قبل لا تكسر جهازك ..

[عماد 18]

في البداية ..
ما اقدر احكم على اللعبة حتى اتاكد انها النسخة الكاملة ..
يعني اسلوب اللعب فيه كم مشكلة ..
مثل ضربات الراس الضعيفة ..
المهم ..
في شي رفع ضغطي بزيادة ..
اللي هو الفاولات العجيبة !!
يعني في البداية توقعت انه عيب برمجي ..
بس لما دققت ..
اكتشفت انها تحسب عند حصول لمسة يد !!
يعني احيانا لما تسدد الكرة و تصطدم باللاعب اللي قدامك تحصل على فاول ..
و لو تلحق و تحط الاعادة راح تلاحظ انها لمسة يد ..
هذه النقطة حبيت اوضحها ما ادري اذا في احد ذكرها قبل او لا ..

[khalid:86]

هلا اخوي عماد

لكن الرأسيات انا مجربها لما تضغط مربع بقوه والسهم على اتجاه الكره راح تشوفها مثل الصاروخ
انا جبت بفيري جول رأسي صاروخي الحارس ماقدر يسوي شئ مرت من فوقه

[abu musa]

مشكووور اخوي

[ظل رمادي]

هيييييييا عاد لمسة يد تحتسب فاول ليش هي سارت لعبة كرة قدم البنات ولا شنو؟?:

[master seymour]

يا ريال !!!! هو اصلا يبالك تضغط عالجير بقوة وتصوب وشوف كيف الصواريخ تكون":"

[عماد 18]

الكرة لما تلمس يد اللاعب شي معروف انها تحتسب فاول اخ ظل رمادي ..
وش دخل البنات بالموضوع ؟؟

و مشكورين على ردودكم ..

[Xenon]

السلام عليكم,,,
صح كلامك لمسة اليد مالها داعي خاصة بهدمات خطرة شوي تحسبه قول ولا يصفر الحكم ودك تسطره مايطلع الا بس يوزع كروت ويرجع يشرب شاهي..

بس صراحة بشكل عام اللعبة حلوة ومبدأ اتاحة الفرصة رهيب ... ويبغاله الواحد شوي يتعود على اسلوب اللعبة الجديد..

وشكرا.

[mad_dog]

بخصوص الفاولات اللي لمن تلمس اليد هم يبون يخلون اللعبه واقعيه

والراس على حسب اللاعب مثل اذا عطاها راس لاعب فنان بتجي قويه

لاعب ما يعرف الراس تجي خفيفه

[Mesharey]

الرسالة الأصلية كتبت بواسطة عماد 18
بس لما دققت ..
اكتشفت انها تحسب عند حصول لمسة يد !!
يعني احيانا لما تسدد الكرة و تصطدم باللاعب اللي قدامك تحصل على فاول ..
و لو تلحق و تحط الاعادة راح تلاحظ انها لمسة يد ..

أخيرا أضافوها !!
لكن الإضافة شكلها للأسوأ ..

عموما انتظر النسخة الكاملة..

[SoZu]

السلام عليكم..

أولا بخصوص النسخه هذي.. أعتقد أنها الكاملة.. و لا توهمون انفسكم ان النسخه الاصلية راح يكون فيها تغيرات.. لأ.. اذا كلش كلش راح يكون فيها بيكهام في ريال و رونادينيو في برشلونه..

أنا مع عماد بأن ضربات الرأس أصبحت ضعيفه (جدا).. و احيانا تضبط معاك و تصير (ضعيفه..) او متوسطه القوة.. لحد الان ما امتعتني الرأسيات..

لمسه اليد من ايجابيات اللعبه.. تعطي اللعبه شوي من الواقعيه.. و انا معاكم انها موبذاك الزود لكن شي حلو.. المفروض عن حصول لمسه اليد تطلع لك علامه يد او شي كذا.. لأني ما اكتشفت ان فيه لمسه يد الا امس.. كنت احسب انها اوففسيد او فاول غبي..

على العموم.. مشكورين على الموضوع

":"

[محب الأجهزة]

انا لاحظت في البداية ان كان فيه فاولات غبية .. بس لما دققت اكتشفت انها من لمسة يد ..

إضافة حلوة للعبة .. وراح تكون اول لعبة فيها فاولات من لمسة يد ..

وكلكم تعرفون إذا لعبت بالدوري الياباني 6 أو غيره .. تشوف الكرة تلمس يد اللاعب وتنقهر .. وكلنا كنا نقول ذيك الايام : ياليت فيه فاولات على لمسة يد !!

أحيانا هي تقهر خاصة إذا كانت هجمة خطرة .. بس حركة جميلة واشكر الشركة عليها

[SoZu]

صحيح كلامك يا محب الأجهزة صارت معاي وايد سالفه لمسه اليد في الاجزاء السابقه و كنت اقول ياليت فيه ميزة الهاند!!..