هل تفضل انك تلعب فاينل فانتسي لوحدك او معك احد وما هو الوقت تفضل فيه لعبها

[ashley.riot]

بسم الله ....

الموضوع يا شباب ...........
هل تفضلون انكم تلعبون فاينل فانتسي لوحدكم او معكم احد ؟
وما هو الوقت الذي تفضلون فيه لعبها ؟
وهل تطفئون الانوار عند لعب اي جزء من سلسلة فاينل فانتسي ؟
وكيف تستقبلون اي جزء جديد من سلسلة فاينل فانتسي ؟

بالنسبة لي افضل اني العبها لوحدي بعيدا عن الازعاج وبالليل واطفي الانوار وصراحة تحس بجو مختلف اذا طفيت الانوار وصارت ريحة الغرفة حلوة افضل انكم تحطون بخور كمبودية ....
انا ودي العبها عند البحر والليلة مقمرة ...الله يالخيال ":" ":" ....تخيلوها شباب ...
وبالنسبة لاستقبالي فاينل فانتسي ....انا تطلع روحي اذا شفت الغلاف من شدة الفرحة وافتح الباغة الي فوق الغلاف برفق شديد ....
وانظف الجهاز من الغبار خوفا على الديسك رغم انه اصلي ....بس قبل ما اشغل الديسك اقرا الكتيب ....
ماذا عنكم شباب ...

[Yamato]

بسم الله ....

والله انا احب اني العبها بروحي واتمنى انه ما يكون في مخلوق حي على مساحة الغرفة اللي انا فيها.. لا صدق ما ابي حد يكون موجود معاي بالغرفة علشان افضى للعبة بكل حواسي الاربعة (استبعدنا التذوق لاسباب معروفة)..
بس انا ما اطفي الانوار.. مب زين حق العين الصراحة.. وما تهمني الريحة حتى المهم اكون قاعد العبها..

والنسبة لاستقبالي فانا اخر فاينل فانتسي (العاشر) اشتريته اصلي وقعدت اشل الغلاف اول شي برفق بس لما افتحه بزيادة امزقه شر تمزيق علشان اول للي اريده..
وما اقعد اطالع في الكتيب الا واللعبة في الجهاز واكملها بعد ما اخلص من لعبي في ذاك الوقت...

":"

[ashley.riot]

والله انا احب اني العبها بروحي واتمنى انه ما يكون في مخلوق حي على مساحة الغرفة اللي انا فيها.. لا صدق ما ابي حد يكون موجود معاي بالغرفة علشان افضى للعبة بكل حواسي الاربعة (استبعدنا التذوق لاسباب معروفة)..

طيب تخيل في صرصور في الغرفة ......يزعجك .............ايش راح تزين .... ...
ما ودك تلعبها على البحر والليله مقمرة ؟((بس تخيل ))..

[ash 90]

طبعا لوحدي و اذا جاء احد اسكره

الوقت لازم يكون الفجر...جو شاعري درجة اولى

اطفي الانوار و يضيئني ضوء الشمس ":"

الجزء الجديد ...ممممم...انام جدام المحل مع اخوانا اليابانيين

[Flanteus]

هل تفضلون انكم تلعبون فاينل فانتسي لوحدكم او معكم احد ؟

أكيييييييييييييييييييييييييييييييييييييد":"
وبدون ازعاج ... وما أرتاح الا اذا البيت سار فاضي

وما هو الوقت الذي تفضلون فيه لعبها

أي وقت ما أكون مشغول فيه .... يعني بين الصلوات مستحيل
بعد الفجر في الصباح وتكون غرفتي تشبه تماما العيادة في فف8 .. جو رائع ..... أو في الليل ...

وهل تطفئون الانوار عند لعب اي جزء من سلسلة فاينل فانتسي ؟

ممممممم ... ما جربت ... .. بس راح أجرب في فف12 ":"

وكيف تستقبلون اي جزء جديد من سلسلة فاينل فانتسي ؟

كأي شغالة جاتها رسالة :6 .....
من المحل تلاقي لعابي يسيل على غطا الشريط ( أشوا انه مقرطس:6 )
ولمن أفتح أفتحه بهدوء بعدها تجيني هيستيريا .... وأقطع الغلاف ":"
<------- سم سم Fun :6

وأهم شيئ الكتيب .... أترك اللعبة وأقرى الكتيب وأنا أشغل الشريط ( ويكون الإهتمام الأكبر الى الكتيب طبعا )
وبعد ما أنتهي أتفرغ للعبة بشكل تام .....

