ليلة مع قطقوطة المحششه..!

[Lena]

السلام عليكم...


ها انا ذا افتح صفحة دفتر مذاكرتي

يا إلهي تبدو الصفحه مظلمة...؟ هاع هذا نذير شؤم بليله مليئه بالكوارث



(اصبروا اصبروا لا تقطعون افكاري مندمجه مع المشهد الدرامي>_<)

هلا والله ههههه بسوي الموضوع ذا على شكل صفحه مذكرات وكيك يلا اقرؤا..:




(((((((( انها الساعه الثانيه والنصف فجرا..

نايمه بهناء ..فراش ومكيف بارد ومتلحفه بغطاي ..يا سلالاااام وانواع الرواقه..

فجأة واذ باختي الكبيره تقول معليش نومي قطقوطة جنب...


P.S: قطقوطه هي بنت اختي الي قلت لكم عنها السنه الي فاتت والي ما يعرفها هذي جنيه في الارض الحين عمرها خمس سنين


انا : طيب من عيوني <==موب داريه عن الي بيجي


وضميتها وخلاص ابي انام..

انا: الله بنتي اليوم بتنام جنبي يا سلام بس صح وناسه ..؟


قطقوطة: ماما ما عندك قصه تقولينها..

(هي تناديني ماما رقم 2 بس اختصارا تناديني ماما وانا عشان ما يتعب مخكم بخلي كل ماما تقولها خالة هههههه)


انا:لا حبيبتي ما عندي قصص

عندي نوم ابي انام وش رايك <==لسى المزاج رايق


قطقوطة:عادي ياخاله فيه قصه ليلى والذيب وقصه....بلاه بلاه <==" قامت تعد القصص"

انا: (ماش الاخت ما خلت لي مجال غصب اقولها )

انا:هههههههههه يا حوبيلك وصوتي يعورني مقدر اقول قصص ..

قطقوطة: يا عمري يا خالة تعبانه..
خلاص انا بقولك قصه..لا يلا اختاري قصه ولا نكته...

انا: ( يا ويلييي مش مخلية لي مجال)
يا حلوة مابي شي وش رايك ننام...

قالت : لالا خلاص نكته..

اسمعي...فيه كان سعودي..وسوداني...
قال السعودي للسوداني عد من الف الى الياء..
قال السوداني:آآآي..<==هنا تنتهي النكته
بس هي اضافت..وقال السعودي:ايش كلام آي آي هونقا بونقا هونقا بونقا..

انا: (بسم الله وش هونقا بونقا طلعوا الجن )

انا : هههههههههههههههههههههههههههههههههه الله حلوة النكته يالله ننام[ ...



قطقوطة: لا في نكته ثانيه يلا اختاري نكته السعودي والسوداني ولا العجوز الي اكلت المكيف..


انا: (عجوز اكلت مكيف خير )

طيب يلا قولي العجوزة والي مدري وشو ؟...



قطقوطة: كان يا مكان كان فيه عجوزة ما عندها ميف وتدور عن مكيف
يوم لقت مكيف اكلته..وصار دوباااااااه


وراحت لمن الدكتور...

وايه بقولك نكته السوداني والسعودي..


انا: (ااااااع

وش هالدخله الغير متوقعه)

قطقوطة: كان فيه سوداني وسعودي..
انا قفلت عيوني واخذت فرت استراحه


لمن سمعتها توصل مقطع هونقا بونقا هونقا...الي مدري من وين جابته..بسم الله علينا



وقنسب بالله قعدت تعيد هالنكته على اذاني ثلاث مرات ورى بعض بدون اي تغيير

مع ملاحظه مقطع هونقا بونقا ما ينحذف ابد..

[Lena]

انا: الللله نكتك حلوة يلا ننام..

هي: لالا العجوزة...العجوزة ما دريتي وش صار لها..

(الله يقطع شر هالعجوزة قولي امين )



قطقوطه تكمل: طلع الدكتور المكيف الكبير وبعدين راحت اكلت مكيف صغير..
وبعدين رجعته (وانتم بكرامه) بس المكيف طلع مثل ما هو يا خالة يا سلام بس..



انا :اي والله يا سلام بس... يلا تصبحين على خير.. ها ها ها



قطقوطة: لالالا العجوزة راحت تدور على بنتها.


انا (ياليله منيله بستين نيلة )...




هي:وراحت تدور على بنتها بس هي غبيه تدرين ليه
لانها تدور بكل مكان كل مكان الا غرفه بنتها ما تدور فيها شفتي غبيه استغفر الله



انا:,,(الله واعلم منهو الغبي...)...



هي تكمل : بس وهي تدور وحاست الدنيا حوس..
لقت ارنب ومسكته مع رجولة ..وسوى كبيرة على يدينها..


انا: الله يقرفك



اقوول خلاص طفح الكيل منك .!





وانقز من الفراش واروح اكتب لكم هالحوار

عجيبه هالبنت ..


هذاها جنبي وانا اكتب غاثتن...يلا نروح ننام يا خالة...


