المشاركة الأصلية كتبت بواسطة King Bruce
أول شي أهلاً بالجميع
كتيييير من الناس يسئل كيف يدخل جول من الركنية
وعندي طريقة جداً جميلة دخلت بيها أكثر من 10أهداف 5ريكوبا 3فيجو والباقي بلاعبين مني فاكرهم
تبغو الطريقة
أول شي لازم تعرف من أهم العوامل عشان تلف الكورة بدقة طاقة انحراف المرة اللي تحت طاقة
الخبرة في الفاول
وبعدين لازم تتدرب عليها مزبوط
لوجاتك ركنية من اليمين خلي اللي يشوتها يكون يساري والعكس
مثلاً لوجاتك من اليمين خلي اللي يشوتها ريكوبا أو واحد يكون يساري وطاقة الإنحراف كبيرة
وأول شي تسويه وجه الكورة على اليمين تسير الكورة في موازاة الحارس وبعدين استمر في
الضغط السهم اللي علىاليسار أقل من ربع ثانية (عشا ن توجه الكورة مزبوط) يعني بالعربي الفصيح
ضغطة بسييطة
وبعد كدا إنت( دحين لسا ما لعبت الركنية )
أضغط L1 وخليك مستمر في الضغط عليه ومعا كمان خليك مستمر على السهم اللي على
فوق دحين أضغط دائرة وخليها تجي إلين بعد النص بشوي وأول ماتسيب زر الدائرة طوالي سيب
السهم اللي على فوق وأضغط على طول سهم على يمين وخليك مستمر فيه تروح الكورة على المرمى
وتشوفها
بس لاتنسو تحتاجو لاعبين ممتازين في انحراف الكرة مثل (ريكوبا دل بييرو فيجو زيدان) عاد شوفو مين يصلح
وكمان لاتنسوا ضربة الركنية على اليسار خلي واحد يميني يشوتها والعكس
ولازم يبغالها تدريب كويس ومع التدريب حتشوفو
وأخيراً أتمنى اكون وضحت مزبوط واللي مافهم نقطة يسئل على طول (24ساعة في خدمتكم)