ما ودك تلعبها على البحر والليله مقمرة

جو صراحة .....الليلة مقمرة تكفي


شكرا لك .... سلام .

[Tchaikovsky]

السلام عليكم ..

بالنسبة إذا احب احد يتفرج علي؟؟

عادي عندي اصلا اخواني وانا رايح المحل ابي اشتريه يدقون علي
كبيرهم وصغيرهم ....ولا يزعجوني ولا شي ..(اصلا لو تكلمت جلدوني) و الحمدالله خاش جو مع اللعبة
بدون ازعاج ولا شي ..

والوقت بعد صلاة الفجر بنص ساعة ..بس لاتفك الستاير وطف اللمبة(في الصبح طبعا) أما في الليل والغرفة مبخرة و قمرة حشى هذة شعوذة موب لعب (شكلكم تلعب مع جن).....

اما استقبالي للعبة اول شي أحب الغلاف (بس في السيارة طبعا .. مالها داعي يشوفك شايب يقلقك..)
وبعدين اقعد اتئمل فيه من 10 الى 15 دقيقة وأتذكر يوم كنت أنابع اخباره
واقول:آه آه آه متى يننزل:"

[Flanteus]

والوقت بعد صلاة الفجر بنص ساعة ..بس لاتفك الستاير وطف اللمبة(في الصبح طبعا)

نفسي


بس أنا الحين يخف علي الحماس من كثر ما أتابع أخبارها ....

وكانت الأجزاء السابقة تنزل على غفلة ....وما كنت أتابع أخبارها نهائيا ..

فكانت مثل المفاجئة غير متوقعة :6


سلام

[Yamato]

الرسالة الأصلية كتبت بواسطة ashley.riot

طيب تخيل في صرصور في الغرفة ......يزعجك .............ايش راح تزين .... ...
ما ودك تلعبها على البحر والليله مقمرة ؟((بس تخيل ))..

عادي.. انا معروف بحبي للصراصير..

وما ابي العبها عالبحر.. الجو برد...

[master seymour]

سلاااام

هل تفضلون انكم تلعبون فاينل فانتسي لوحدكم او معكم احد ؟

اكييييييييييييد وبدون ادنى شك مع نفسي فقط ":" ليش تشحن لك 5 او 6 في حجرتك وانت تلعب ما تركز ابد مب صعبة شوي

وما هو الوقت الذي تفضلون فيه لعبها ؟

أي وقت اكون فيه فاضي أقوم اشغل السوني وألعب لعوبي

وهل تطفئون الانوار عند لعب اي جزء من سلسلة فاينل فانتسي ؟

لا ..ليش اطفي النور؟؟ قاعد أطالع فيلم رعب أنا

وكيف تستقبلون اي جزء جديد من سلسلة فاينل فانتسي ؟

من الفرحة شوي وبيطلع قلبي من فمي
ولما ألعب ارش شوية عطر ... الفوووود ما انساه لازم عدالي ..الجير اعسه من الوصاخة ......ألحس الشريط ... والعب الين ما أشبع لا جا وقت الصلاة أصلي وأنام على طول
سلااااااااااااااام

[THE_ZODIAC]

و الله احب العبها

و معاي الشباب الحلوين

Alkaizer - Doomsday - kuwaitknight - xiphoid - chevonisky


اللعبة جذي تصير حلوة

ما في احلى منها مع الشباب

سلام

[QataR NighTMarE]

