معلومات عن الكاميرا EYETOY

**al WaTaR** · 26-08-2003, 12:26 AM

شباب.... حد يتكرم منكم و يدخل موقع ها الكاميرا و يقولنا شنو سالفتها... ترا واحد خبرني عنها لكن نبي واحد شاطر منكم يعطينا تقرير فنان ... و هاكم الموقع www.eyetoy.com

و السموحه

**aoks** · 26-08-2003, 01:35 AM

أخوي هاللعبة نزلت اوروبية فقط حتى الآن..وانا شريتها اول ما نزلت

اللعبة عبارة عن شريط يجي معاه كاميرا بسعر مخفض..بحيث اني اخذتها ب 180 ريال..

المهم..تشبك الكاميرا في فتحة اليو اس بي في الجهاز..وشغل الشريط..

وعند 12 لعبة العب فيها مثل ما تبي

في مثلا لعبة كونج فو

وجه الكاميرا عليك..وبتشوف واحد في الشاشة..انت تحرك وقاتل كأنك في الحقيقة..وبتشوف نفسك في التلفزيون تضارب الرجال وهو يضربك وانت لازم توخر..

اللعبة رهيبة رائعة...

**Uncle Sam** · 26-08-2003, 03:47 AM

نفس كلام الاخ aoks بس اللهم اني استغربت انه شاريها ب180 انا شريتها من شركة سوني ب200 ريال هههه انصب علي

بس عندي بعض النقاط اعلق عليها عن الاي توي

جودة الصورة مااعجبتني صراحة اللي يعرف نوكيا 7650 و3650 وجودة التقاطهم للصور يلاحظ انه نفس جودة صورة الاي توي !!

الالعاب للتسلية فقط لاتحتوي على قصة وماشابه حيث ان هناك عدة العاب مثل كونج فو و غسيل النوافذ واشي وشاي والملاكمة واليوفو ....الخ وهناك طور اللعب يالصورة مثل المرأة المعكوسة وطور الشوك(الصدمة) ... الخ كلها للتسلية فقط لاغير

صراحة الالعاب الموجودة على القرص انصح اي واحد متين ويبي يخس يلعب عليها وعلى فكرة لايشوفك احد وانت تلعب بالاي توي قفل الباب على نفسك لانك بتصير وبمعنى الكلمة مسخرة

والله اني اضحك على شكلي وانا قاعد انطط قدام التلفزيون البزران لو شافوني يحسوا انفسهم في قمة العقل بصراحة

لكن اللي مفرح في الاي توي انها نفسها الكاميرا راح تنزلها العاب في المستقبل تدعمها غير الالعاب التي تأتي مع القرص وافضل منها وهذا اللي خلاني مااندم على شرائها

**Mesharey** · 26-08-2003, 06:02 AM

ما قصروا معاك..العيب الوحيد هو انك ممكن تمل منها..
وفي من الألعاب ..نفس نافذة الصورة فيها غير واضحة وأنت بدورك تنظفها..
تناقز تروح يمين ويسار..
ولاتنسى نصيحة الأخ سام :6..

وعلى فكرة لايشوفك احد وانت تلعب بالاي توي قفل الباب على نفسك لانك بتصير وبمعنى الكلمة مسخرة والله اني اضحك على شكلي وانا قاعد انطط قدام التلفزيون البزران لو شافوني يحسوا انفسهم في قمة العقل بصراحة

**al WaTaR** · 26-08-2003, 04:33 PM

صراحه... ما قصرتو شباب في المعلومات.... إكفيتو و أوفيتو..

عيل بيني و بينكم.. هاي تنفع لي.. بخس وزن شوي.. هههه :0)

حد يقولي وين ألاقيها بالإمارات.. و بكم؟

عموما شكرا أخي aoks و Uncle Sam و Mesharey على المعلومات... ما تقصرون

أرجو إن اللي ما يعرف عن ها اللعبه يتعرف عليها من خلال هالموضوع و يستفيد

و السموحه al_WaTaR

**abu musa** · 26-08-2003, 07:04 PM

مشكوورين لكن هل توجد هذي الكاميرا في محلات في الشرقيه

الموضوع: معلومات عن الكاميرا EYETOY

أدوات الموضوع

معلومات عن الكاميرا EYETOY

ضوابط المشاركة