تم نقل نشميه من مكتبها في طل إلى كوم
وترتب على ذالك تغير من نشميه طل إلى
نشميت
com
اس اس (قديمه)
السلام عليييييييييكم
كيفكم والله مشتاقه لكم من زماااااان عنكم
من زماااااان ما مريت علييكم مرار خطافيه
المهم هاذي قصتي يوم صحيت عيني عيت تنفتح
اييييييييه
بالليل ياعيني بالليل < مالها دخل
آآآآآآآآآخخخخخخخخ يا عيني بس والهموم اللي مريتي فيها <--- لا تشرهون
بصراحة اليوم سالفتي سالفة ( اخلصي علينا )
والله يا بنات (يعني الشباب مالهم دخل ؟ )
انا نمت الفجر زي ماينام البشر والانس ( جابت شي جديد ) < الاخت من الزواحف
كنت سهرانه طول الليل وجالسه احوس بالنت اهم شي جاني النوم على الفجر كذا
وجلست اطالف بالسرير ولسان حالة يقول :
>> ياختي ما تملين من النوم ؟
طول حياتك نوم نوم نوم نوم ؟
ياختي خليك زي البشر روحي ترزقي الله ،،،، افتحي مشغل .. شوفي لك صرفة
ياختي ماتموتين انتي ؟
ياختي ما تنمرضين وترقدين بالمستشفى ؟
عاد انا بصراحة نزلت مني دمعة وكسرت خاطري < تراي احس حتى لو ماشفتوا وارحم بعد
قلت يلعن ابو اللي مايرحم ياناس
واسحب البطانية واجر الوساده وانا كلي الم وحزن على فراق سريري الجميل والمريح اللي منخفس مع الوسط من كثر النوم عليه
والله واحط وسادتي على الارض واحلت البطانية واتغطى بنصفها وافرش نصفها
واسحب ريموت التلفزيون والفيديو ( الاخت متطوره حتى لو شفتوا ) وابغز على الفيديو ويشتغل لي الفيديو على مسرحية طالما عانت مني من كثر ما شفتها وحفظتها وهي مسرحية لعادل ايمان ( الاخت بدت تخبص ) مسرحية الواد سيد البيطري عفوا الشغال ...
ايييييه شغلت المسرحية وبغزت المسجل ( بالريموت طبعا ) واشتغل المسجل والفيديو بوقت واحد ،،، ثم سميت بالرحمن الرحيم وحطيت راسي تحت الوساده ونمت نومة هنية .....
ماصحيت بعدها الا وجوالي يدق بجنبي بعد ماطلعت روحه وهو يدق والمؤذن يقول ( الله اكبر ) لصلاة المغرب ... < بعذر والله سريرك
صحيت من النوم حاولت افتح عيوني ... ولكن ؟ ؟ ؟
انفتحت العين اليسرى ولكن ...؟؟؟
هاه وش ذا ؟ ليه ؟ وش صاير ؟ شكلها زعلانه ؟
عيت تنفتح العين الثانية ؟
يا ربية وش اسوي ؟
احاول افتحها بيدي بس توجعني ؟
احاول افتحها بالطيب عيت تنفتح
يا ربي وش اسوي
جيت ارفع يدي ابي افتحها بشده ولكن يدي عيت ترتفع < نايمة
رفعتها بعد ما صحت ابفتح العين يمين يسار لكن معصبه شكلها علي ...
بعد عناء طويل وتطنيش الجوال يرن حتى فضت البطارية وطفى من حاله
وبعد غسيل عيني اللي لها شهر ونصف ما شافت لون الماء
وغسيلها ودعكها بماء دافي < اسمعها بالوصفات الطبية
حتى شافت النور
ابشركم انفتحت عيني ولكن وش ذا ؟
يا ربي وش اشوف ؟
العين صايرة من جوى حمراء
ومن برى زرقاء ...
وش تتوقعون ؟
كنت حاطه خشتي على الارض ومن شدة النوم ما ركزت وش اللي تحت راسي
ولكن ربكم ستر على عيوني وفك الله خشمي
كان تحت عيني ( قسام كهرب ) وطاعج ابو ابو عيوني
الحمد لله على سلامتي
وتحياتي لكم
ونستقبل الورود والتهاني في حوش البقره حق ام دحيم اللي بجنب العقم اللي بالشميسي :arabchatr
المشاركة الأصلية كتبت بواسطة remo
[