امممممممممممم موضوع حلو لكن شدخل البخور:6

احب العبها بروحي لأن اللعبه تبي تركيز وانتباه لازم مايفوتك مقطع صغير من اللعبه والا بتخترب عليك القصه:":
اول شئ اخواني يجوني يبون يشوفوني العب
احيانا اخليهم واحيانا تشوت برع الغرفه:6
احب العبها بعد ماطفي النور
اصلآ انا احب القعده بالظلام
والصراحه من ينزل جزء جديد اقعد اعد الأيام للنسخه الأنجليزيه
لأني مستحييييييل العب لعبه من سلسله فاينل فانتاسي الا لازم تكون انجليزيه عشان افهم القصه لأنها اهم شئ
وان لعبت الياباني راح اخرب كل شئ على نفسي
يعطيك العافيه

[BOiND]

هممم

هل تفضلون انكم تلعبون فاينل فانتسي لوحدكم او معكم احد ؟

هممم اذا كان عدالي واحد انطحه نطح :6

وما هو الوقت الذي تفضلون فيه لعبها ؟

الساعة 3 الفجر لين صلاة الفجر
الاهل نايمين وانا قاعد العب على راحتي :6

وهل تطفئون الانوار عند لعب اي جزء من سلسلة فاينل فانتسي ؟

فقط الجزء السابع
في حالة وحدة

لما اوصل للسفروث الحقيقي
مني اموت في اللعبة :6

لكن عند الساعة 3 لازم اطفي الانوار :6

وكيف تستقبلون اي جزء جديد من سلسلة فاينل فانتسي ؟

ب m-16:6 >>>>>> اوقف عند باب المحل انا والربع
+
bazooooooooooooooka:6 >>>>> نشتري كذا مجلة فيها معلومات عن اللعبة
+
torbeydo:6 >>>>>>> انالوج لعب جديد للبلاي +ميموري خاصة باللعبة
+
m-97:6 >>>>>> البطانية واللحاف عند باب المحل :6

اما اذا تقصد اني يوم اشتريه

انا +بن لادن + صدام + كوب البيبسي :6

طبعا اروح انا واجيب السكين >>سفاح<< واشيل البلاستيك من العلبة ، واخذ الغلاف واحفظة عندي في مجلد خاص بالاغلفة ، واحتياطا اعمل منه نسخة على الاسكانر :6

[sion001]

أصلا ما في غيري يتقن لعب الفاينل فانتسي في البيت .. و إلى الان ما جربت طريقة اللاعبين ..أنا بطلة فاينل فانتسي (6)

[Phoenix Wing]

أنا أفضل ألعب اللعبة تحت ليلة مقمرة...على شاطئ من شواطئ مانهاتان...
وأفضل أنادي خويتي معاي ونلعبها سوى.....تخيلوها؟ الجو بيكون منتهى الرومانسية....... وبعدين نضحك.....ها ها ها ها .....ها......

....................


....................


أمزح......

أحب ألعبها في غرفتي... ما تفرق معاي إذا النور والع ولا طافي...لأني أواصل عليها ليل نهار إلى أنهيها.....

بالنسبة للإستقبال...أنا أستقبلها بأحر من الجمر...أقولك قصة استقبال أي جزء؟

أقولك ياهم كلهم.....

FF7... شفتها....قلت الاسم موغريب علي (لاعب 3 قبلها) واشتريتها عشان الدعايات بنت الكلب اللي في المجلات...

FF8... طلعت أمريكا عشان أشتريها أول ما تنزل (لحسن حظي، نزلت في الصيف)... و خلصتها في ثلاث أيام من غير نوم....

FF9... اشتريتها يابانية، كنت أتمنى أتعلم اللغة وقتها ولما اتعلمت شوي نزلت الأمريكية....اشتريتها من بيت الكمبيوتر...

FF10... اشتريت الجهاز عشانها... ولما نزلت اشتريتها....فرشت البساط الأحمر حق الVIP واتحمست.... لعبتها بمنتهى الحماس (قريت الكتيب بعديييييييييييييييييييييييييييييييين).... بس للأسف...مليت بعد ما وصلت الكالم لاندز....

...Well..That's it

.T.W.K

[roana]

هآآآآي

احب العابها انا مع نفسي

بس في ناس اول ما تنزل فاينليي يرحوون يشترونها على طووول

بغض النظر اذا كان عنده وقت يلعبها ولا لأ ...

انا رفيجتي يابة FA في ماده والسبب فاينليي...

لوووول ... ما داوم خير شر