السلام عليكم
شلون الاعضاء انشالله بخير
نبدا ... هاليومين كنت افتر بمحلات الالعاب بالكويت وصارت لي احداث
رحت الرحاب قبل يومين وكنت اسأل عن اسعار السوني والصراحه تعقدت من المحلات ... لكني اكتشفت ان فيه قطعه تطوير جديده اسمها ( مسياح )
والسالف اني دشيت ورشه وبعد السلام قلت له (عندك تطويرة ميسايا 2 )ولا يقول ( قصدك مسياح ) وانااي هي ميسايا 2 ... والريال كانه يضحك علي ويقول شهالغبي ( يالحبيب اسمها مسياح ) وانا لسان حالي يقول ؟؟؟؟؟؟
رحت محل ثاني ادور على العاب ار بي جي عالسوني 1 ودشيت محل استغربت منه ... من بين العاب البلاي ستيشن 1 حصلت فاينال فانتسي 6 وانا الي اعرفه ان فاينال 6 كانت عالسوبر ننتندو وفاينال 7 كانت اول لعبه لسلسله فاينال عالسوني ون فأبي اعرف هم سولها ريميك عالسوني ولا شنو ؟ لاني اول مره اسمع بهاللعبه
المهم شريت اللعبه وشريت العاب قديمه من محلات ثانيه وهي suikoden الاول والثاني وانا حاليا قاعد العب الثاني بعد ماختمت الثالث ( الثالث عجيييييييب والثاني روووووووووووعه انصحكم تلعبونهم ) والاول للحيني ماجربته
وشريت xenogears ماشفت منه غير عرض البدايه لاني كنت مستعجل ... بس شدتني الموسيقى مالتها خاصه انها من ميتسودا
وكذالك شريت parasite eve 2 وللاسف ماحصلت الجزئ الاول منها ( اذا حد منكم يعرف محل يبيعها ) وشريت لعبه روعه مع اني ماشفت منها الكثير ... لعبه سمعت عنها وايد واول ماشفتها ماترددت على طول شريتها
انها valkire profile والله ماتوقعتها بهالشكل ... لا وفيها الشخصيات تتكلم وتسمع كلامهم ... عالكيف
انا انشالله بختم كل هالالعاب ... وابيكم تقولون لي ... تنصحوني بالعاب ار بي جي قديمه غير هاذي ؟؟ وشنو رايكم بلعبة سكوير threads of fate تستاهل الشراء ولا لا ؟
.................................................................................................... ....
هههههههههههههههه شرايكم بالبدليات العجيبه الي موجوده بدعايه موقع جيم ماسترلاحظوا الدعايه الي فوق الي فيها الصبي ابو شعر ازرق ومدري شالرابط بينه وبين الالعاب .... البدليات هي ( وتريد موقع يلبي جيمع رغباتك ) والمفروض ( جميع )
( كل ماترديه )
لووووووول الحين دعايه لازم يكون فيها شوية تركيز وفيها بدليات ... انصح بتعديل الدعايه
لا ويقول ( التمس الفرق ) دعايه تايد للغسيل مو موقع العاب
.................................................................................................... ....
مالاحظتوا شي غريب على موقع جيمز فور ارب ؟؟
ماتلاحظون انه قام يمدح بالاكس بوكس والننتندو خاصه بطريقه غريبه او مبالغه ... يعني انا شفت انه كل مايذكر ننتندو يقول ( الرائعه ) و ( العظيمه ) ومن هالمدح وهالشي ماكان يسويه قبل بس لاحظت انه بدأ يسوي هالشي من بعد الانتقادات الي وجهت له والي تقول انه متحيز للسوني ومايعطي الاجهزه الثانيه حقها
انا مااقول ان الكيوب مو رائع وعظيم بس انا لاحظت هالشي بالموقع وحبيت اعرف اذا انتم بعد لاحظتوه
.................................................................................................... .....
اخبار
- اعلنت شركة ( Koei ) عن اصدار لعبة ( Dynasty Warriors 4: Xtreme Legends ) على البلاي ستيشن 2 في شهر نوفمبر , واللعبه تعرض جميع شخصيات اللعبه بالجزئ الرابع ( وهم 42 شخصيه لكل شخصيه القصه الخاصة به )مع اضافات اخرى في المراحل و بزيادة طور جديد .
- اكدت ( سوني ) ان لعبة الار بي جي ( Arc the Lad: Twilight of the Spirits ) ستكون متوافره بالنسخه الاوروبيه في اوائل العام المقبل . يذكر ان اللعبه من تطوير ( Cattle Call ) .
- نشر موقع ( ign ) بعض الاشاعات التي اكدوا انها من مصادر سريه ومرجحه بقوه ... من الاخبار ان ( Insomniac ) انهم يعملون على ( Ratchet and Clank 3 ) لاحظ الثالث وليس الثاني ! يبدوا انهم يبنون الماده الاولى من اللعبه كالقصه وطريقة اللعب .. على العموم اللعبه ستصدر للبلاي ستيشن 2 وليس 3 ... وننتظر تأكيد رسمي من الشركه
- افتتحت ( ايدوس ) الموقع الرسمي للعبة ( Backyard Wrestling: Don't Try This at Home ) وتستطيع قراءة بعض المعلومات عن اللعبه ومشاهدة الكثير من الصور ... اللعبه ستصدر لليلاي ستيشن 2 والاكس بوكس والموعد المقرر لها هو في اكتوبر
الموقع
.................................................................................................... .....
that's all folks
المشاركة الأصلية كتبت بواسطة mr*nice guy
السلام عليكم