(ايييه تو ما جاك النوم يالدوبة )

))))))))))))...شخط شخط طرنق<==توقيع يقاله



وهنا تنتهي الصفحه السوداء..




بس قولوا لي عمركم شفتوا بنت زي كذا...؟

ولو كنتم مكاني وش راح تتصرفون....

هل سوف تلبخونها كفا يلزقها بالجدار ثم تتخدر وتنام (حل وحشي)

..ام سوف تقصون قصه لتنطم...ام ماذا ..وش الحل مع اطفال جيل ابطال الديجتال..؟؟



P.S : تراها تدري اني كاتبه موضوع عنها وكل شوي تسالني هاه يا خالة وش قالوا على قصه السوداين والسعودي حقتي هاه..حلوة صح..:#<=== اع منك بس...!

[DNA]

اهلييييين لينا

شكرا ع الموضوع شكلو حلو بس طويل :6 ارجع البيت واقراه ع رواقه

[I`m HeRe]

ههههههههههههههههههه يا حليلها

قطقوطه أجل الله يذكر أيام قطقوط المقفوط بالخير :6

عاد فيه بزران واجد زي كذا وخصوصاً أذا ما كان فيها نوم

وبنسبه للي بأسويه بأقولها قصه سعد وبتركد وتحرم تلج ثانيه :6

________

وأنا أرد أضافو خشش جديده :shock::7::vereymad::arabchatr<<<<<ما لقو غير ذي الخشش ?:

خش غلط عارف :6

ومشكووره على الموضوع وسلميلي عليها

[princess]

يحليلها ^^

الله يخليها لكم

بس الصراحة مصختها بالنكت :6

جان قلتيلها قصة و ريحتي عمرج ><

ههههههههه حلوة طريقة الموضوع ^^

سيااااااااا

[HArb200]

اطفالنا اكبادنا ..

[العمدا]

ااااااااع

والله يا هي نشبه :#

بس بصراحه لو انا محلك بوقس بسيط انومها وهي تضحك :6

[العمدا]

ااااااااع

والله يا هي نشبه :#

بس بصراحه لو انا محلك بوقس بسيط انومها وهي تضحك :6

[..daredevil..]

واااااااع هذي كيف تحملتيها :7: ماشاء الله عندك قوة تحمل>>

المره الجييه انصحك تاخذي بنصيحة العمدا

[usef]

يماا... اعوذ بالله والله لو انا جان قفلت الباب عليها و الليتات مسكرة و انام بالصاله...نهاهاهاهاها

[ابتسامــــــه]

فديت اليهااااال كلهم ...

والله بيت بدون يهاااال موحلو ..

علىا لعموم الله يخليها لكم والمره الثانيه اتحملي وقوليلها كل إلي تبيه <<<على الاقل احسن من نكتها البايخه >>>>




:arabchatrلأحلى قطقوطه

[Cheez]

ههههههههههههههههههههههههه والله نشبتي مع البنت الصغيرة...لكن بصراحة أنتي الغلطانة وماعرفتي

تتصرفي...لو كنت عطيتها شوية تشيزززز كان نامت علطوووول..لأنه ثبت علمياً أنه التشيز يساعد على

النوم لأحتوائه على مادة التيرتويويفين المساعدة على النوم (نصاااااب بس يسوي دعاية لنفسه)

بس بصراحة أكثر مايضيق علي فها الدنيا هي الأطفال الصغار ....يرفعون الضغط والمرارة والسكري:vereymad:

وشكرن على القصة :7: <----------(أبي أجربها بس ههههه)

[memy]

هههههههههههههههههه

حمد الله لما اجي انام ما ادخل احد معاي و اقفل على روحي حتى لو دقوا الباب

بس انتي تعطينهم وجه بزياده ... اذا المساله مساله نوم محد يمون علي ولا يقرب لمي

الا مين هذا اي وحده ؟؟ :6


وطانكس حوبه ..

الا صحيح انتي زعلانه مني ؟؟

[Undine]

ههههههه يحليلها

عشان كذا احوب البزران اللي سنتين وتحت ..لمازا؟

اولا : دوبب

ثانيا: ما يعرفون يتكلمون :6

ثالثا: أليفين

لو اني مكانك اقولها قصه بس مرعبه مثلا فيه بنت كانت منسدحه على سريرها وهي قدك عمرها 5 سنين كانت تقول نكت وتسولف كثير جا طلع لها جني وماتت البنت -___-

ههههههههههه بعد ذي مااظن بتهرج على طول تشخر بس كنها عطت مفعولها بقوه اخاف ما تنام ابد من الخوف :6

[{gaia_girl}]

ههههههههههههههههههههههههههههههههههه يا حوبي لها اللهم احفظها XD

تذكرني ببنت ابنة خالي لما تيجي تتكلم عن powerpuff girls >___<

لا و تقوللي انا إسمي blossom خلاص ^_^()

بس تصدقي صح صجة و ازعاج بس برضو وناسة XD

خلنا نستمتع بهم قبل ما يكبروا >____< بالذات الأولاد <== أسألي مجربة ة_ة

يسلمو حوبة عالموضوع ^___^