل.

**anime2000** · 26-07-2003, 10:15 PM

مشكور اخوي Aziz_is_Jotaro على ها التقرير

هو انيميشن حلو مره والي يفوته فهو ما شاف شي

بس حرام عليك ها الأنيميشن مشهور مره

**Aziz_is_Jotaro** · 26-07-2003, 10:20 PM

polnaref
and his stand

شباااااااااااب ماعرف اسمه بس اذا رديت الكويت اضبط لكم جم صور حقه

هذا بولنارف فرنسي ميته اخته اللي ذبح اخته اهو ديو وقال لبولنارف ان اللي ذابح اخته اهو جوتارو(والعبيط صدق على طووول)
فراح ينتقم من جوتارو وبالنهايه...يغلبونه قروب جوتارو وربعه.
ويصير منهم.

ستاند بولنارف قوي حييل وسريع ويستخدم سيف ليقتل اعدائه.

iggy

ماعليه الصوره صغيره لانه كلب(رقعها لانه مالقى صوره كبيره)

هذا عضو من اعضاء التيم وكانو ينتظرونه فريق جوتارو بالصحراء وكان جايهم بهلكبتر (طياره يسمونها هيلكوبتر)
واول ما جا تقاتل مع بولنارف وبغى يغلبه(مسكين بولنارف دايما معصب ويتمصخر..كان معصب لانه كان بالصحرا واخر شي يكتشف انه ينطر كلب)
اخر شي يهديه جوتارو ويعطيه علكه.

iggy's stand
the fool

اتشوفون الشي اللي فوق الكلب؟
هذا اهو ذا فول.
هذا ستاند قووووووي حييييييل من اقوى الستاندات.
وهالستاند ترابي يطق بالرمل يعني.
ويستطيع الطيران وبدون لا يسوي ازعاج.

ياجماعه حلقه iggy the fool

حلوه حييل لا اطوفكم

**~Kitty~** · 26-07-2003, 10:56 PM

مشكووووور اخوي Aziz_is_Jotaro على التقرير الرائع و اخيرا شفنا موضوع منك و ما شاء الله عليك طلع روعة بالنسبة لاول موضوع

يعطيك العافية اخوي على الموضوع الرائع وان شاء الله اشوف المسلسل لانه 13 حلقة :6

باي

**DarkLordDragon** · 27-07-2003, 01:32 AM

السلام عليكم... هلا أخي العزيز جوتارو... كيف حالك!؟ إن شاء الله مرتاح وبصحة وعافية... ما شاء الله عليك أخترت أنيمي مميز الحقيقة, موضوع رائع يا أخي الغالي وأشكرك من أعماق قلبي على هذا الموضوع... الله يعطيك العافية أخي الكريم على الجهد الذي بذلته... أنا بصراحة لم أشاهده و لكني أنتظره بفارغ الصبر, لأني بالفعل أعجبني لعبته كثير (أقصد لعبته القتالية) و الشخصيات من أروع ما يمكن و أفضل شيء أنه أنيمي قتال, بصراحة أنا واثق أن هذا الأنيمي هو أنيمي مميز و بكل معنى الكلمة و يكفي أنه من إنتاجات نفس المخرج لفيست أوف ذا نورث ستار كما عرفت... أنا أفضل شخصية عندي هو ديو و جوتارو و لكن لاحظت أن أحد شخصيات اللعبة غير موجودة في الأنيمي و هي شخصية الخادم Iced أو أسمه الآخ Vanilla Ice Cream بصراحة كان مقاتل قوي جدا في اللعبة و إذا ظهر في الأنيمي اتمنى أن أرى صورة أو صورتين له و سأكون لك شاكرا... ومرة أخرى أشكرك على هذا الموضوع الرائع وإن شاء الله إنشوف المزيد من إبداعاتك... وإن شاء الله نسمع من في القريب العاجل وإن شاء الله إنشوفك على خير... والسلام ختام!