تـــززز (1) ززز
بحلّ يا الفليت .
تـــززز (2) ززز
كلن على همه سرا....حنا وين وهاللي جاي يغسل وين...لا ويهشني هش الله وجهه..ياحلالات بس من يربطه ويقعد يتمردغ على هالحنيني اللي يلصف على يديه.
تـــززز (3) ززز
هالحين وش هاللي بيني وبين نافذة هالمستقبل هذي ، هذا وهو المستقبل المنظور وش لوه اللي مهوب منظور.
تـــززز (4) ززز
الظاهر يبي لي آخذ عزم واجيك صافطة الجنحان وادخل شطف...الا صدق على طاري الشطف من ذا اللي سحب السيفون على غفلتن مني...هذا وانا اقول اني مصحصحة و عشا الليلة مضمون ، والله البلشة !
تـــززز (5) ززز
مهوب كني لمحت ذبابة ردتني بيدينها يوم جيت اخترق المستقبل...لاتكون بس هي اللي تردني كل هالوقت... شكلي بديت اتوهم واعتقد بنظرية المؤامرة !
تـــززز (6) ززز
أح.. وجعتين توجعك...وانا قاعدة فوق راسك يومك داخلن مستقصدني...اف اف اف وش جاه ذا انهبل...وش يبي ذا...اي اي اي..والله اللي حجرني...هأأأ وو..على مين يابابا.... فاتح لي الدريشة الثانية عشان اطلع منها..ايه هين..اصلا انا جاية منها..وما لي الا نافذة هالمستقبل هذي وطالعة يعني طالعة منها الله لايعوق ببف .
تــــززز ( 7 ) ززز
يعني بدل ماتدخل تطلّع لنا حاجة حلوة نمشي حالنا فيها..داخل وجايب معك الشر.
تــــززز ( 8 ) ززز
اذكر مرة يوم اسأل شيخ الذبان عن الحكمة من وجود الأوادم في هالدنيا ، قال لي : يا تززة يابنيتي تلقينهم يقولون عنا نفس الكلام..ايه الله يذكرك بالخير ياشيخنا أي يقولون نفس الكلام وأي سيفون...هذولي شرق والتساؤلات التأملية غرب...اصلا ماعندهم في الحياة الا محارشنا .
تـــززز (9) ززز
لحظة.. خليني أحسبها صح...واشوف وش هاللي يردني..اجي مسرعة واذا وصلت ارتطمت بشي ما اشوفه...اصبري... لا يكون الفليت اللي رشوه علي ذيك الليلة لعب بعيوني..لا يابنت الحلال ماظنيته...هذاني اشوف كلش ..يعني جت على نافذة مستقبلي هذي..ماصار فليت ذا . ذا فليت العيوني ( زززززززززززززز ) شكلي انهبلت قمت اضحك في هالحمام بالحالي بسم الله
علي .
تـــززز (10) ززز
ايــه... مابقى من العمر كثر ما مضى....ضيعت عمري وانا احاول اقتحام هالمستقبل اللي على حظي صار مستدبر ، ...هذا وقته! ، ...من ذا اللي جا بعد؟! ... ايه خذ راحتك ماحد قدك ... لا حاضر ولا مستقبل ما عندك الا الماضي والخراط الفاضي.....ماعندك مضارع الا ( هالسـيـــفـــونــــيــــات ) اللي تعزفها كل يوم
